فورٹ ولیم کالج - تحریک اور تاریخ از سید وقار عظیم - پی۔ڈی۔ایف ڈاؤن لوڈ

تعارف کتاب ٹی۔این۔بی

سید وقار عظیم (پ: 15/اگست 1910 ، م: 17/نومبر 1976)
اردو کے مشہور ادیب، مترجم، محقق اور نقاد تھے اور اردو افسانوی ادب کے اولین نقاد بھی مانے جاتے ہیں۔ فاضل مصنف کی دو اہم کتابیں تعمیرنیوز پر پیش کی جا چکی ہیں۔ اس دفعہ ایک اہم ادبی تحریک اور موضوع پر اسی نامور نقاد کی کتاب پیش ہے جو فورٹ ولیم کالج اور اس کے بعض قابل ذکر مصنفین کے ادبی کارناموں سے متعلق تنقیدی اور تحقیقی کتاب ہے۔
چھبیس (26) اہم اور مفید مضامین پر مبنی یہ یادگار کتاب تعمیرنیوز کے ذریعے پی۔ڈی۔ایف فائل کی شکل میں اس لیے بھی پیش خدمت ہے تاکہ نئی نسل کے دلوں میں اس عظیم ناقد و محقق کی یاد تازہ، روشن اور مستحکم رہے۔ ڈھائی سو صفحات کی اس پی۔ڈی۔ایف فائل کا حجم صرف 11 میگابائٹس ہے۔
کتاب کا ڈاؤن لوڈ لنک نیچے درج ہے۔

زیرنظر کتاب کے مرتب ڈاکٹر سید معین الرحمن لکھتے ہیں ۔۔۔

وقار عظیم --- اصحابِ فکر و نظر کی اس صف کے اکابرین میں ہیں جنہوں نے اس صدی کے چوتھے دہے میں اردو تنقید کو شعری حدود سے آگے بڑھایا اور اسے اپنے اظہار کے لیے نثر کی ایک نئی جولاں گاہ سے ہمکنار کیا۔
حالی، اردو کی شعری تنقید کے قافلہ سالار ہیں تو وقار عظیم، اردو میں نثری اصناف کے اولین نقادوں، معماروں اور معیار سازوں میں سے ہیں۔ جس طرح اردو میں 'شعر و شاعری' کی تنقید میں حالی کی اولیت اور فضیلت مسلم ہے، اسی طرح اردو تنقید کو "نثر اور نثرنگاری" کا وسیع تر میدان فراہم کر دینا، وقار عظیم کا ایک نمایاں امتیاز ہے۔ انہوں نے اردو میں فنِ تنقید کو نیا موڑ عطا کیا اور اسے نئے میلان اور وسیع تر امکانات سے دوچار کیا۔
اردو تنقید کو شعر سے نثر کی طرف لانے کے تاریخ ساز رول سے قطع نظر، سید وقار عظیم کی تنقید بجائے خود اپنی تازگی، شگفتگی، خوش بیانی اور بحیثیتِ مجموعی اپنی تدبیرکاری اور منطقی، خود استدلالی کی بنا پر اپنی ایک الگ شناخت رکھتی ہے جسے اپنے 'اندازِ قد' کے باعث بہتوں میں اور بہت دور ہی سے پانا اور پہچاننا کچھ بھی مشکل نہیں ہوتا، اور یہ کچھ کم اہم امتیاز نہیں۔

سید وقار عظیم، اردو تنقید اور تحقیق کا ایک بہت ممتاز، مقبول اور معتبر نام ہے۔ ان کی دسویں برسی (17/نومبر/1986) کے موقع پر فورٹ ولیم کالج اور اس کے بعض قابل ذکر مصنفین کے ادبی کارناموں سے متعلق ان کی زیر نظر تنقیدی (اور تحقیقی) کتاب پیش ہے۔ ایک اہم ادبی تحریک اور موضوع پر عہدِ موجودہ کے ایک نامور نقاد کی یہ غیرمطبوعہ کتاب، پہلی بار شائع ہو رہی ہے، اسی میں اس کی افادیت، اہمیت اور ندرت مضمر ہے۔

یہ بھی پڑھیے ۔۔۔

• داستان سے افسانے تک - تحقیقی مضامین از سید وقار عظیم - پی۔ڈی۔ایف ڈاؤن لوڈ
• افسانہ نگاری - تحقیقی مضامین از سید وقار عظیم - پی۔ڈی۔ایف ڈاؤن لوڈ
• اردو کے اولین افسانے اور ان کے پیش رو - ڈاکٹر قمر رئیس
• اردو افسانے کے رجحانات کا مختصر جائزہ - طاہر نقوی

***
نام کتاب: فورٹ ولیم کالج - تحریک اور تاریخ
مصنف: سید وقار عظیم
تعداد صفحات: 250
پی۔ڈی۔ایف فائل حجم: تقریباً 11 میگابائٹس
ڈاؤن لوڈ لنک: (بشکریہ: archive.org)
Fort William College Tahreek O Tareekh - by Waqar Azeem.pdf

Archive.org Download link:

GoogleDrive Download link:

فورٹ ولیم کالج - تحریک اور تاریخ (تحقیقی مضامین) :: فہرست
نمبر شمار	عنوان	صفحہ نمبر
الف	عرضِ مرتب : ڈاکٹر سید معین الرحمن	11
1	فورٹ ولیم کالج : پس منظر	19
اس عہد کے مصنفین
2	گلکرسٹ	22
3	میرامن دہلوی	33
4	حیدر بخش حیدری	56
5	میر شیر علی افسوس	78
6	میر بہادر علی حسینی	89
7	مرزا علی لطف	100
8	مولوی امانت اللہ شیدا	105
9	مظہر علی خاں ولا	110
10	مرزا کاظم علی جوان	120
11	شیخ حفیظ الدین احمد	125
12	خلیل اللہ خاں اشک	129
13	للو لال کوی	133
14	نہال چند لاہوری	136
15	بینی نرائن جہاں	139
16	مرزا جان طپش	145
17	میر عبداللہ مسکین	148
18	مرزا محمد فطرت	150
19	میر معین الدین فیض	151
20	سید حمید الدین بہاری	152
فورٹ ولیم کالج : خدمات
21	فورٹ ولیم کالج کی خدمات کا مجموعی جائزہ	153
اضافات
22	مضمون: گلکرسٹ کی ایک تالیف	164
23	بہادر علی حسینی کی 'نقلیات' کا مقدمہ	167
24	'نقلیات' کے اختتامیے (گلکرسٹ) کا ترجمہ	192
اضافاتِ مزید:
25	فورٹ ولیم کالج : سید سبط حسن	199
26	فورٹ ولیم کالج : ضمیر نیازی	213
ضمیمہ
27	سید وقار عظیم کا سوانحی خاکہ	237

Fort William College Tahreek O Tareekh, Research Articles by Waqar Azeem, pdf download.