کاغذی ہے پیرہن - طنز و مزاح از ڈاکٹر رشید موسوی - تعارف کتاب

ڈاکٹر رشید موسوی (پیدائش: 9/جون 1935ء)
حیدرآباد کی ممتاز محقق اور ادیب رہی ہیں۔ انہوں نے "دکن میں مرثیہ اور عزاداری" کے موضوع پر مقالہ لکھ کر پی۔ایچ۔ڈی کی ڈگری حاصل کی تھی۔ ان کی دیگر تحقیقی و تنقیدی کتب میں حیدرآباد کی عزاداری میں خواتین کا حصہ، تذکرۂ یادگار اور کوسے شامل ہیں۔ تنقید و تحقیق کے ساتھ انہوں نے طنز و مزاح کے میدان میں بھی خامہ فرسائی کی ہے۔ بقول مجتبیٰ حسین، زندہ دلانِ حیدرآباد کے آغاز (بیسویں صدی کی چھٹی دہائی) میں جن خواتین نے طنز و مزاح لکھنا شروع کیا ان میں رشید موسوی کا نام سرفہرست آتا ہے۔ ان کے مزاحیہ مضامین کا مجموعہ "کاغذی ہے پیرہن" نے کافی مقبولیت حاصل کی۔ بطور خاص اس مجموعہ کے مضامین چادرگھاٹ کا پل، گلے کا تعویذ، برسی اور مالن بی، طنز و مزاح کے اعلیٰ نمونے قرار دئے جا سکتے ہیں۔ واضح رہے کہ محترمہ رشید موسوی، حیدرآباد کے مقبول عام اور ممتاز مزاحیہ شاعر حمایت اللہ مرحوم کی نصف بہتر ہیں۔

اس کتاب کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

***
نام کتاب: کاغذی ہے پیرہن (طنز و مزاح)
مصنفہ: ڈاکٹر رشید موسوی
ناشر: زندہ دلانِ حیدرآباد، حیدرآباد (سن اشاعت: اکتوبر 1986ء)
تعداد صفحات: 141
Kaghazi Hai Pairahan by Rasheed Mosavi

فہرست
نمبر شمار	عنوان	صفحہ نمبر
الف	ڈاکٹر رشید موسوی، ایک تعارف از بھارت چند کھنہ	5
ب	ڈاکٹر رشید موسوی از مجتبیٰ حسین	16
ج	کچھ اپنے بارے میں از ڈاکٹر رشید موسوی	21
1	کاغذی ہے پیرین	23
2	طنز کیا چیز ہے، مزاح کیا ہے	32
3	مالن بی	38
4	کتے	46
5	کیا کیا نہ کیا شہرت کے لیے	53
6	برسی	60
7	اس برس کے ہوں دن پچاس ہزار	67
8	رہیے اب ایسی جگہ چل کر	72
9	چادرگھاٹ کا پل	77
10	چندا جا رے جا	82
11	اللہ کے نام پر	87
12	گالیاں کھا کے بےمزہ نہ ہوا	93
13	ایک لڑکی	98
14	ہڑتال	102
15	ایک خط جو پوسٹ نہ ہو سکا	109
16	گلے کا تعویذ	113
17	مفت ہوئے بدنام	118
18	تو پھر کیا کرے کوئی	123
19	اللہ میاں کی گائے	131
20	لوتھر صاحب	136