بڑے گھر کی بیٹی - خود نوشت پروفیسر حبیب ضیا - پی۔ڈی۔ایف ڈاؤن لوڈ

تعارف کتاب ٹی۔این۔بی

پروفیسر حبیب ضیا (پ: یکم نومبر 1935)
کا شمار ماہر دکنیات میں ہوتا ہے۔ وہ معتبر محقق اور ممتاز مزاح نگار بھی ہیں۔ جامعہ عثمانیہ سے انہوں نے 1966ء میں پی۔ایچ۔ڈی کیا اور یونیورسٹی کالج فار ویمن میں لکچرر، ریڈر اور پروفیسر کے مختلف عہدوں پر فائز رہیں۔ 1995ء میں بحیثیت صدر شعبۂ اردو ویمنس کالج وظیفہ حسن خدمت پر سبکدوش ہوئیں۔ اب تک ان کی گیارہ تصانیف منظرِ عام پر آ چکی ہیں۔ "دکنی ادب کی قواعد" ان کا پہلا تحقیقی مقالہ تھا جو پہلی مرتبہ 1969 میں شائع ہوا۔
"بڑے گھر کی بیٹی" حبیب ضیا صاحبہ کی خودنوشت ہے جو جنوری 2006ء میں منظرعام پر آئی۔ ممتاز افسانہ نگار فریدہ زین نے یہ درست لکھا ہے کہ: یہ خونوشت مبالغہ سے مبرا، صاف گوئی سے مزین تحریر ہے جس کے جملوں کی صداقت قاری کو اپنی گرفت میں رکھتی ہے۔ ان کی تحریروں میں برفیلی راتوں میں سلگتی لکڑیوں کی دھیمی آنچ ملتی ہے، کہیں ماحول چمپئی صبح میں لے جاتا ہے تو کبھی شام سلگتی نظر آتی ہے۔
یہ دلچسپ اور پراثر خودنوشت جو حیدرآباد کے مختلف ادوار کی تہذیبی اور سماجی اقدار کی عکاس بھی ہے، مصنفہ پروفیسر حبیب ضیا اور ناشر شگوفہ پبلی کیشنز (حیدرآباد) کی باقاعدہ اجازت کے ساتھ تعمیرنیوز کی جانب سے باذوق قارئین اور محققین کے لیے پیش خدمت ہے۔ تقریباً تین سو صفحات کی اس پی۔ڈی۔ایف فائل کا حجم صرف 15 میگابائٹس ہے۔
کتاب کا ڈاؤن لوڈ لنک نیچے درج ہے۔

حبیب ضیا اپنی اس خودنوشت کے پیش لفظ میں لکھتی ہیں ۔۔۔

حیدرآباد میرا وطن ہے اور مجھے اپنا وطن بےحد عزیز ہے۔ پیدائش، تعلیم ، ملازمت سب کا تعلق حیدرآباد ہی سے ہے۔ دو ڈھائی سال کی عمر سے لے کر آج تک کے واقعات ، حادثات ، تاثرات اور اپنی نجی زندگی سے متعلق مختلف باتوں کو میں نے ایک جگہ کر دیا ہے۔ کاغذ قلم اور ذہن کی مدد سے بڑے گھر کی بیٹی آپ سے مخاطب ہے۔
ذہن نے ساتھ دیا اور برسوں پہلے گزرے ہوئے واقعات قلم کی مدد سے کاغذ پر نقش ہوتے چلے گئے۔ مجھے احساس ہے کہ یہ کتاب خودنوشت کے اصولوں پر پوری نہیں اترتی۔ بےربطی کے علاوہ بعض واقعات دہرائے گئے ہوں گے، جس کی میں نے صراحت کر دی ہے۔ اس کے اہم ترین باب بڑے گھر کی بیٹی کا کچھ حصہ 1988ء میں لکھا گیا۔ باقی سرگذشت کو مکمل کرنے کے لئے تقریبا دو سال لگ گئے۔ ماضی اور حال دونوں زمانے ملیں گے۔ جو لکھا ، جیسے بھی لکھا سرگذشت میں شامل کر دیا۔ بس قلم برداشتہ لکھتی چلی گئی۔ نقادان ادب سے درخواست ہے کہ خامیوں کو درگزر کریں۔ میری داستان حیات آپ کے سامنے ہے، پڑھئے اور اپنے تاثرات لکھ بھیجیے۔
نجی حالات ہر قاری کے لئے دلچسپ نہیں ہو سکتے لیکن مجھے جاننے والے پڑھ کر ضرور کوئی نہ کوئی رائے قائم کریں گے۔ کچھ مواد ایسا بھی ہے جو حیدرآباد اور حیدرآبادی تہذیب کو سمیٹے ہوئے ہے۔ مختلف ادوار کی تہذیبی اور سماجی اقدار پر کہیں کچھ تو ملے گا، جو ہر قاری کی توجہ اپنی جانب مبذول کرے گا، میرے دوست احباب اور شاگرد کثیر تعداد میں ملک سے باہر ہیں۔ میری دلی خواہش ہے کہ وہ بھی اس کتاب کو پڑھیں۔
***
نام کتاب: بڑے گھر کی بیٹی
خود نوشت سوانح حیات از: ڈاکٹر حبیب ضیا
تعداد صفحات: 281
پی۔ڈی۔ایف فائل حجم: تقریباً 15 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Bade Ghar Ki Beti by Habeeb Ziya.pdf

Archive.org Download link:

GoogleDrive Download link:

بڑے گھر کی بیٹی - خودنوشت :: فہرست مضامین
نمبر شمار	عنوان	صفحہ نمبر
1	پیش لفظ	5
2	حبیب ضیا اپنے ہی آئینے میں - محترمہ فریدہ زین	7
3	ادبی سفر	17
4	پیدائش ، تعلیم	19
5	والد	24
6	والدہ	29
7	سالی رعب جماتی ہے	44
8	پولیس ایکشن	45
9	شادی	47
*	Love Marriage	50
10	اولاد	52
11	میرے اپنے	62
12	بیعت	73
13	فطرت	78
*	لباس ، سج دھج	83
*	دو نافرمانیاں	84
*	نا مانگوں سونا چاندی	85
*	پیٹ پوجا	87
*	برکت ہی برکت	88
14	مشاغل	89
*	بمبئی، مٹھائی، برف کے لڈو	97
15	مروت والے مشغلے	99
16	میں اور میری مزاح نگاری	102
17	بچہ باہر گیا ہے	105
18	ملازمت	109
*	سانپوں کی اردو دوستی	124
*	پریوں کی شہزادی	126
19	کہیں دیکھا ہے	128
20	زندگی کے 38 سال	133
*	جان ہے تو جہاں ہے	141
21	14/مارچ 2002 کے بعد	150
*	چہلم ، برسی اور بریانی	156
22	بڑے گھر کی بیٹی	157
*	اسکوٹر اور تفریح	158
*	ایک ہاتھ کی تالی	165
*	گھر بکھرا تو کیسے	167
*	وہی ہوا جس کا ڈر تھا	173
23	مجھے کچھ کہنا ہے	178
*	ابھی میں زندہ ہوں	181
*	اکیلے ہی اکیلے	185
*	پچاس سال کی بےبی	187
*	ییچ مٹی میں جانا ہے	188
*	جھوٹ ایک بیماری	189
*	ہر بات اماں سے؟	190
*	شوہر کی ضرورت دوسری عورت	192
24	میری کام والیاں	194
25	میرا وطن شہر حیدرآباد	199
26	حیدرآباد اور حیدرآبادی تہذیب	203
27	چل کے تو دیکھو	208
*	وائس چانسلر اور سادگی	214
28	جدہ ، فضیلت اور روشنی کا شہر	218
29	شیشے کا شہر دوبئی	224
30	حوصلہ افزائیاں	231
31	قارئین محترم	242

Bade ghar ki beti. Autobiography by Prof. Habeeb Zia, pdf download.