کجریوال ایک دن دہلی کے چیف منسٹر بنیں گے - انا ہزارے

8/دسمبر نئی دہلی /ممبئی آئی۔اے۔این۔ایس

سماجی کارکن اناہزارے نے آج بتایا کہ انہیں اس بات پر مسرت ہے کہ عام آ دمی پارٹی کے کجرویوال کو کامیابی حاصل ہورہی ہے اور ایک دن وہ دہلی کے چیف منسٹر بن جائیں گے ۔ ہزارے نے رالے گاؤں سدھی میں صحافیوں سے بات چیت کرتے ہوئے بتایا کہ انہیں اس بات پر مسرت ہے کہ اروند کچریوال کی زیر قیدت عام آدمی پارٹی کامیابی حاصل کررہی ہے ، ایک دن وہ دہلی کے چیف منسٹر بن جائیں گے ۔ دہلی اسمبلی انتخابات میں جو ووٹ ڈالے گئے ان کی گنتی کے رجحانات سے اس بات کا پتہ چلتا ہے کہ عام آدمی پارٹی )اے اے پی )پہلی مرتبہ پر زور موقف کے ساتھ منظر عام پر آئے گی ۔ انہوں نے بتایا کہ کچریوال کو دہلی کی کسی بھی جماعت سے مدد حاصل نہیں کرنی چاہئے ۔ نتائج سے اس بات کا پتہ چلتا ہے کہ عوام کانگریس کو سزادے رہے ہیں ۔ دہلی آندولن نے اے اے پی کی مدد کی ہے ۔ قبل ازیں دن میں انہوں نے بتایا کہ کچریوال اپوزیشن میں براجمان ہوتے ہوئے اچھی کارکردگی کا مظاہرہ کریں گے ۔ ہزارے نے رالے گاؤں سدھی میں ایک نیوز چینل کو بتایا کہ وہ باور کرتے ہیں کہ اپوزیشن میں اروند کچریوال کی کارکردگی اچھی رہے گی اور حکومت کو درست جہت فراہم کی جائے گی ۔ انہوں نے یہ بتایا کہ شیلا ڈکشٹ کو شکست دینا کوئی آسان بات نہیں ۔ عوام نے اپنا خط اعتماد فراہم کردیا ہے ۔ شیلا ڈکشٹ 15سال تک دہلی کی چیف منسٹر رہیں جبکہ کانگریس کا انتخابات میں ہزیمت ہونے پر انہوں نے اتوار کو استعفی پیش کردیا ۔ شیلا ڈکشٹ نے لیفٹنٹ گورنر نجیب جنگ کو اپنا استعفی پیش کردیا جبکہ ووٹوں کی گنتی سے پتہ چلتا ہے کہ کانگریس کو 70رکنی اسمبلی میں 10نشستوں پر کامیابی حاصل نہیں ہوسکتی ہے ۔

جموں ۔
چیف منسٹر جموں وکشمیر عمر عبداللہ نے ٹوئٹر پر بتایا کہ "نوواردوں " کو کمتر نہیں سمجھا جانا چاہئے ۔جبکہ رائے دہندے ان کی تائید کے حصول کی کسی بھی بھونڈی کوشش کو تاڑلیتے ہیں ۔ انہوں نے آج چار ریاستوں کے اسمبلی انتخابات کے نتائج پر پر زور ، با آواز بلند اس فیصلے کا اظہار کیا ۔مدھیہ پردیش ، چھتیس گڑھ ، راجستھان اور دہلی کے انتخابی رجحانات منظر عام پر آنے لگے ہیں ۔ اس میں عمر عبداللہ نے اپنے ٹوئتر پر تحریر کیا کہ وہ فراہم کردہ نتائج اور پیش کردہ رجحانات کے مشاہدے کے لیے ٹی وی پر توجہ مرکوز کیے ہوئے ہیں ۔ انہوں نے بتایا کہ آپ اسے غیر صحت مند انہ تجس قرار دے سکتے ہیں ۔ چند انتخابی مصرین جنہوں نے ایک جائزہ میں اے اے پارٹی کا صرف چھ نشستیں فراہم ہونے کی پیش قیاسی کی تھی ، اس پر تعجب کا اظہار کرتے ہوئے چیف منسٹر نے بتایا کہ کونسا وہ انتخابی جائزہ تھا جس کے ذریعہ اے اے پی کو 6نشستیں حاصل ہونے کی پیش قیاسی کی گئی تھی ۔ انہوں نے بتایا کہ ضرورت ہے کہ آپ انتخابی تبصرہ نگاروں کو ملازمت سے ہٹادیں کیونکہ وہ سوال نامہ پر کرنے کے لیے واضح طور پر اپنی قیام گاہ میں ہی ٹہرے رہتے ہیں ۔ انہوں نے بتایا کہ بڑے پیمانے پر جلسۂ عام کا ہمیشہ یہ مطلب نہیں ہوتا ہے کہ ووٹ حاصل ہوں گے تاہم جن جلسوں میں کم تعداد میں لوگ شرکت کرتے ہیں ان سے یقینی طور پر ایک بڑی مصیبت کا اظہار ہوتا ہے ۔ انہوں نے خود اپنے لیے تحریر کردہ2014ء کے نوٹ میں بتایا کہ کسی نئے چہرے وپیام کے حامل نووارد کو کمتر نہیں سمجھنا چاہئے ۔ انہوں نے اپنے ٹوئٹر تحریر میں یہ بات بتائی ۔ جموں وکشمیر میں آئندہ سال لوک سبھا اور ریاستی قانون ساز اسمبلی کے انتخابات منعقد ہورہے ہیں ۔ اس وقت ریاست میں عمر عبداللہ کی علاقائی نیشنل کانفرنس ، کانگریس پارٹی کے اتحاد کے ساتھ حکومت کررہی ہے ۔ اس بات پر کڑی نظر رکھی جائے گی کہ آیا نیشنل کانفرنس کے ساتھ انتخابی سمجھوتہ کرتی ہے یا نہیں ۔

Kejriwal will become Delhi CM one day, says Hazare