تاریخی حصول اراضی اور پنشن بلز - پارلیمنٹ میں منظور - Taemeer News | A Social Cultural & Literary Urdu Portal | Taemeernews.com

2013-09-05

تاریخی حصول اراضی اور پنشن بلز - پارلیمنٹ میں منظور

راجیہ سبھا میں جہاں ایک طرف تاریخی حصول اراضی بل کو منظور کرلیاگیاہے وہیں دوسری جانب بائیں بازو کی جماعتوں کی سخت مخالفت کے باوجود اہم اپوزیشن پارٹی بی جے پی کے تعاون سے لوک سبھا نے چہارشنبہ کو کافی وقت سے زیر التواء پنشن فنڈ ریگولیٹری اور ترقی اتھارٹی بل کی منظوری دے دی۔ بل پر ہوئی بحث کا جواب دیتے ہوئے وزیر خزانہ پی چدمبرم نے کہاکہ اس بل میں مستقل کمیٹی کی تقریباً تمام سفارشات کو قبول کیاگیاہے اور لوگوں کے خدشات کو دور کرنے کی کوشش کی گئی ہے ۔ انہوں نے کہاکہ اس کے ذریعہ پنشن اسکیم کو دلچسپ بنانے کی کوشش کی گئی، جس میں لوگوں کو اس بات کی معلومات دی جائے گی کہ ان کے پیسے کی سرمایہ کار ی کہاں کی جارہی ہے۔ عہدیدار اس بات سے واقف کروائیں گے کہ سرمایہ کاری کہاں کی جارہی ہے ۔ چدمبرم نے کہاکہ پنشن مارکیٹ، ایکوئٹی مارکیٹ اور دیگر مارکیٹ کی موجودہ صورتحال کو دیکھتے ہوئے ان کے درمیان توازن برقرار کئے جانے کی ضرورت ہے کیونکہ تمام میں سرمایہ کاری کی حد مقرر ہے۔ انہوں نے کہاکہ 26ریاست قومی پنشن اسکیم میں شامل ہوئے ہیں اور تاملناڈو بھی نوٹیفکیشن کے ذریعہ اس سے جڑچکاہے۔ آج کی تاریخ میں اس منصوبے کے کل صارفین کی تعداد 52لاکھ سے زیادہ ہے ۔ راجیہ سبھا میں منظور کردہ اراضی بل پر تمام خصوصی معاشی زونس میں بھی عمل کیاجائے گا۔ اس بل کے ذریعہ ایسے کسانوں کے ساتھ انصاف کو یقینی بنایاجائے گا جن کو ان کی زمین کی فروختگی کے بعد مناسب معاوضہ نہیں ملا ہے۔

Land Bill clears RS, pension law passed

کوئی تبصرے نہیں:

ایک تبصرہ شائع کریں