بابری مسجد تاریخی پس منظر و پیش منظر - پی۔ڈی۔ایف ڈاؤن لوڈ

تعارف کتاب ٹی۔این۔بی

بابری مسجد کے کتبات ہی سے ظاہر ہوگا کہ یہ مسجد محض عبادت کرنے کے لیے بنائی گئی، رام جنم بھومی مندر سے اس کا کوئی تعلق نہیں اور 1528ء سے 1855ء تک یہ مسجد ہی رہی۔ پھر 1885ء میں بھی یہ مسجد تسلیم کی گئی۔ اس کا باضابطہ رجسٹریشن بھی مسجد ہی کی طرح ہوتا رہا۔ مگر جو اس کے قائل ہوتے گئے کہ اجودھیا صرف ہندوؤں ہی کی جگہ بن کر رہے اور ملک میں جس کی اکثریت ہے، اسی کی مرضی ہر معاملہ میں تسلیم کی جائے، وہی اس مسجد کو مندر بنانے کی کوشش کر رہے ہیں۔ مگر تاریخ میں بعض غلطیاں ایسی بھی ہو جاتی ہیں جن سے غلطی کرنے والی قوم بےخبر رہتی ہے، لیکن ان کے مضرت رساں اثرات صدیوں تک قائم رہتے ہیں۔

اس مختصر کتاب کو مرتب کرنے والے سید صباح الدین عبدالرحمن کتاب کے دیباچہ (تحریرکردہ: 15/دسمبر 1986ء) میں لکھتے ہیں کہ ۔۔۔
اس کتابچہ کو ترتیب دینے میں بقائے باہمی، جذباتی ہم آہنگی اور وطن دوستی کے جذبات غالب رہے، خدا کرے اس کے مطالعہ سے اچھے اثرات مترتب ہوں۔ یہ میری کوئی مستقل تصنیف نہیں ہے، اس لیے اس کے ٹائٹل پر میرا نام نہیں ہے۔ اس کتاب میں صرف ہر قسم کی معلومات جمع کر دی گئی ہیں، اس لیے اس کی حیثیت محض ایک معلوماتی کتاب کی ہے۔ اس میں قضیہ سے متعلق مختلف قسم کی معلومات جمع کرنے میں تکرار بہت زیادہ پیدا ہو گئی مگر یہ ناگزیر تھی۔

بابری مسجد کے تاریخی پس منظر اور پیش منظر کو جاننے کے لیے یہ ضروری ہے کہ اس قسم کی معلومات ذہن میں تازہ رکھی جائیں۔ اسی لیے سنجیدہ قارئین و محققین کی خدمت میں تعمیر نیوز کے ذریعے یہ کتاب "بابری مسجد (تاریخی پس منظر اور پیش منظر کی روشنی میں)" پیش ہے۔ تقریباً پونے دو سو صفحات کی اس پی۔ڈی۔ایف فائل کا حجم 7 میگابائٹس ہے۔
کتاب کا ڈاؤن لوڈ لنک نیچے درج ہے۔

یہ بھی پڑھیے:
* ایودھیا بابری مسجد رام جنم بھومی تنازعہ - سپریم کورٹ کا فیصلہ (بروز ہفتہ 9/نومبر 2019ء)
* بابری مسجد - کچھ یادیں کچھ باتیں : معصوم مرادآبادی
* بابری مسجد کا یہ زخم مت کریدئے ۔۔۔ کالم از ودود ساجد

زیر نظر کتاب کے دیباچہ سے کچھ مفید اقتباسات ۔۔۔

فیض آباد مسلمانوں کا شہر سمجھا جاتا تھا، کیونکہ یہ نوابانِ اودھ کا دارالسلطنت کچھ دنوں تک رہا۔ اسی کا ایک حصہ اجودھیا ہے، اس سے بھی مسلمانوں کا عقیدت مندانہ لگاؤ رہا کیونکہ ان کی روایت کے مطابق یہاں حضرت آدم علیہ السلام کے لڑکے حضرت شیثؐ کی قبر ہے، جس کے بڑے احاطے میں بہت سے بزرگانِ دین بھی مدفون ہیں۔ اس کی بھی شہرت ہے کہ حضرت نوحؐ، حضرت ہندؐ بن نوح اور حضرت ایوبؓ کی بھی قبریں ہیں۔ واللہ اعلم بالصواب۔

یہاں بخشی باباؒ، حضرت لعل شاہ باز قلندرؒ، جنگی شہیدؒ، الہی بخش مجذوبؒ، علم بخشؒ، شاہ مدارؒ، سید جلال الدین خراسانیؒ، شاہ ثمن فریادرسؒ، حضرت جمال الدینؒ، شاہ ابراہیمؒ، شاہ چپؒ، قاضی قدوہؒ، حضرت سلطان موسیٰ عاشقانؒ، حضرت شاہ علی اکبر میرکشادیؒ، بہادر شاہ مکن شاہؒ، قطب شاہؒ، شاہ بدیع الدینؒ، حضرت جلال الدینؒ اور حضرت سید سالار مسعود غازیؒ کے شہید مجاہدین کی بھی قبریں ہیں جن کی دیکھ بھال یہاں کے مسلمان بڑی عقیدت کے ساتھ کرتے ہیں۔
یہاں اچھی اچھی مسجدیں بھی ہیں۔ مسجد سرگدواری تو اتنی اونچی ہے کہ کوسوں دور سے نظر آتی ہے۔ یہاں حضرت خواجہ نظام الدین اولیاءؒ کے مشہور خلیفہ حضرت نصیر الدین چراغ اودھی ثم دہلویؒ کا خاندان بھی آباد ہوا۔
1881ء کے امپیریل گزیٹر میں ڈبلیو ڈبلیو ہنٹر نے اجودھیا کے ذکر میں لکھا تھا کہ یہاں چھتیس (36) مسجدیں ہیں۔

یہ شہر بودھ مت کا بھی بڑا مرکز رہا۔ ایک روایت کے مطابق گوتم بدھ نے یہاں نو (9) یا انیس (19) برس گذارے۔ ایک زمانہ میں یہاں بودھ مت کے بیس (20) مندر تھے اور تین ہزار بھکشو رہا کرتے تھے۔ اب یہ شہر بودھ مت کے آثار سے خالی ہو گیا ہے۔
یہ جین مت کے پانچ پیشواؤں کا بھی مولد و مسکن رہا۔ اور یہاں ان کے مندر بھی رہے۔ ہندو تو خاص طور پر اس کو پوتر سمجھتے ہیں کہ ان کی روایت کے مطابق یہیں رام چندر جی پیدا ہوئے، حکومت کی اور مرنے پر جلائے گئے۔

اجودھیا کی سرزمین میں شاید کشش یہ ہے کہ تمام مذاہب کے پیشوا یہاں کھنچ کر آتے تہے۔ اس کی اس اہمیت کو برقرار رکھنے کی خاطر اس کی مذہبی تاریخیت قائم رہنی چاہیے۔ اس کو صرف ایک مذہب سے وابستہ کر کے اس کی خصوصی عظمت کا ختم کرنا مناسب نہیں۔
اجودھیا کی اسی خصوصیت کی بنا پر یہاں جہاں اور مسجدیں تھیں وہاں "بابری مسجد" کا بھی اضافہ ہوا، جس کو انگریزوں نے اپنی حکومت کے زمانہ میں اپنے سیاسی مفاد کی خاطر متنازع فیہ بنا دیا۔ اس کا قضیہ دبا ہوا تھا مگر فروری 1986ء میں یکایک پھر اٹھ کھڑا ہوا۔
فروری 1986ء میں بابری مسجد کو مندر میں منتقل کر دینے کے عدالتی فیصلہ پر ہندو مسلمان میں غیر معمولی تناؤ پیدا ہو گیا، جس سے بظاہر یہ معلوم ہوتا ہے کہ جذباتی ہم آہنگی، قومی یکجہتی اور متحدہ قومیت کا جو درس ان دونوں کو دیا گیا تھا وہ بالکل بھلا دیا گیا۔

***

نام کتاب: بابری مسجد (تاریخی پس منظر اور پیش منظر کی روشنی میں)
مرتب: سید صباح الدین عبدالرحمن۔ ناشر: دارالمصنفین، شبلی اکیڈمی، اعظم گڑھ۔ سنہ اشاعت: 1986ء
تعداد صفحات: 172
پی۔ڈی۔ایف فائل حجم: تقریباً 7 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Babri Masjid Historic Background Foreground.pdf

Direct Download link:

GoogleDrive Download link:

فہرست
نمبر شمار	عنوان	صفحہ نمبر
الف	دیباچہ	7
1	بابری مسجد کے کتبات	17
2	غاصبانہ قبضہ کی زمین پر مسجد کی تعمیر ناجائز	20
3	غیرمسلموں کی عبادت گاہوں کے ساتھ رسول اللہ صلی اللہ علیہ وسلم کی رواداری	21
4	بابر کی رواداری	22
5	ہندو مورخین کی شہادت	23
6	بابر اور مندروں کا حترام	24
7	بابر کی شخصیت پر ہندوؤں کا تبصرہ	26
8	آئین اکبری میں اجودھیا کا ذکر	27
9	اجودھیا میں مسلمانوں کی آبادی	28
10	قضیۂ نامرضیہ کا آغاز	29
11	1858ء کے مقدمہ کی ایک درخواست	44
12	تبصرہ	45
13	مسجد کا رجسٹریشن 1860ء	46
14	1860ء کے مقدمہ کی ایک درخواست	46
15	تبصرہ	47
16	1860ء کے مقدمہ کی ایک رپورٹ	48
17	1861ء کے مقدمہ کے ایک حکم نامہ کی نقل	48
18	تبصرہ	49
19	1870-1877 کے مقدمہ کی ایک درخواست	49
20	تبصرہ	50
21	پی۔ کارنیگی کی رپورٹ 1870ء	50
22	تبصرہ	52
23	الگزنڈر کننگھم کی رپورٹ جلد اول 1871ء	54
24	کننگھم کے بیان پر تبصرہ	58
25	1877 کا فیض آباد کا گزیٹیر	59
26	تبصرہ	61
27	1881 کا امپیریل گزیٹیر	64
28	تبصرہ	66
29	1883 کا مقدمہ	67
30	1883 کے مقدمہ کے ایک حکم نامہ کی نقل	68
31	تبصرہ	68
32	1884 کا مقدمہ	68
33	تبصرہ	70
34	1885 کے مقدمہ کی تفصیل	70
35	تبصرہ	72
36	فیض آباد کے سب جج پنڈت ہری کشن کا فیصلہ	73
37	تبصرہ	80
38	فیصلہ کے خلاف اپیل اور اس کی نامنظوری	81
39	تبصرہ	85
40	رام جنم استھان کا چبوترہ	86
41	1905 کا فیض آباد گزیٹیر	88
42	تبصرہ	90
43	مسٹر اے۔ایس۔ بیورج کی شر انگیزی	92
44	اودھ میں بابر کا قیام	94
45	انگریزوں کی شرانگیزی کا تجزیہ	96
46	بابری مسجد کے لیے باضابطہ جاگیریں	98
47	1934 کا جھگڑا	99
48	بابری مسجد کو مندر بنانے کی کوشش	99
49	مسجد میں تالا	100
50	1905 کا مقدمہ	100
51	شری اکشے برہمچاری کے دو خطوط	100
52	شری اکشے برہمچاری کا میمورنڈم	104
53	نقل میمورنڈم	104
54	فیض آباد کے ایس۔پی اور ڈپٹی کمشنر کی رپورٹ	112
55	جے۔این اوگرا ڈپٹی کمشنر فیض آباد کا تحریری بیان	112
56	سول جج فیض آباد کا 1951 کا فیصلہ	113
57	تبصرہ	118
58	1960 کا فیض آباد گزیٹیر	119
59	تبصرہ	122
60	یو۔پی سنی سنٹرل وقف بورڈ کی طرف سے مقدمہ 1961	124
61	مسجد میں تبدیلیاں	124
62	بابری مسجد میں غیر قانونی تبدیلیاں	124
63	رمیش چندر پانڈے کی درخواست	125
64	فیض آباد کے ڈسٹرکٹ جج کے یہاں اپیل	125
65	شری کے۔ایم پانڈے ڈسٹرکٹ جج فیض آباد کا فیصلہ یکم فروری 1986	125
66	تبصرہ	131
67	ہندوؤں میں خوشی اور مسلمانوں میں ماتم	132
68	یو۔پی کے مسلم ممبران اسمبلی کا میمورنڈم	132
69	بعض ہندوؤں کی غیردانشورانہ سرگرمیاں	137
70	جناب سید شہاب الدین کی طرف سے مسلم مجلس مشاورت کا میمورنڈم	142
71	وزیراعظم کی خدمت میں مسلم ممبران پارلیمنٹ کا میمورنڈم	147
72	احتجاجی مظاہرے	156
73	ہندوؤں کی تنظیموں کے عزائم	156
74	مسجد شکنی کا ایک کمیشن مقرر کیا جائے	157
75	مسلمانوں کی مذہبی رواداری	161
76	مسلمانوں میں رامائن اور رام چندر جی کا احترام	161
77	رام اور رامائن کے بعض ہندو نقاد	163
78	ڈاکٹر شکلا کا ایک مضمون	168
79	السٹریٹڈ ویکلی کا ایک مقالہ	169
80	تتمہ	171

Babri Masjid Historic Background and Foreground by Darul Musannefin Shibli Academy Azamgarh. pdf download.