شیش محل - خاکے از شوکت تھانوی - پی۔ڈی۔ایف ڈاؤن لوڈ

27/ستمبر تعارف کتاب ٹی۔این۔بی

معروف و ممتاز مزاح نگار شوکت تھانوی کی دو کتابیں قاعدہ بےقاعدہ (ادبی شخصیات پر مزاحیہ خاکے) اور بارِ خاطر (مشاہیر کے نام طنزیہ مزاحیہ مکاتیب) تعمیرنیوز کے ذریعے پیش کی جا چکی ہیں۔
اس دفعہ ان کے تحریرکردہ دلچسپ و شگفتہ ادبی خاکوں پر مبنی ایک ایسی کتاب "شیش محل" پیش ہے جس میں سو (100) سے زائد نامور و ممتاز شخصیات کے خاکے تحریر کیے گئے ہیں۔ مگر بقول مصنف: ان خاکوں میں ادبی حالات سے زیادہ نجی حالات پیش کیے گئے ہیں۔
240 صفحات کی اس پی۔ڈی۔ایف فائل کا حجم تقریباً 9 میگابائٹس ہے۔
کتاب کا ڈاؤن لوڈ لنک نیچے درج ہے۔

کتاب کے مصنف شوکت تھانوی، کتاب کا تعارف کرواتے ہوئے "حرف اول" کے تحت لکھتے ہیں ۔۔۔

اس کتاب میں ان میں سے چند ادبا اور شعرا کا تذکرہ پیش کیا جا رہا ہے جن سے میں کبھی نہ کبھی کسی نہ کسی صورت سے مل چکا ہوں۔ ظاہر ہے کہ صرف اتنے ہی حضرات سے نہ ملا ہوں گا بلکہ ان سے بہت زیادہ ایسے بھی ہوں گے جن کا نام اس مجموعہ میں نہیں آ سکا ہے۔ اس سلسلہ میں متعدد مجبوریاں ہیں۔ سب سے پہلی مجبوری تو یہ کہ دماغ محدود ہے۔ دوسرا سبب یہ ہے کہ کتاب کے صفحات محدود ہیں۔
یہ تذکرہ کسی مورخ کے کام آنے والی چیز نہیں ہے۔ اس لیے کہ ادبی حالات سے زیادہ نجی حالات پیش کیے گئے ہیں اور وہ بھی ایسے کہ ان کے غلط ہونے کا احتمال صحیح ہونے سے کہیں زیادہ ہے۔ اس لیے کہ میں نے جو کچھ لکھا ہے وہ میرا ذاتی مطالعہ ہے اور مجھ کو اعتراف ہے کہ میں نے اپنے مطالعہ کو ہمیشہ غیرمستند سمجھا ہے۔
ایک غیرمستند بات پر کسی کو برا ماننے کا کوئی حق تو نہیں ہے۔ لیکن اگر پھر بھی کوئی برا مانے تو میں پرائیویٹ طور پر معافی مانگنے کے لیے تیار ہو جاؤں گا۔ اس لیے کہ معافی کے ایک لفظ سے بڑے بڑے ہنگامے خاموش ہوتے ہوئے دیکھ چکا ہوں۔ میں نے اپنے نزدیک اپنی ایماندارانہ رائے کا اظہار کیا ہے، مگر مجھے خود نہیں معلوم کہ میرا ایمان کس حد تک ایماندار ہے؟

اس مجموعہ میں جن حضرات کا ذکر ہے ان میں سے بہت سے داغِ جدائی دے چکے ہیں اور بہت سے اس میں بھی بخل کر رہے ہیں۔ کچھ کی موت میرے لیے ناقابلِ برداشت ہے اور کچھ کی زندگی معلوم نہیں کس دل سے برداشت کر رہا ہوں۔ بہرحال دوستوں اور دشمنوں دونوں کے ساتھ جہاں تک ہو سکا ہے ایمانداری برتنے کی کوشش کی گئی ہے۔ یعنی دوستی میں بہکنے اور دشمنی میں بھڑکنے کے جذبات پر قابو پانے کی کوئی کوشش اٹھا نہیں رکھی ہے۔ اس کے باوجود اگر بہکنے یا بھڑکنے کی غلطیاں بےساختگی میں سرزد ہو گئی ہوں تو انہیں شاعروں کی زبان میں "آمد" سمجھ کر "از دل خیزد" تو سمجھ لیجیے گا مگر "بردل ریزو" سے پرہیز کیجیے گا۔

- شوکت تھانوی
5/اپریل 1943ء

***
نام کتاب: شیش محل
مصنف: شوکت تھانوی
تعداد صفحات: 240
پی۔ڈی۔ایف فائل حجم: تقریباً 9 میگابائٹس
ڈاؤن لوڈ لنک: (بشکریہ: archive.org)
Sheedh Mahal by Shaukat Thanvi.pdf

Archive.org Download link:

GoogleDrive Download link:

شیش محل - از: شوکت تھانوی :: فہرست مضامین
نمبر شمار	عنوان	نمبر شمار	عنوان
1	حرف اول	58	رشید جہاں
2	آرزو لکھنوی	59	رضا لکھنوی
3	آسی الدنی	60	رفیع احمد خان
4	آشفتہ لکھنوی	61	روش صدیقی
5	آغا شاعر	62	ریاض خیرآبادی
6	آغا حشر	63	زاہدہ خلیق الزماں
7	آنند نرائن ملا	64	ساغر نظامی
8	اثر لکھنوی	65	سالک (عبدالمجید سالک)
9	احسن مارہروی	66	سایل دہلوی
10	احسان دانش	67	سبط حسن
11	احتشام ماہلی	68	سپرو (سر تیج بہادر سپرو)
12	اختر شیرانی	69	سجاد حیدر یلدرم
13	ارشد تھانوی	70	سہا مجدودی
14	ایم۔ اسلم	71	سیدہ سردار اختر
15	اصطفیٰ لکھنوی	72	سیماب اکبر آبادی
16	اصغر گونڈوی	73	شاد (تربینی سرن)
17	اعجاز (پروفیسر اعجاز حسین)	74	شاہد احمد
18	افسر میرٹھی	75	شمس الدین (حکیم خواجہ شمس الدین)
19	افقر موہانی	76	شہید (مولانا صبغۃ اللہ فرنگی محلی)
20	اقبل (سر محمد اقبال)	77	صادق (بہاری چرن سکسینہ)
21	اکبر حیدری	78	صدیق (مولوی محمد صدیق)
22	امید امیٹھوی	79	صفدر مرزا پوری
23	امین سلونوی	80	صفی لکھنوی
24	انیس احمد عباسی	81	ظریف لکھنوی
25	انصار ناصری	82	ظفر الملک علوی
26	اویس احمد ادیب	83	عبدالحق (مولانا)
27	بسمل الہ آبادی	84	عبدالحلیم شرر (مولانا)
28	بہزاد لکھنوی	85	عبدالرؤف عشرت (خواجہ)
29	پریم چند	86	عبدالقادر (سر)
30	پطرس	87	عبدالماجد دریابادی (مولانا)
31	پیارے لال شاکر	88	عزیز لکھنوی
32	سید امتیاز علی تاج	89	عشرت رحمانی
33	تاجور نجیب آبادی	90	عظیم بیگ چغتائی
34	تبسم نظامی	91	علی سردار جعفری
35	ثاقب لکھنوی	92	علی عباس حسینی
36	جالب دہلوی	93	فانی بدایونی
37	جاں نثار اختر	94	فرید جعفری
38	جذبی (معین احسن)	95	فراق گورکھپوری
39	جگر مرادآبادی	96	فکر (ابن الحسن فکر)
40	جوش ملیح آبادی	97	قدیر لکھنوی
41	حافظ محمد عالم	98	کرشن چندر
42	حب (مہاراجکمار محمد امیر حیدر خاں آف محمودآباد)	99	کلیم (مولوی عبدالرحیم)
43	حسرت موہانی	100	ل۔ احمد
44	حسن نظامی	101	مجاز (اسرار الحق)
45	حفیظ جالندھری	102	مجذوب (خواجہ عزیز الحسن غوری)
46	حفیظ سید (ڈاکٹر محمد حفیظ سید)	103	مجنوں گورکھپوری
47	خلیل احمد	104	محبوب طرزی
48	خمار بارہ بنکوی	105	مخدوم محی الدین
49	دیا نرائن نگم	106	مرزا محمد عسکری
50	دیوانہ بریلوی	107	مشیر احمد علوی
51	دیوانہ گورکھپوری	108	ملا رموزی
52	ذوقی (خواجہ مسعود علی)	109	ملک حسیب احمد
53	راز چاندپوری	110	نسیم انہونی
54	راشد (ن۔ م۔ راشد)	111	نیاز فتحپوری
55	رام بابو سکسینہ	112	وصل بلگرامی
56	رحم علی الہاشمی	113	یوسف حسن (حکیم یوسف حسن)
57	رشید احمد صدیقی	.	.

Sheesh Mahal, a collection of Urdu humorous caricatures by Shaukat Thanvi, pdf download.