مشاعرہ : روایت، ثقافت اور تجارت - اثبات کا خصوصی شمارہ

تعارف رسالہ (اثبات خصوصی شمارہ، مدیر: اشعر نجمی) ٹی۔این۔بی

کتابی سلسلہ "اثبات" کے دو ضخیم خصوصی شمارے

• مشاہیر علم و ادب کے سرقوں کا محاسبہ
• احیائے مذاہب: اتحاد ، انتشار اور تصادم

شائع ہو کر ہند و پاک کے علمی و ادبی حلقوں میں خاصی پذیرائی حاصل کر چکے ہیں۔
اب "اثبات" کا متعاقب خاص شمارہ درج ذیل عنوان کے تحت پاکستان سے شائع ہو رہا ہے:

مشاعرہ : روایت، ثقافت اور تجارت

اثبات کے مدیر اشعر نجمی اس خصوصی شمارہ "مشاعرہ نمبر" کے تعارف میں لکھتے ہیں ۔۔۔

اثبات کے 'مشاعرہ نمبر' کی فہرست حاضر ہے جس کا 576 صفحات پر مشتمل مسودہ 'بک کارنر جہلم' کو بھیجا جا چکا ہے اور جس کے اگلے ماہ یعنی نومبر 2020 تک پاکستان میں منظر عام پر آنے کی توقع ہے۔ ہندوستان میں اس کی اشاعت کی تاخیر تو ہے البتہ جلد ہی 'عالمی نثری ادب نمبر' اور 'مشاعرہ نمبر' ہندوستانی احباب کے ہاتھوں میں بھی ہوگا۔
ماہنامہ "شاعر" (ممبئی) نے اعجاز صدیقی کی ادارت میں آگرہ سے 1950ء میں ایک "مشاعرہ نمبر" نکالا تھا لیکن افسوس اس موضوع پر سر کھپانے کی جگہ اس موقر جریدے نے دو تین مضامین چھاپے اور پورے نمبر میں غزلیں اور نظمیں چھاپ دیں، مجموعی طور پر "شاعر" کے مذکورہ شمارے کو تحریری مشاعرہ کہا جائے تو غلط نہ ہوگا۔

"نیرنگ خیال" نے بھی شاید ایک مشاعرہ نمبر چھاپا تھا لیکن باوجود کوشش اس تک میری رسائی نہ ہو پائی۔ ایک اور رسالہ "روشنی" (جئے پور) نے مارچ-اپریل 1935ء میں مشاعرہ نمبر نکالا تھا لیکن اس کے مختصر تعارف سے اندازہ ہوتا ہے کہ یہ کچھ مشاعروں کی روداد پر مبنی ہوگا جو ظاہر ہے زیر نظر شمارے کا ہدف نہیں ہے۔

"مشاعرہ" پر سب سے اچھا کام علی جواد زیدی کا ہے۔ "تاریخ مشاعرہ" کے نام سے انھوں نے نہ صرف اردو مشاعرے کی ابتدا اور اس کے عروج و زوال کی داستان رقم کی ہے بلکہ عربی، فارسی، ترکی اور ہندی مشاعروں پر بھی تفصیل سے گفتگو کی ہے۔ 'تاریخ مشاعرہ' کی تلخیص زیر نظر شمارے میں شامل ہے۔
بانو قدسیہ کا مقالہ برائے ایم فل / پی ایچ ڈی بھی نظروں سے گزرا جو انھوں نے "اردو مشاعرے کی روایت: ادبی، تہذیبی اور ثقافتی پہلو" کے عنوان سے رقم کیا تھا۔ لیکن اس مقالے میں بھی بیشتر جگہ "تاریخ مشاعرہ" کی بازگشت ہی سنائی دی۔ اس مقالے کا ایک باب زیر نظر شمارے میں شامل اشاعت ہے۔
اس کے علاوہ وہ مضامین جو مختلف رسائل و کتب میں اِدھر اُدھر بکھرے پڑے تھے، اور ان میں ہمیں کام کی کوئی بات نظر آئی، وہ سب زیر نظر شمارے میں شامل اشاعت کر لیے گئے تاکہ ایک ہی جگہ زیر بحث موضوع پر مختلف و متضاد مواد اکٹھے ہوجائیں اور قارئین ان تحریروں کے درمیان غور و فکر کی راہ نکالنے میں آزاد ہوں۔

مشاعرہ نمبر کے پس ورق کی تحریر ۔۔۔

مشاعرے کا ذکر نکلتے ہی ہمارے ذہن میں پہلا رٹا رٹایا فقرہ روشن ہو جاتا ہے:
"مشاعرہ ہماری ادبی و ثقافتی روایت کا زریں باب ہے۔"

کون سی ادبی روایت؟
کون سی ثقافت؟
ہند آریائی ثقافت یا ہند اسلامی ثقافت؟
'زریں باب' سے کیا مراد ہے؟ وغیرہ۔
ان سوالوں پر سنجیدگی سے غور کرنے کی کبھی یا تو ضرورت ہی نہیں سمجھی گئی یا پھر ان سوالوں کے جواب میں قدیم مشاعروں کی جستہ جستہ روداد نمک مرچ لگا کر پیش کر دی گئی کہ:
پرانے مشاعروں میں کس طرح ذوق کی تربیت انجام پاتی تھی اور کس طرح مشاعروں میں تقریباً فوجی نظام قائم تھا کہ ذرا سی کسی نے چوں چاں کی اور 'گولی' چلی۔
پڑھنے اور سنے میں یہ سب کچھ بھلا لگتا ہے لیکن دراصل حقیقت سے زیادہ ہماری نفسیاتی اور ذہنی تربیت کا نتیجہ ہے کہ ہم بیشتر پرانی چیزوں کو جن کا ہم نے مشاہدہ یا تجربہ نہیں کیا ہوتا ہے، انھیں شاندار سمجھتے ہیں اور اپنے گزرے ہوئے 'کل' کا موازنہ اپنے 'آج' سے کرتے ہوئے نوحہ خوانی کرتے رہتے ہیں۔
دوسری وجہ یہ ہے کہ تبدیلی سے لوگ بدکتے ہیں اور آسانی سے اسے قبول نہیں کرتے، بطور خاص ہمارا معاشرہ تو اس کی بدترین مثال ہے جس کی تصویر تاریخ کے صفحات پر مجسم ہے۔ 'مشاعرے' پر ایسے رسمی اور یک رخے تبصرے کی ایک وجہ بھی ہے کہ ہم سفید و سیاہ کے قائل ہیں۔ کسی موضوع پر غور و فکر کرتے ہوئے ہم خود کو کھلا نہیں چھوڑتے بلکہ اپنے تعصبات و تحفظات کو ٹھکانے لگانے کے لیے اس کا استعمال کرتے ہیں۔ نتیجتاً مشاعرے پر اب تک کوئی سنجیدہ گفتگو نہیں ہو پائی۔

زیرنظر شمارے میں وہ مضامین جو مختلف رسائل و کتب میں ادھر ادھر بکھرے پڑے تھے، اور ان میں ہمیں کام کی کوئی بات نظر آئی، وہ سب شامل اشاعت کر لیے گئے ہیں تاکہ ایک ہی جگہ زیر بحث موضوع پر مختلف و متضاد مواد اکٹھے ہو جائیں اور قارئین ان تحریروں کے تناظر میں غور و فکر کے بعد اپنے نتائج نکالنے میں آزاد ہوں۔

اثبات :: مشاعرہ : روایت، ثقافت اور تجارت - (فہرست مضامین)
نمبر شمار	عنوان	مصنف	صفحہ نمبر
اداریہ
1	حاصل مشاعرہ: ایک گرما گرم مباحثہ	اشعر نجمی	8
تاریخ ظہور بنائے دعویٰ
2	تاریخ مشاعرہ	علی جواد زیدی	27
3	مشاعرے کی روایت	اسلم فرخی	138
4	دہلی کا ایک یادگار مشاعرہ	مرزا فرحت اللہ بیگ	143
5	قدیم مشاعرے کی ادبی اہمیت	آفتاب احمد	147
6	ادبی نشستیں اور تخلیقی عمل	شمس الرحمٰن فاروقی	153
7	مشاعرے کی روایت کا اثر مشرقی زبانوں پر	قدسیہ بانو	157
8	مشاعروں کی تہذیبی اہمیت اور زبان کا فروغ	خواجہ محمد اکرام	181
9	لسان العصر اور مشاعرے کی روایت	احمد رضوان	187
10	لال قلعہ کے اردو مشاعرے: روایت و حکایت	سہیل انجم	192
موازنۂ رقبہ بندی
11	مشاعروں کا جدید نظام عمل	سیماب اکبر آبادی	199
12	مشاعرے اور ان کی افادیت	سید احتشام حسین رضوی	205
13	اردو کے مشاعرے	سہیل بخاری	213
14	مشاعرہ: ایک مقبول عام ثقافتی ادارہ	فرمان فتح پوری	219
15	مشاعرے کی روایت	جمیل جالبی	228
16	ایک بزم مشاعرہ کی غیر شاعرانہ صدارت	مولانا عبدالماجد دریابادی	231
17	ادبی معرکوں کی کہانی	امیر حسن نورانی	233
18	فاعتبرو یا اولی لا بصار	سلیم اختر	245
19	ہمارے مشاعرے	مظفر حنفی	249
20	مشاعرے ایک خوبصورت اور زندہ روایت	امجد اسلام امجد	255
21	ایک چونی چھاپ مشاعرے کی روداد	تصنیف حیدر	258
22	پاکستان میں مشاعروں کا کاروبار	غافر شہزاد	265
23	رضیہ غنڈوں میں اور بیچاری اردو امریکہ میں	قیصر عباس	272
حجت قاطع
24	اردو شاعری اور عوامی احتجاج کی شکل	علی سردار جعفری	279
25	ٹک ٹاک شاعری ، فیس بک...	حسنین جمال	282
26	مشاعرے، تالیاں اور سیٹیاں	سید کامی شاہ	287
خندہ زخم
27	دھیرج گنج کا پہلا اور آخری مشاعرہ	مشتاق احمد یوسفی	295
28	مسند صدارت پر اولتی کی ٹپاٹپ	مشتاق احمد یوسفی	312
29	مشاعروں کو کیا ہوگیا ہے؟	مجتبیٰ حسین	324
30	مشاعرہ یا مجرہ	مجتبیٰ حسین	328
31	مشاعر	شوکت تھانوی	332
32	کسٹم کا مشاعرہ	ابن انشا	338
33	آؤ مشاعرہ پڑھیں	چراغ حسن حسرت	344
34	مشاعرے میں صدارتی خطبہ	فکر تونسوی	349
35	متحرک مشاعرہ	حاجی لق لق	354
36	لکھنؤ کا ایک مشاعرہ	نیاز فتح پوری	358
37	سخن فہم	کنہیا لال کپور	365
38	مشاعرے میں ہوٹنگ کے فوائد	یوسف ناظم	373
39	لذیذ مشاعرے	یوسف ناظم	378
40	تخلص او تخلص!	عظیم اختر	382
41	کرنا نظامت مشاعروں کی	عظیم اختر	385
42	داد	ارشد میر	389
43	مشاعرہ تو دل ناتواں نے خوب کیا	سید ضمیر جعفری	396
44	خواتین کا مشاعرہ	منظور عثمانی	404
45	صنعت مشاعرہ	اسد رضا	410
46	مشاعرے کی رویت، روایت بزبان یوسفی	احمد رضوان	413
47	مقتول مشاعرہ	شجاع الدین غوری	421
گواہ مندرجہ دستاویز
48	رقص شرر	ملک زادہ منظور احمد	427
49	گھنگھرو ٹوٹ گئے	قتیل شفائی	437
جراحیات
50	منور رانا کے لڑکھڑاتے اشعار	پی پی سریواستو رند	443
51	راحت اندوری: آواز کا زیر و بم	ندیم صدیقی	455
52	وسیم بریلوی اور ماجد دیوبندی کے کچھ اشعار	ذکی طارق	463
53	شکیل اعظمی: خزاں کا موسم اب تک رکا ہوا ہے	اشعر نجمی	478
54	منظر بھوپالی : یہ صدی تمھاری ہے	اشعر نجمی	488
معذرت خواہان مشاعرہ
55	اچھے شعر کی یہ تعریف نہیں کہ وہ نامقبول ہو	ساحر لدھیانوی	493
56	مشاعرہ ادب کی خدمت نہیں کرتا	ملک زادہ منظور احمد	493
57	مشاعرہ تو ختم ہوگیا	منور رانا	494
58	ناظم مشاعرے کا مارکیٹنگ منیجر ہوتا ہے	منظر بھوپالی	494
59	مشاعروں پر بازار حاوی ہوگیا ہے	راحت اندوری	496
60	میں نے مشاعرے کے لیے کبھی نہیں لکھا	عباس تابش	497
61	اسٹیج اللہ کی دین ہے	وسیم بریلوی	498
62	مشاعرہ کیا، زندگی کے ہر شعبے میں زوال آیا ہے	انور جلال پوری	499
ضرب الازب
63	یہ شاعر مشاعرہ پڑھتے ہیں، ادب نہیں	وارث علوی	503
64	وہ شاعر نہیں، مشاعرے کے شاعر کہے جاتے ہیں	شمس الرحمٰن فاروقی	504
65	ایک وسیع المطالعہ شاعر	خامہ بگوش	506
66	مشاعروں نے اردو نثر کو زبردست نقصان پہنچایا	قاضی عبدالستار	508
67	مشاعرہ سننے والوں میں فرق ہے	ندا فاضلی	511
68	مشاعرے اور تماشے میں فرق ہوتا ہے	کشور ناہید	511
69	امبوہی شاعری کے بھنڈیت زندہ باد	اقبال مجید	513
گفت و شنید
70	شاعر بدلیں گے تو سامعین بدل جائیں گے	محمد حمید شاہد	524
71	مشاعرے کی فضا غور و تامل کی نہیں	ناصر عباس نیر	528
72	بات کی ترسیل کو شعر سمجھ لیا گیا ہے	عرفان ستار	531
73	مشاعرہ: مقبولیت، انحطاط اور سماجیات	خورشید اکرم	534
74	قاری کی نسبت سامع کی تخیلی قوت کمزور	قاسم یعقوب	539
75	مشاعرہ سمعی و بصری مزاحیہ ڈرامہ ہے	صلاح الدین درویش	541
76	ریختہ- ذہن سازی کا کام کرسکتا تھا	معید رشیدی	543
77	پاپولر فقط پاپولر ہی ہوتا ہے	عمار اقبال	547
78	یہ ادب سے زیادہ عوام کی چیز ہے	عزیز نبیل	548
79	نظم کے نام پر گیت ہی لکھ رہے ہیں	مالک اشتر	551
80	غیر مسلم شعرا کی شمولیت آٹے میں نمک کی طرح	نصرت مہدی	553
81	مدارس کے طلبا کی مستی اور تفریح کا ذریعہ	ضیا ضمیر	556
82	مشاعروں کی منڈی میں کیا مضائقہ ہے	عارف نقوی	560
83	پاکستان میں مترنم شعرا کی کمی ہے	محمد جنید	562
84	آرٹ کسی اور کا، پرفارم کوئی اور کرتا ہے	جمشید گل	563
نوحہ کناں
85	کرکٹ اور مشاعرہ	دلاور فگار	567
86	مشاعرہ	سیدمحمد جعفری	569
87	شعر آشوب	ظریف لکھنوی	573

Esbaat's special issue : Mushaira Number (Mushaira - Tradition, culture and trade.).