ادبی دنیا - سالنامہ 1939 - پی۔ڈی۔ایف ڈاؤن لوڈ

25/مارچ تعارف رسالہ ٹی۔این۔بی

لاہور سے شائع ہونے والا اردو دنیا کا معروف، مقبول اور قدیم ترین ادبی رسالہ "ادبی دنیا"، جس کے مدیران میں صلاح الدین احمد، میرا جی اور عاشق حسین بٹالوی شامل تھے، اپنا سالنامہ سال کے آخری مہینے میں شائع کیا کرتا تھا۔
سن 1939 کا یادگار سالنامہ تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔
228 صفحات کی اس پی۔ڈی۔ایف فائل کا حجم تقریباً 15 میگابائٹس ہے۔
(واضح رہے کہ اصل سالنامہ کے صفحات 315 تھے، اس پی۔ڈی۔ایف فائل میں اشتہارات کے تمام صفحات نکال دئیے گئے ہیں۔)
رسالہ کا ڈاؤن لوڈ لنک نیچے درج ہے۔

اس سالنامہ کے اداریے کے تحت مدیر صلاح الدین احمد نے "بزم ادب" کے عنوان سے جو طویل مضمون تحریر کیا ہے ۔۔۔ اس کے چند اہم اقتباسات ذیل میں ملاحظہ فرمائیں:

ادبی دنیا کا دورِ جدید 1933 کے آغاز سے شروع ہوتا ہے۔
اردو میں نئے اسلوب بیان داخل کرنے، ہندوستان کی لنگوا فرینکا کے مسئلہ پر فیصلہ کن اور سیرحاصل مباحث شائع کرنے، دنیا کی دیگر زبانوں کے بہترین لٹریچر بالخصوص شاعری سے اردو کا دامن بھرنے اور تاریخِ ادب کے کئی فراموش شدہ اوراق کو ازسرِ نو روشن کرنے میں "ادبی دنیا" نے جو کام کیا ہ وہ یقیناً اہلِ نظر کے لیے قابل توجہ ہے۔
ادبی دنیا کی ایک اور قابل ذکر خدمت یہ ہے کہ اس نے گذشتہ چند سالوں میں ایسے متعدد نوجوانوں کو دنیائے ادب میں روشناس کرایا ہے جن کے اندازِ خیال کی رعنائیاں اور جن کے قلم کی جولانیاں ایک شاندار مستقبل کی نوید دیتی ہیں۔

ہمیں یہ کہنے میں ذرہ برابر تامل نہیں کہ ہماری پالیسی ہمیشہ یہی رہی اور آئیندہ بھی رہے گی کہ جہاں کہیں جوہرِ قابل کو دیکھیں اسے پلکوں سے اٹھا لیں اسے جِلا دیں، اس کی تراش خراش میں اپنی پوری کوشش صرف کر دیں اور پھر اسے موقع دیں کہ وہ اپنی آب و تاب سے نگاہوں کو خیرہ کرے۔

***
نام رسالہ: ادبی دنیا ، سالنامہ 1939
تعداد صفحات: 228
پی۔ڈی۔ایف فائل حجم: تقریباً 15 میگابائٹس
ڈاؤن لوڈ لنک: (بشکریہ: archive.org)
ڈاؤن لوڈ تفصیلات کا صفحہ: (بشکریہ: archive.org)
Adabi Dunya Annual 1939.pdf

Direct Download link:

ادبی دنیا - سالنامہ 1939 :: فہرست مضامین
نمبر شمار	مضمون	مصنف	صفحہ نمبر
افسانے اور ڈرامے
1	جنت اور جہنم	کرشن چندر	.
2	نفرت	فیاض محمود	.
3	من کی من میں	راجندر سنگھ بیدی	.
4	سنت تکارام (ڈرامہ)	صلاح الدین احمد	.
5	روشنی کی کرن	عاشق حسین بٹالوی	.
6	پنگھٹ	وقار انبالوی	.
7	کیمیا گر	شبیر حسین	.
8	ایک اتوار (ڈرامہ)	سنت سنگھ	.
9	مسافر	ایم۔ بقایا	.
10	خام مواد	اختر انصاری	.
11	قبرستان کی ساحرہ	طاہر قریشی	.
12	ایک شوہر کا روزنامچہ	مہر محمد خان شہاب	.
13	ایک حادثہ	مجید لشاری	.
14	کنال (ڈرامہ)	اندر لال داس قمر	.
15	فرشتہ	سراج الدین احمد نظامی	.
16	بدلا ہوا زمانہ (ڈرامہ)	راجہ فاروق علی خان	.
17	کاکی	چندر بھوشن سنگھ آزاد	.
علمی و ادبی مضامین
18	ودیاپتی اور اس کے گیت	میرا جی	.
19	شعر میں اظہار اور ترجمانی	فیض احمد	.
20	جرمن نسل کا ایک اردو شاعر	پیارے لال شاکر میرٹھی	.
21	عہد مغلیہ میں فنون لطیفہ	برجموہن دتاتریہ کیفی	.
22	جاپانی لڑکیوں کا تخیل	سید نورالحسن برلاس	.
23	قدیم ہندوستان کی معاشی حالت	سید بادشاہ حسن	.
24	بابر کی موت	شہنشاہ حسین رضوی	.
25	یورپ کا مکہ	چارلس پطراش	.
26	انور کا انجام	مظفر احمد	.
27	تورودت	پیارے لال شاکر میرٹھی	.
28	سورج کا زوال	بسنت سہائے	.

Adabi Dunya, Annual Number 1939, pdf download.