رسالہ ہمایوں - شمارہ جنوری 1935 - پی۔ڈی۔ایف ڈاؤن لوڈ - Taemeer News | A Social Cultural & Literary Urdu Portal | Taemeernews.com

2020-04-27

رسالہ ہمایوں - شمارہ جنوری 1935 - پی۔ڈی۔ایف ڈاؤن لوڈ

Humayun-01-1935 pdf

تقسیم ہند سے قبل کے یادگار اردو رسائل میں "ہمایوں" کا نام بھی شامل ہے جس کا آغاز جنوری 1922ء میں ہوا تھا۔ اس رسالے میں ہر نوعیت کے مضامین شائع ہوئے اور یوں معاصر علمی حلقوں میں یہ رسالہ اپنے مشمولات کی وقعت اور حسن ترتیب کی وجہ سے قابل قدر تصور کیا جاتا رہا۔ اس رسالے نے اردو میں نظم معریٰ کو فروغ دینے میں اہم کردار ادا کیا۔
تقسیمِ ہند سے قبل کا ایک شمارہ (شمارہ اول، جنوری 1935) تعمیرنیوز کی جانب سے پی۔ڈی۔ایف فائل کی شکل میں پیش خدمت ہے۔ قریباً ڈیڑھ سو صفحات کی اس پی۔ڈی۔ایف فائل کا حجم تقریباً 7 میگابائٹس ہے۔
رسالہ کا ڈاؤن لوڈ لنک نیچے درج ہے۔

ڈاکٹر اکرم وارث اپنے پی۔ایچ۔ڈی کے مقالے (نگراں: پروفیسر قاضی جمال حسین، شعبۂ اردو علیگڑھ مسلم یونیورسٹی، 2016) بعنوان "اردو میں ادبی صحافت - 1935 سے 1960 تک (اہم رسائل کی روشنی میں)" میں رسالہ "ہمایوں" کا تعارف کراتے ہوئے لکھتے ہیں ۔۔۔۔
جنوری 1922ء میں یہ ماہنامہ "ہمایوں" میاں بشیر احمد نے اپنے والد میاں محمد شاہ دین ہمایوں مرحوم کی یادگار کے طور پر جاری کیا۔ ابتدا میں اس رسالے کے جوائنٹ ایڈیٹر تاجور نجیب آبادی تھے مگر 1935ء کے شماروں سے حامد علی خاں بی۔اے اس کے جوائنٹ ایڈیٹر مقرر ہوئے۔ معاصر علمی حلقوں میں یہ رسالہ اپنے مشمولات کی وقعت اور حسن ترتیب کی وجہ سے قابل قدر تصور کیا جاتا تھا۔
اس رسالے میں ہر نوعیت کے مضامین شائع ہوئے۔ اداریہ "بزم ہمایوں" کے نام سے چھپتا اور "جہاں نما" کے عنوان سے دنیا کے مختلف ممالک میں ہونے والے اہم سیاسی و ادبی حالات پر مدیر تبصرہ کرتا تھا۔ رسالے کے آخر میں ہمایوں کی نسبت آراء کے ذیل میں قارئین کے خطوط شائع ہوتے تھے۔

اس رسالے کے قلم کاروں میں سید سجاد حیدر یلدرم، پریم چند، شیخ عبد القادر، ڈاکٹر اقبال، وحشت شوق، نظم طباطبائی، جوش ، سدرشن، خواجہ حسن نظامی ، سلطان حیدر جوش، تاجور نجیب آبادی ، عبدالحلیم شرر، چکبست ، یاس، حسرت، مولانا گرامی ، مرزا محمد سعید، مرزا اعجاز حسین وغیرہ کے نام قابل ذکر ہیں۔
جوش کی مشہور نظم "جامن والیاں" اور منٹو کا افسانہ "طاقت کا امتحان" مارچ 1935ء کے شمارے میں شائع ہوئے۔
مئی 1935ء میں سعادت حسن منٹو کی کوشش سے 'ہمایوں' نے تاریخی 'روسی ادب نمبر' شائع کیا جس کے بیشتر مضامین منٹو کے لکھے ہوئے تھے۔ اس کے بعد ستمبر 1935ء میں خصوصی شمارہ 'فرانسیسی ادب نمبر' شائع ہوا جس میں فرانسیسی ادب اور ادیبوں سے متعلق زیادہ تر مضامین منٹو کے ہی لکھے ہوئے تھے۔ اسی شمارے میں وکٹر ہیوگو کی بعض نظموں کا ترجمہ بھی منٹو نے کیا تھا۔

اس رسالے نے اردو میں نظم معریٰ کو فروغ دینے میں اہم کردار ادا کیا۔ جنوری 1923ء کے شماروں سے بےقافیہ نظموں کی اشاعت کا سلسلہ شروع ہوا اور مفقیٰ نظموں کے مقابلے بےقافیہ نظموں کو زیادہ ترجیح دی گئی۔ اس رسالے میں ادبی مضامین کے علاوہ معلومات عامہ اور عوامی دلچسپی سے متعلق موضوعات پر بھی آسان زبان میں تحریریں شائع ہوتی تھیں۔ اس سے یہ ظاہر ہوتا ہے کہ مدیر کا ذہنی افق نہایت وسیع اور ہمہ گیر تھا۔

یہ بھی پڑھیے:
رسالہ سویرا - شمارہ اول 1946 - پی۔ڈی۔ایف ڈاؤن لوڈ
نقوش کا لاہور نمبر - پی۔ڈی۔ایف ڈاؤن لوڈ
ادبی دنیا - سالنامہ 1939 - پی۔ڈی۔ایف ڈاؤن لوڈ

***
نام رسالہ: رسالہ ہمایوں (سالگرہ نمبر)، شمارہ جنوری - 1935
مدیر : بشیر احمد
تعداد صفحات: 144
پی۔ڈی۔ایف فائل حجم: تقریباً 7 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Humayun-01-1935.pdf

Archive.org Download link:

GoogleDrive Download link:

رسالہ ہمایوں (سالگرہ نمبر)، شمارہ جنوری - 1935 :: فہرست مضامین
نمبر شمارمضمونصاحبِ مضمونصفحہ نمبر
1بجلیجسٹس میاں محمد شاہدین صاحب ہمایوں3
2بزم ہمایوںبشیر احمد4
3جہاں نمابشیر احمد6
4کون ہے؟ (نظم)جوش ملیح آبادی15
5اذان (نظم)جوش ملیح آبادی15
6خوب و خوب تر (نظم)بشیر احمد16
7اے ہندوستانب۔ا18
8چینی نظم کا تتبعفلک پیما19
9یہ تیز رو زمانہبشیر احمد20
10اے خوبصورتی! (نظم)بشیر احمد40
11پھوہڑ بیوی کی اکیاون لاکھ علامتیںفلک پیما42
12رعنائی خیال (نظم)سید عبدالحمید صاحب عدم45
13افسانہ اور حقیقت نگاریمولوی محمد حسین صاحب ادیب46
14کلجگ کتھا (نظم)مقبول احمد پوری56
15ریچھ (ڈراما)سعادت حسن منٹو60
16جہاں ریحانہ رہتی تھی (نظم)اختر شیرانی73
17رنگین وادی (نظم)نذیر مرزا برلاس سرحدی76
18جمالیاتعلامہ کیفی دہلوی77
19خونی بینڈ (نظم)جوش ملیح آبادی83
20مسرور بچہگلچیں84
21پیاری چڑیا (نظم)ح۔ ب85
22سنگ تراش (افسانہ)پروفیسر حمید احمد خاں87
23دیار محبوب (نظم)حفیظ ہوشیارپوری97
24از کجا ست تا بہ کجا (افسانہ)خان بہادر میاں عبدالعزیز99
25غزلصدق جائسی109
26خرابات کی راتجلال ملیح آبادی110
27گندم کے پودے کی موت (افسانہ)مہدی علی خاں111
28غزلنشتر جالندھری113
29سی آر داس کی شاعریحبیب احمد بنگالی114
30افشائے راز (نظم)خواجہ عبدالسمیع صاحب پال اثر صہبائی117
31دو خط (افسانہ)تمنائی118
32بچہ اور سارس (افسانہ)طاہر قریشی120
33بیوی کا روٹھناعطاءاللہ کلیم121
34ایک تھا بادشاہ! (افسانہ)حامد علی خاں123
35محفل ادبادارہ130
36مطبوعاتادارہ135
37تصاویرادارہ136

Monthly Humayun, issue-01, 1935, pdf download.

کوئی تبصرے نہیں:

ایک تبصرہ شائع کریں