رسالہ افکار - برطانیہ میں اردو - خاص نمبر اپریل 1981 - پی۔ڈی۔ایف ڈاؤن لوڈ

تعارف رسالہ ٹی۔این۔بی

مکتبہ افکار (بندر روڈ، کراچی) سے باتصویر ماہنامہ "افکار" ، صہبا لکھنوی کی ادارت میں 1945 میں جاری ہوا۔ اس رسالے میں افسانے نظمیں، غزلیں، ڈرامے، طنز و مزاح، ترجمہ، فکاہیہ، گیت اور مقالے غرض اردو ادب کی تمام اصناف شائع ہوتی تھیں۔ ادبی رسالہ ہونے کے باوجود اس میں اشتہارات بھی خوب چھپتے تھے۔ تقسیم ہند کے بعد یہ رسالہ محکمہ تعلیمات، رکن انجمن ادبی رسائل پاکستان سے منظور شدہ تھا۔ افکار نے زندہ شخصیات پر بھی نمبر نکالے مثلاً اکتوبر-نومبر 1961 میں "جوش نمبر" شائع کیا اور اگست 1962 میں ضمیمہ کے ساتھ اسی جوش نمبر کا دوسرا ایڈیشن بھی شائع کیا۔ 1955 میں "دس سالہ نمبر" شائع کیا جو 1945 سے 1955 تک کے دس برسوں کے مشمولات پر محیط تھا۔ اسی طرح شمارہ نمبر 58-59 بطور "مجاز نمبر" شائع کیا گیا اور 1959 میں 246 صفحات پر مشتمل "افسانہ نمبر" بھی شائع کیا۔ افکار کا ایک یادگار نمبر، 133 ویں شمارہ (اپریل-1981، اشاعت کا 37 واں سال) "برطانیہ میں اردو" ایڈیشن کے بطور شائع ہوا تھا۔ تقریباً 600 صفحات پر مشتمل یہ نمبر تعمیرنیوز کی جانب سے پی۔ڈی۔ایف فائل کی شکل میں پیش خدمت ہے۔ اس پی۔ڈی۔ایف فائل کا حجم تقریباً 27 میگابائٹس ہے۔
رسالہ کا ڈاؤن لوڈ لنک نیچے درج ہے۔

برطانیہ میں اردو نمبر کے اداریہ میں مدیر افکار صہبا لکھنوی لکھتے ہیں۔۔۔

اشاریہ - برطانیہ میں اردو کا پس منظر
اکتوبر 1975 کی بات ہے۔۔۔
افکار کے دیرینہ رفیق مقصود الہی شیخ جو عرصۂ دراز سے بریڈفورڈ میں رس بس گئے ہیں۔ ایک ماہ کے لیے اپنے وطن پاکستان آئے اور ایک ہفتہ اپنے افراد خاندان کے ساتھ میرے مہمان رہے۔ دوران قیام کراچی شیخ صاحب نے اس خواہش کا اظہار کیا کہ ایک بار مجھے انگلستان کا دورہ کرنا چاہیے تاکہ برطانیہ میں مقیم اردو دوستوں سے ذاتی ربط و تعلق پیدا ہو جائے اور افکار کا حلقہ وسیع ہو سکے۔ اس سلسلے میں انہوں نے ہر ممکن تعاون کا یقین دلایا۔
میں نے ان کی مخلصانہ پیش کش کو اصولی طور پر منظور کر لیا لیکن اس شرط کے ساتھ کہ میں خالی ہاتھ انگلستان نہیں آؤں گا بلکہ میں پہلے "برطانیہ میں اردو" کے عنوان سے خاص اشاعت کے پروگرام کو مکمل کروں گا اور اس کے بعد انگلستان کا قصد کروں گا۔ شیخ صاحب اور میں نے رات کے دو بجے تک مجوزہ خاکے پر تبادلۂ خیالات کیا۔ شیخ صاحب نے انگلستان کے اہل قلم کی نظم و نثر کی تخلیقات فراہم کرنے کا ذمہ لیا اور میں نے برصغیر میں انگریز مستشرقین کی ہمہ گیر علمی و ادبی خدمات کے سیر حاصل جائزے کو یک جا کر کے خاص اشاعت کی صورت میں مرتب کرنے کا وعدہ کیا اور کام کی ابتدا کر دی۔ اور طےشدہ پروگرام کے تحت "افکار" میں ۔۔۔ "برطانیہ میں اردو - ایڈیشن" کا اعلان کر دیا۔

شیخ صاحب نے پاکستان سے واپس جانے کے بعد انگلستان کے اہل قلم کو اس خاص اشاعت کے بارے میں بذریعے خطوط مطلع کیا اور تعاون کی درخواست کی، پھر یاددہانیوں کا سلسلہ شروع کیا اور جب خاطر خواہ نتیجہ برآمد نہ ہو سکا تو انہوں نے متعلقہ حضرات کو بذریعہ تار بھی توجہ دلائی۔ اسی سعی و کوشش میں 1976 ختم ہو گیا اور حسب توقع انگلستان کے اہل قلم حضرات نے اس خاص اشاعت کے لیے مطلوبہ تحقیقات ارسال نہیں کیں۔ البتہ تھوڑا بہت مواد شیخ صاحب نے جمع کر کے مجھے ارسال کر دیا۔ لیکن جس وسیع پیمانے پر ہم "برطانیہ میں اردو - ایڈیشن" کو انگلستان کے تمام اردو دوستوں کی تخلیقات اور انگلستان کے ادبی مسائل کے سیر حاصل جائزے پر مشتمل صورت میں پیش کرنے کے آرزومند تھے، اس کی تکمیل نہ ہو سکی اور شیخ صاحب دل شکستہ ہو کر ہمت ہار بیٹھے۔ لیکن میرے لیے اس اعلان کو واپس لینے یا اس خاص اشاعت کو شائع نہ کرنے کا سوال ہی پیدا نہیں ہوتا تھا کہ اول تو میں شیخ صاحب سے وعدہ کر چکا تھا۔ دوسرے یہ کہ یہاں میں نے انگریز مستشرقین اور ان کے قایم کردہ اداروں سے متعلق مضامین تیار کرا لیے تھے۔ چنانچہ میں نے شیخ صاحب کو بغیر کسی تردد کے ، لکھ دیا کہ اب آپ فکرمند نہ ہوں۔ دیر سویر میں ان ادیبوں اور شاعروں سے براہ راست رابطہ پیدا کر کے کچھ نہ کچھ ضرور حاصل کر لوں گا اور اس خاص اشاعت کو ضرور شائع کروں گا۔
اور اب چار سال کی مسلسل سعی و کاوش کے بعد 'برطانیہ میں اردو - ایڈیشن' آپ کے ہاتھوں میں ہے۔ اس میں کیا ہے اور کیا نہیں۔ اس کا فیصلہ تو ناقدین، مبصرین اور قارئین کریں گے۔ میں صرف اتنا ہی عرض کرنے پر اکتفا کروں گا کہ اگر مقصود الہی شیخ پاکستان نہ آتے، مجھے میزبانی کا شرف نہ بخشتے اور 'برطانیہ میں اردو' ایسے صبر آزما اور تقریباً ناممکن العمل موضوع پر میرے مرتبہ خاکہ کو پسند کر کے میرا حوصلہ نہ بڑھاتے تو اس یادگار اور دستاویزی خاص اشاعت کی نوبت نہ آتی۔

۔۔۔ انگلستان کے جن دوستوں نے اس کٹھن کام میں میرا ہاتھ بٹایا، مضامین، فہرست مخطوطات اردو، منظومات اور تصاویر وغیرہ فراہم کیں، ان میں مقصود الہی شیخ کے علاوہ، رالف رسل، سلیم قریشی، محمود ہاشمی، ڈاکٹر سعید اختر درانی، سلطان محمود، محسنہ جیلانی، منیر احمد اور موج فرازی بطور خاص قابل ذکر ہیں۔
اسی طرح کراچی میں ابتدا تا انتہا جن رفیقوں نے تعاون کیا، ان میں سرفہرست ضمیر نیازی ہیں۔ ان کے علاوہ افسر صدیقی، ڈاکٹر عبادت بریلوی، ریاض صدیقی اور شہزاد منظر کے علاوہ وہ تمام اہل قلم بھی دلی شکریے کے مستحق ہیں جن کی نگارشات اس خصوصی اشاعت میں شامل ہیں۔
اس خاص اشاعت کے سلسلے میں میں نے جن کتب خانوں سے استفادہ کیا ان میں انڈیا آفس لائبریری، برٹش میوزیم، کتب خانہ انجمن ترقی اردو، غالب لائبریری۔ اور جن ممتاز ادبی جرائد سے فیض اٹھایا ان میں قومی زبان کراچی، آجکل دہلی، نوائے اردو اور شاعر بمبئی وغیرہ قابل ذکر ہیں۔
برطانیہ میں اردو - کے موضوع پر افکار نے کام کی ابتدا کر دی ہے۔ یقین کہ آنے والی نسل اس کام کو اور اس روایت کو آگے بڑھائے گی۔ اس موضوع پر مزید کام کرنے کی ابھی بہت گنجائش ہے۔
فہرست مخطوطات اردو، نظرثانی کے بعد شاید پہلی بار مکمل صورت میں افکار کو پیش کرنے کا فخر نصیب ہوا ہے۔ یہ فہرست تحقیقی کام کرنے والوں کی ہمیشہ رہبری کرے گی۔

یہ بھی پڑھیے:
ادبی رسائل کے پچیس سال - از ابن انشاء
رسالہ سویرا - شمارہ اول 1946 - پی۔ڈی۔ایف ڈاؤن لوڈ
نقوش کا لاہور نمبر - پی۔ڈی۔ایف ڈاؤن لوڈ
ادبی دنیا - سالنامہ 1939 - پی۔ڈی۔ایف ڈاؤن لوڈ

***
نام رسالہ: رسالہ افکار (برطانیہ میں اردو نمبر)، شمارہ اپریل - 1981
مدیر : صہبا لکھنوی
تعداد صفحات: 590
پی۔ڈی۔ایف فائل حجم: تقریباً 27 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Afkar-04-1981.pdf

Archive.org Download link:

GoogleDrive Download link:

رسالہ افکار (برطانیہ میں اردو نمبر)، شمارہ اپریل - 1981 :: فہرست مضامین
نمبر شمار	مضمون	صاحبِ مضمون	صفحہ نمبر
1	اشاریہ	صہبا لکھنوی	13
نادر و نایاب			15
2	اردو نثر کے ارتقا میں انگریزوں کا حصہ	مولوی عبدالحق	16
3	سیاحت نامہ	ڈاکٹر عبادت بریلوی	33
4	اردو کا پہلا سفرنامہ	مظفر عباس	52
5	شیکسپئیر کے اردو ترجمے	ڈاکٹر عبدالعلیم نامی	58
تصویروں میں			64
6	انگلستان اور پاک و ہند کے اہل قلم	انگریز مستشرقین	65
انگریزوں کے قایم کردہ ادارے			81
7	فورٹ ولیم کالج	ضمیر نیازی	82
8	دہلی کالج	ریاض صدیقی	101
9	ایشیاٹک سوسائٹی بنگال	ڈاکٹر معین الدین عقیل	118
10	برطانوی عہد کی اردو انجمنیں	عتیق احمد	140
لسانیات			157
11	اردو لغت نویسی اور اہل انگلستان	پروفیسر ایس کے حسینی	158
12	انگریزی میں اردو الفاظ	عبدالقادر سروری	164
13	اردو زبان کا انگریزی زبان پر اثر	سید شبیر علی کاظمی	173
تحقیق - تنقید			181
14	اردو کے چند انگریز شاعر	عبدالماجد دریابادی	182
15	بنگال کے انگریز مصنفینِ اردو	شانتی رنجن بھٹاچاریہ	186
16	انگلستان - اردو اور تعلیم و تحقیق	ڈاکٹر عبادت بریلوی	196
17	چند اکابر اردو - برطانیہ میں	افسر صدیقی	201
18	برطانیہ میں اردو	ڈاکٹر آغاز افتخار حسین	214
19	برطانوی حکومت اور اردو دشمنی	ڈاکٹر فرمان فتح پوری	218
20	مشتشرقین کی اردو خدمات	شفقت رضوی	235
21	اینگلو انڈین ادب کا فکری پس منظر	محمد علی صدیقی	249
22	مشرق و مغرب کا ادبی سنگم	ڈاکٹر شمیم حنفی	261
مطالعہ - مشاہدہ			269
23	قیام انگلستان کی یادیں	سید ہاشم رضا	270
24	تاریخ انگلستان جدید	ابن انشا	276
25	انگلستان میں پاکستان	مختار زمن	281
علاقائی ادب اور برطانوی اہل قلم			297
26	پنجابی ادب اور برطانوی اہلِ قلم	پروفیسر شریف کنجاھی	298
27	پشتو ادب اور برطانوی اہلِ قلم	فارغ بخاری	301
28	سندھی ادب اور برطانوی اہلِ قلم	ڈاکٹر میمن عبدالمجید سندھی	310
29	بلوچی و براہوی ادب اور برطانوی اہلِ قلم	کامل القادری	325
30	کشمیری ادب اور برطانوی اہلِ قلم	ڈاکٹر سید محمد یوسف بخاری	341
کتب خانے - مخطوطات			353
31	برٹش میوزیم لائبریری	مسعود حسین	354
32	ماچسٹر کے بعض مخطوطات	ڈاکٹر مختار الدین احمد آرزو	358
33	فہرست مخطوطات اردو	جے۔ایف۔بلوم ھارٹ، سلیم الدین قریشی، افسر صدیقی	361
انگلستان میں مقیم - اردو کے اہل قلم			421
34	انگریزوں کی اردو دوستی	رالف رسل	422
35	ہم یہاں کیسے پہنچے؟	محمود ہاشمی	431
36	انگلستان میں جشن ندیم و افکار	غلام قادر آزاد	448
37	برطانیہ کے شب و روز	ڈاکٹر سعید اختر درانی	453
38	برطانیہ میں اردو صحافت کا ارتقا	سلطان محمود	463
39	اردو کا ایک انگریز پرستار	محسنہ جیلانی	469
40	ہمارے دادا میاں مرحوم	قیصر تمکین	475
41	توڑ دو دیواریں	مقصود الٰہی شیخ	480
42	کتا، بھوک اور گالی	ش۔ صغیر ادیب	485
43	گیت	محسن شمسی	492
44	دس پونڈ کا نوٹ	بلدیو سنگھ	495
45	مٹی کی گود	پروین مرزا	498
46	زندگی کے اس موڑ پر	چاند کرن	503
شاعری			509
47	سخن ناگفتہ	سحر انصاری، صہبا لکھنوی	510
48	نیا آدمی	ن۔م۔راشد	511
49	جب عمر کی نقدی ختم ہوئی	ابن انشا	513
50	مہارتھ اور بوڑھا برگد	اکبر حیدرآبادی	515
51	نام اور آدمی	جاوید قمر	516
52	نذر خسرو	موج فرازی	517
53	ڈولتی ناؤ	میر بشیر	519
54	سائے کا سفر	ساقی فاروقی	520
55	سوچ	بشیر کوثر	521
56	سیم و جواہر کے رشتے	ڈاکٹر خالد حسین قادری	522
57	نشاطِ زندگی	ڈاکٹر سعید اختر درانی	523
58	گیت	سوہن راہی	524
59	ناگن	بخش لائلپوری	525
60	دو مختصر نظمیں	ڈاکٹر مصطفی کریم	526
61	اندھیرے کا مسافر	باقر انجم	527
62	جنس کاسد	حسین مشیر علوی	528
63	روسیاہی	ڈاکٹر صفی حسن	529
64	ایک نظم	صدیق فنکار	530
65	بدمعاش	حکیم غلام نبی	531
66	لندن نامہ	منیر احمد	532
67	آخری نامکمل غزل	ابن انشا	533
68	آخری غزل	نسیم شمائلپوری	534
69	انتخابِ کلام	شعرائے انگلستان	539
70	حرف آخر	محمد احمد سبزواری	553
مختصر ادبی خبریں			564
71	آئینۂ برطانیہ	شہزاد منظر	565
72	ہمارے مشتہرین اور تشہیری ادارے	ادارہ	579

Monthly Afkar, issue-April, 1981, pdf download.