دکنی نثر کا انتخاب - از پروفیسر سیدہ جعفر - پی۔ڈی۔ایف ڈاؤن لوڈ

تعارف کتاب ٹی۔این۔بی

پروفیسر سیدہ جعفر (پ: 5/اپریل 1934، کریمنگر - م: 24/جون 2016، حیدرآباد)
اردو کی ادبی تاریخ میں ایک بلند پایہ محقق ، نقاد اور مورخ کی حیثیت سے جانی جاتی ہیں۔ دکنیات کے صف اول کے ماہرین میں ان کا شمار ہوتا ہے۔ تحقیق و تنقید میں ان کی 33 کتابیں اس بات کا پتہ دیتی ہیں کہ تمام عمر وہ نہ صرف اپنے کام میں مصرو ف رہی ہیں بلکہ بعد والوں کے لئے نشان راہ بھی متعین کئے۔ وہ عثمانیہ یونیورسٹی کے شعبہ اردو میں صدر اور بورڈ آف اسٹیڈیز کی چیرپرسن رہی ہیں۔ پھر حیدرآباد یونیورسٹی کے صدر شعبہ اردو کی حیثیت سے ملازمت سے سبکدوش ہوئیں۔ درس و تدریس کے علاوہ تصنیف و تالیف ان کا دلچسپ مشغلہ تھا۔ 1983 میں ان کی ایک اہم تصنیف "دکنی نثر کا انتخاب" شائع ہوئی تھی جو علاقہ دکن کے چودہ مصنفین کی تصانیف کے منتخبات پر مشتمل تھی۔
یہی اہم اور یادگار تحقیقی کتاب تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً پونے دو سو صفحات کی اس پی۔ڈی۔ایف فائل کا حجم صرف 7 میگابائٹس ہے۔
کتاب کا ڈاؤن لوڈ لنک نیچے درج ہے۔

زیرنطر کتاب کے مقدمہ میں سیدہ جعفر لکھتی ہیں ۔۔۔

دکنی نثر کا یہ انتخاب دکن کے چودہ مصنفین کی تصانیف کے منتخبات پر مشتمل ہے۔ اس میں جہاں برہان الدین جانم، امین الدین اعلیٰ اور وجہی جیسے معروف ادیبوں کی نثر کے نمونے موجود ہیں وہیں بعض غیرمعروف نثرنگاروں مثلاً معظم بیجاپوری، عابد شاہ اور شاہ سلطان ثانوی کی تصانیف کے اقتباسات کو بھی جگہ دی گئی ہے جس سے یہ بتلانا مقصود ہے کہ دکن میں زبان و طرز بیان نے کس انداز میں ارتقائی منزلیں طے کی ہیں۔
ان نثری نمونوں کے انتخاب میں اس نقطے کو پیش نظر رکھا گیا ہے کہ مصنفین کے ایسے نثرپاروں کو پیش کیا جائے جن سے ان کی عبارتوں کے مخصوص طرز کی ممکنہ حد تک نمائندگی ہو سکے۔ ابتدائی دکنی مصنفین کی تحریروں میں ایک طرح کی یکسانیت کا احساس ہوتا ہے جس کی وجہ موضوع کا اشتراک بھی ہو سکتی ہے۔
اس انتخاب میں ابتدا اس لیے برہان الدین جانم کی تحریروں سے کی گئی ہے کہ وہی دکن کے پہلے مصنف تھے اور تحقیق سے یہ ثابت ہو چکا ہے کہ "معراج العاشقین" خواجہ بندہ نواز کی تصنیف نہیں بلکہ مخدوم شاہ حسینی کی نثری کاوش ہے جو گیارہویں صدی کے آخر اور بارہویں صدی کے اوائل کے مصنف تھے۔ خود مخدوم شاہ حسینی کی "تلاوت الوجود" کا انتخاب بھی اس کتاب میں شامل ہے۔
دکنی ادب کی روایات سقوط گولکنڈہ اور زوال بیجاپور کے بعد بھی جنوب میں ایک عرصے تک زندہ رہیں۔ ارکاٹ کے نوابین نے شاعروں اور ادیبوں کی سرپرستی اور حوصلہ افزائی کی اور ان کی اس علم پروری اور ادب نوازی کے باعث تامل کا علاقہ اس دور کا ایک اہم ادبی مرکز بن گیا۔ مدراس کے والاجاہی حکمرانوں اور بالخصوص ارکاٹ کے آخری نواب محمد غوث خاں اعظم کا عہد اردو ادب کی نشو و نما کے لحاظ سے دورِ زریں کہا جا سکتا ہے۔
1812ء میں فورٹ سینٹ جارج کالج کا قیام عمل میں آیا اور ایسٹ انڈیا کمپنی کی سرپرستی میں یہ کالج زبان و ادب کا ایک مرکز بن گیا۔ اس کالج کے مصنفین کی تعداد کچھ کم نہیں لیکن اس انتخاب میں صرف چند مشہور اور نمائندہ مصنفین کی تخلیقات کو شامل کیا گیا ہے۔ اس کالج کے مصنفین میں داستان گوئی کے اعتبار سے منشی شمس الدین احمد اور ابراہیم بیجاپوری کے نام سرفہرست نظر آتے ہیں۔
ابراہیم بیجاپوری کی "انوار السہیلی"، شمس الدین احمد کی "حکایات الجلیلہ" اور نامعلوم مصنفین کی "سنگھاسن بتیسی" اور "ملکہ زمام و کام کندلہ" زبان و اسلوب کے اعتبار سے دکنی نثر کی روایات کے آخری نقوش معلوم ہوتے ہیں۔
گولکنڈہ و بیجاپور کے ادیبوں کی مذہبی اور اخلاقی موضوعات سے متعلق سنجیدہ نثر کے نمونوں اور فورٹ سینٹ جارج کالج کے داستانی ادب کے درمیان، دکن کے ایک نامعلوم مصنف کا "طوطی نامہ" تسلسل باقی رکھنے والی کڑی کی حیثیت رکھتا ہے۔

پروفیسر سیدہ جعفر کی یہ کتاب بھی ڈاؤن لوڈ کیجیے:
مخدوم محی الدین - ایک مطالعہ - از سیدہ جعفر - پی۔ڈی۔ایف ڈاؤن لوڈ

***
نام کتاب: دکنی نثر کا انتخاب
از: ڈاکٹر سیدہ جعفر
تعداد صفحات: 170
پی۔ڈی۔ایف فائل حجم: تقریباً 7 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Deccani Nasr ka Intekhab.pdf

Archive.org Download link:

GoogleDrive Download link:

دکنی نثر کا انتخاب - از پروفیسر سیدہ جعفر :: فہرست
نمبر شمار	عنوان	صفحہ نمبر
الف	مقدمہ	6
1	برہان الدین جانم	8
2	کلمۃ الحقائق	10
3	امین الدین اعلیٰ	30
4	کلمۃ الاسرار	33
5	گفتار شاہ امین	47
6	وجہی	51
7	سب رس	57
8	میراں جی خدا نما	87
9	شرح شرح تمہیدات عین القضات	89
10	رسالہ وجودیہ	95
11	شرح مرغوب القلوب ہندی	98
12	میراں یعقوب	102
13	شمائل الاتقیاء	104
14	عابد شاہ	120
15	گلزار السالکین	121
16	شاہ سلطان ثانی	125
17	دارالاسرار	126
18	معظم بیجاپوری	130
19	شرح شکارنامہ	131
20	مخدوم شاہ حسینی	133
21	تلاوت الوجود	134
22	طوطی نامہ	138
23	سنگھاسن بتیسی	141
24	ملکہ زمان و کام کندلہ	144
25	محمد ابراہیم بیجاپوری	147
26	دکنی انوار سہیلی	148
27	منشی شمس الدین احمد	151
28	حکایات الجلیلہ	152
29	فرہنگ	154

Deccani Nasr ka Intekhab, by Syeda Jaffer, pdf download.