President Pranab Mukherjee cuts short Bihar visit by a day
صدر جمہوریہ پرنب مکھرجی نے آج ایک طرف جہاں اپنے دورہ بہار کو دو روزہ کی جگہ یک روزہ کردیاتاکہ ان کاپروگرام پٹنہ میں بی جے پی کے وزیراعظم کے امیدوار نریندرمودی کی 27اکتوبر کی مجوزہ''ہونکارریلی سے متصادم نہ ہو،وہیں جنتادل (یو)نے اس پراپناردعمل ظاہرکرتے ہوئے کہاہے کہ بی جے پی اور نریندرمودی''ہرمعاملے پرتنازعہ پیداکرنے کی کوشش کررہے ہیں''۔صدرمکھرجی نے بی جے پی کی درخواست پر ہی اپنے بہاردورہ کے پرواگرم میں تبدیلی کی ہے پہلے ان کا 26-27کابہار دورہ کا پروگرام تھا جبکہ اب وہ26اکتوبر کو آکراسی روز واپس ہوجائیں گے کیونکہ 27اکتوبر کو پٹنہ میں مسٹرمودی کی ''ہونکارریلی''کاپروگرام ہے۔جنتادل(یو)کے صدر شردیادونے اس معاملے پر سخت ردعمل کا اظہار کرتے ہوئے کہاکہ بی جے پی اس معاملے کو متنازعہ بنانے کی کوشش کررہی ہے۔انہوں نے کہاکہ جب سے ہم بی جے پی جنتادل(یو)کی ہرمعاملے پرتنقید کررہی ہے اورغیرضروری طورپرتنازعہ پیدا کرنے کی کوشش کررہی ہے۔مودی کی ریلی کے تعلق سے مسٹریادونے کہاکہ جمہوریت میں ہرایک کوکہیں بھی آنے جانے اورریلی کرنے کاحق حاصل ہے لیکن بی جے پی اس معاملے پرغیرضروری تنازعہ پیدا کرنے کی کوشش کررہی ہے۔جنتادل (یو)کے راجیہ سبھارکن علی انورنے بھی کہا ہے کہ صدرکے پروگرام تبدیلی میں حکومت بہار کاکوئی عمل دخل نہیں ہے۔
کوئی تبصرے نہیں:
ایک تبصرہ شائع کریں