No poll violation by Rahul: EC gives clean chit to Cong vice-president Rahul Gandhi
الیکشن کمیشن نے آج راہول گاندھی کو اس الزام میں کلین چٹ دے دی کہ انہوں نے7مئی کو امیٹھی کے ایک پولنگ بوتھ میں الکٹرانک ووٹنگ مشین کے احاطہ میں داخل ہوتے وئے رازداری قانون کی خلاف ورزی کی ہے ۔ چیف الیکشن کمشنر وی ایس سمپت سے یہ دریافت کرنے پر کہ راہول گاندھی کی جانب سے راز داری قانون کی خلاف ورزی کی شکایات موصول ہوئی ہیں ، انہوں نے کہا کہ ایسا کوئی کیس نہیں بنتا۔ انہوں نے کہا کہ کمیشن کو ضلع مجسٹریٹ سے جو اس حلقہ کے ریٹرننگ آفیسر بھی ہیں اور دیگر ذرائع سے یہ شکایات موصول ہوئی تھیں کہ صبح 10:30بجے جب راہول گاندھی پولنگ بوتھ کے احاطے میں داخل ہوئے تھے تو الکٹرانک ووٹنگ مشین کسی نقص کے سبب کام نہیں کررہی تھی ۔ سمپت نے کہا کہ انہوں نے ایک روزنامہ کے فوٹو گرافر سے بھی پوچھ تاچھکی ہے جس نے وہاں تصویر لی تھی۔ اس کے علاوہ دیگر امیدواروں کے پولنگ ایجنٹوں اور مائیکرو آبزرو سے بھی معلومات حاصل کی گئیں لیکن کمیشن کو پتہ چلا کہ اس وقت پولنگ نہیں ہورہی تھی ۔ انہوں نے کہ کہ راہول گاندھی وہ مشین دیکھنے گئے تھے جو کام نہیں کررہی تھی ۔ جب وہ وہاں گئے تو وہاں کوئی پولنگ نہیں ہورہی تھی۔ اسی لئے ان کے خلاف کوئی کیس نہیں بنتا۔
کوئی تبصرے نہیں:
ایک تبصرہ شائع کریں