رنجیت سنگھ - اردو ترجمہ از مخمور جالندھری - تعارف کتاب

مہاراجہ رنجیت سنگھ (پیدائش: 13/نومبر 1780ء، گجرانوالہ - وفات: 27/جون 1839ء، لاہور)
پنجاب میں سکھ سلطنت کے بانی اور "شیرِ پنجاب" کے لقب سے معروف تھے۔ وہ ایک ایسے طاقتور حکمران تھے جن میں دل و دماغ کے اوصاف کا امتزاج پایا جاتا تھا۔ ایک چھوٹے سے راجہ کی حیثیت سے ابتدا کر کے انہوں نے اپنے لیے ایک ایسی سلطنت تراشی جس پر ہر کوئی فخر کر سکتا ہے۔ انہوں نے پنجاب کو قومیت کا احساس عطا کیا اور صحیح معنوں میں ایک سیکولر (لادینی) ریاست کو فروغ دیا۔ جس میں مسلمان ان کے وزرا تھے، مشیر تھے اور جرنیل تھے۔ انہوں نے مسجدیں تعمیر کیں۔ وہ ہندوؤں کے مندروں میں اور سکھوں کے تیرتھ استھانوں پر نذرانے اور تحائف لے کر جایا کرتے تھے۔ وہ ایک زیرک اور تیز فہم سپاہی تھے۔ وہ جب تک زندہ رہے، انہوں نے انگریزوں کے تسلط کی توسیع کو روکے رکھا۔ صد افسوس کہ وہ اپنے کارہائے نمایاں کو استحکام بخشنے کے لیے زیادہ دیر تک زندہ نہ رہے اور انہوں نے جو سلطنت تعمیر کی تھی وہ ان کی وفات کے فوراً بعد ہی ٹکڑے ٹکڑے ہو گئی۔
نیشنل بک ٹرسٹ انڈیا (نئی دہلی) نے 'قومی سوانح حیات' سلسلہ کے تحت ملک کی تاریخ کے عظیم مردوں اور عورتوں کی سوانح کو پیش کرنے کا بیڑہ اٹھایا ہے تاکہ عام شہری ان شخصیات کے بارے میں کچھ نہ کچھ جان سکیں اور یہ سمجھ سکیں کہ ہمارے ملک کا ارتقا کیسے ہوا ہے۔
اسی ذیل میں مہاراجہ رنجیت سنگھ کی مختصر سوانح پر مبنی کتاب شائع کی گئی ہے۔ اور اسی کتاب کا تعارف مہاراجہ رنجیت سنگھ کی برسی پر، تعمیرنیوز کے ذریعے پیش خدمت ہے۔

اس کتاب کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

نام کتاب: رنجیت سنگھ
مصنف: ڈی۔ آر۔ سود (اردو ترجمہ: مخمور جالندھری)
ناشر: نیشنل بک ٹرسٹ انڈیا، نئی دہلی (سن اشاعت: 1971ء)
تعداد صفحات: 134
Ranjit Singh (Urdu) by D-R-Sood