مہاراجہ رنجیت سنگھ (پیدائش: 13/نومبر 1780ء، گجرانوالہ - وفات: 27/جون 1839ء، لاہور)
پنجاب میں سکھ سلطنت کے بانی اور "شیرِ پنجاب" کے لقب سے معروف تھے۔ وہ ایک ایسے طاقتور حکمران تھے جن میں دل و دماغ کے اوصاف کا امتزاج پایا جاتا تھا۔ ایک چھوٹے سے راجہ کی حیثیت سے ابتدا کر کے انہوں نے اپنے لیے ایک ایسی سلطنت تراشی جس پر ہر کوئی فخر کر سکتا ہے۔ انہوں نے پنجاب کو قومیت کا احساس عطا کیا اور صحیح معنوں میں ایک سیکولر (لادینی) ریاست کو فروغ دیا۔ جس میں مسلمان ان کے وزرا تھے، مشیر تھے اور جرنیل تھے۔ انہوں نے مسجدیں تعمیر کیں۔ وہ ہندوؤں کے مندروں میں اور سکھوں کے تیرتھ استھانوں پر نذرانے اور تحائف لے کر جایا کرتے تھے۔ وہ ایک زیرک اور تیز فہم سپاہی تھے۔ وہ جب تک زندہ رہے، انہوں نے انگریزوں کے تسلط کی توسیع کو روکے رکھا۔ صد افسوس کہ وہ اپنے کارہائے نمایاں کو استحکام بخشنے کے لیے زیادہ دیر تک زندہ نہ رہے اور انہوں نے جو سلطنت تعمیر کی تھی وہ ان کی وفات کے فوراً بعد ہی ٹکڑے ٹکڑے ہو گئی۔
نیشنل بک ٹرسٹ انڈیا (نئی دہلی) نے 'قومی سوانح حیات' سلسلہ کے تحت ملک کی تاریخ کے عظیم مردوں اور عورتوں کی سوانح کو پیش کرنے کا بیڑہ اٹھایا ہے تاکہ عام شہری ان شخصیات کے بارے میں کچھ نہ کچھ جان سکیں اور یہ سمجھ سکیں کہ ہمارے ملک کا ارتقا کیسے ہوا ہے۔
اسی ذیل میں مہاراجہ رنجیت سنگھ کی مختصر سوانح پر مبنی کتاب شائع کی گئی ہے۔ اور یہی کتاب مہاراجہ رنجیت سنگھ کی برسی پر، تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً ڈیڑھ سو صفحات کی اس پی۔ڈی۔ایف فائل کا حجم صرف 6 میگابائٹس ہے۔
کتاب کا ڈاؤن لوڈ لنک نیچے درج ہے۔
***
نام کتاب: رنجیت سنگھ
مصنف: ڈی۔ آر۔ سود (اردو ترجمہ: مخمور جالندھری)
ناشر: نیشنل بک ٹرسٹ انڈیا، نئی دہلی (سن اشاعت: 1971ء)
تعداد صفحات: 134
پی۔ڈی۔ایف فائل حجم: تقریباً 6 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Ranjit Singh (Urdu) by D-R-Sood.pdf
| فہرست | ||
|---|---|---|
| نمبر شمار | عنوان | صفحہ نمبر |
| الف | پیش لفظ | 5 |
| ب | تمہید | 9 |
| 1 | آبا و اجداد اور ابتدائی ایام | 15 |
| 2 | ابتدائی فتوحات | 20 |
| 3 | بعد کی فتوحات | 28 |
| 4 | کوہِ نور سے متعلق واقعہ | 37 |
| 5 | گھوڑے اور توپیں | 41 |
| 6 | رنجیت سنگھ کا دربار | 44 |
| 7 | مہاراجہ کی فوج اور یورپی افسر | 59 |
| 8 | شہری نظم و نسق | 65 |
| 9 | مہاراجہ کی بیویاں اور خاندان | 71 |
| 10 | عظیم اور مسرت آفریں مواقع | 81 |
| 11 | علالت اور موت | 89 |
| 12 | شکل و شباہت اور کردار | 95 |
| 13 | رنجیت سنگھ کی شخصیت کی جھلکیاں - 1 | 106 |
| 14 | رنجیت سنگھ کی شخصیت کی جھلکیاں - 2 | 117 |
| 15 | کارِ نمایاں اور تاریخ میں مقام | 124 |
کوئی تبصرے نہیں:
ایک تبصرہ شائع کریں