تقریباً 200 صفحات کی اس پی۔ڈی۔ایف فائل کا حجم صرف ساڑھے تین میگابائٹس ہے۔
کتاب کا ڈاؤن لوڈ لنک نیچے درج ہے۔
آج کل جنگوں کو جیتنے کے لیے جتنے مختلف ذرائع استعمال ہوتے ہیں ان میں میڈیا ایک بنیادی حیثیت رکھتا ہے۔ ممالک یا گروہوں کے خلاف جعلی ویڈیوز، جھوٹی خبریں اور جھوٹ کو پھیلایا جاتا ہے اور جب لوگوں کے ذہن فلاں ملک یا گروہ کے خلاف ہو جاتے ہیں تو پھر جنگ مسلط کر دی جاتی ہے یعنی اصلی جنگ سے قبل میڈیا کی جنگ!!
جھوٹ کی ایک قسم افواہ سازی بھی ہے۔ آدمی بنا سوچے سمجھے کوئی بات کسی سے سن کر لوگوں میں پھیلا دیتا ہے جبکہ اس بات کی کوئی حقیقت نہیں ہوتی۔ اس طرح کی افواہ سازی سے انسان کی عزت پر حرف آتا ہے اور مسلمان کی عزت کو نبی کریم صلی اللہ علیہ وسلم نے کعبہ کی حرمت سے بڑھ کر قرار دیا ہے۔
افواہ سازی کے آج کل مختلف ذرائع بن چکے ہیں بالخصوص میڈیا کا کردار سرفہرست ہے۔ میڈیا کے مثبت و منفی کردار پر اس کتاب میں سیرحاصل بحث کی گئی ہے۔
اس کتاب کے دیباچہ میں مصنف راشد حسن لکھتے ہیں:
ہر معاشرہ افواہوں کی لپیٹ میں ہے، خاص طور پر عصر حاضر کے معاشرے تو انتہائی تیزی سے اس کی زد میں آ رہے ہیں۔ پھر نت نئے ذرائع کی ایجاد نے تو لوگوں کا اس طرف رجحان بڑھا دیا ہے اور دوسری طرف افواہوں کی ترویج اور نشر و اشاعت میں وہ ان ایجادات کی مدد بھی لیتے ہیں۔
ان سارے حالات کو سامنے رکھتے ہوئے میں نے مناسب سمجھا کہ درج ذیل اہم موضوع پر گفتگو کروں :
اسلامی شریعت میں عزت و آبرو اور اس کے وسائل کے بنیادی حق کا تحفظ اور اس کی ضرورت و اہمیت۔
میں نے اس کتاب کو ایک تمہید اور چار ابواب میں تقسیم کیا ہے۔
تمہید : اسلام میں عزت و آبرو کی ضرورت و اہمیت
باب اول:
افواہوں کو پھیلانے میں لوگوں کے مختلف کردار اور شریعت میں ان کا حکم
ذیلی مضامین : افواہوں کو پھیلانا اور اسے ہوا دینا، افواہوں کی اشاعت و ترویج، افواہوں کی تصدیق اور تائید کرنا
باب دوم :
لوگوں کے خلاف طعن و تشنیع کی حرمت اور عزت و آبرو کے تحفظ کے بنیادی حق کی ضرورت
ذیلی مضامین : لوگوں کو برا بھلا کہنے کا شرعی حکم ، غیبت کا حکم ، حکام اور علمائے دین کے خلاف طعن و تشنیع کے بارے میں شرعی حکم
باب سوم :
عزت و آبرو کی حفاظت کی ضرورت اور اس کے خلاف کاموں پر سزا
ذیلی مضامین : بہتان اور الزام تراشی کی سزا، لوگوں کے خلاف طعن و تشنیع کی سزا، امن و عامہ کے خلاف بھڑکائے جانے والے اعمال کی سزا
باب چہارم :
ابلاغ اور مواصلات کی جدید ٹیکنالوجی کے ذریعے عزت و آبرو کے بنیادی حق کا تحفظ
ذیلی مضامین : افواہوں کے خلاف جنگ میں نئے وسائل کی کوششیں ، افواہیں پھیلانے اور ان کی نشر و اشاعت میں حصہ لینے والے جدید ذرائع ابلاغ پر روک لگانے کے طریقے۔
***
نام کتاب: افواہوں کی شرعی حیثیت - وجوہات اقسام اثرات
تالیف: راشد حسن
تعداد صفحات: 196
پی۔ڈی۔ایف فائل حجم: تقریباً 3.5 میگابائٹس
ڈاؤن لوڈ لنک: (بشکریہ: archive.org)
Afwahon-Ki-Sharie-Haisiyat.pdf
Direct Download link:
https://archive.org/download/MohaddisBooksJunePart1_201705/Afwahon-Ki-Sharie-Haisiyat.pdf
| افواہوں کی شرعی حیثیت :: اہم موضوعات کی فہرست | |
|---|---|
| عناوین | صفحہ نمبر |
| مقدمہ | 9 |
| دیباچہ | 11 |
| تمہید: اسلامی شریعت میں عزت و آبرو کے بنیادی حق کا تحفظ | 13 |
| غلط افواہوں کے پھیلانے میں لوگوں کے مختلف کردار اور اسلامی شریعت میں ان کے احکام کا بیان | . |
| پہلا مبحث: افواہوں کے پھیلانے کابیان | 18 |
| دوسرا محبث: افواہوں کو رواج دینے کابیان | 29 |
| تیسرا محبث: افواہوں کی تصدیق کرنے کابیان | 34 |
| جھوٹ اورجھوٹی افواہوں کے نقصان | 42 |
| سچ کے ثمرات و برکات | 67 |
| سچ بولنے سے کیا ثمرات حاصل ہوتے ہیں ؟؟ | 67 |
| جھوٹ کے چند مثبت پہلو | 80 |
| ان حالات میں جائز (جھوٹ) سے مراد | 81 |
| ان حالات میں جھوٹ کا استعمال بوقت مجبوری | 82 |
| اضطراری حالت میں جھوٹ کے جواز پر اتفاق | 82 |
| افواہوں کے نقصانات تاریخ کی نظر میں | 84 |
| افواہ حدیث کی نظر میں | 87 |
| محدثین نے افواہوں کی سد ذرائع کے لیے شرائط مرتب کیے | 93 |
| ضعیف کی اقسام نقصان عدالت کی رو سے | 94 |
| لوگوں کی عیب جوئی کی حرمت کے ذریعے عزت و آبرو کی حفاظت و صیانت | . |
| پہلا مبحث: لوگوں کو مطعون کرنے اور انہیں برا بھلا کہنے کا حکم | 96 |
| دوسرا مبحث: غیبت کاحکم | 105 |
| تیسرا مبحث: حکمراں طبقہ اورعلمائے اسلام کے خلافت طعن وتشنیع کاحکم | 110 |
| عزت و آبرو کی ضروری اور بنیادی مصلحت کی حفاظت اور اس میں خلل اندازی کی سزا | . |
| پہلا مبحث: حد قذف کا بیان | 118 |
| دوسرا مبحث: لوگوں کو مطعون کرنے کی سزا کا بیان | 122 |
| تیسرا مبحث: امن عامہ پر اثر انداز ہونے والی افواہوں کی سزا | 124 |
| ابلاغ اور مواصلات کے میدان میں جدید ٹیکنالوجی کے ذریعے عزت و آبرو کے بنیادی حق کا تحفظ | . |
| پہلا مبحث: غلط افواہوں کے خلاف جنگ میں جدید ذرائع کی کوششوں کا بیان | 128 |
| دوسرا مبحث: غلط افواہوں کی نشر و اشاعت سے جدید ذرائع ابلاغ کو دور رکھنے کے وسائل | 132 |
| سوشل میڈیا اور فیس بک | 137 |
| موبائل فون کے ذریعے افواہوں کو پھیلانا | 141 |
| صحت خبر کی اہمیت | 147 |
| تحقیق خبر کے اسلامی اصول | 150 |
| وقائع نگاری کے آداب | 158 |
| صحافت اور ضمیر کی آواز | 161 |
| تحریر و نگارش کے اخلاقی پہلو | 173 |
| صحافت کیا ہے ؟ | 175 |
| صحافت اور اسلام | 185 |
| صحافت کا مقصد | 187 |
The shariah point of view of Rumours by Rashid Hassan, pdf download.
کوئی تبصرے نہیں:
ایک تبصرہ شائع کریں