Supreme Court reserves order on Lalu's plea in fodder scam
سپریم کورٹ نے آج آر جے ڈی سربراہ لالو پرساد یادو کی درخواست پر اپنے احکام محفوظ کردئیے جس میں ان کے خلاف چارہ اسکام مقدمہ کی سماعت کررہے جھارکھنڈ کے ٹرائیل عدالت کے جج کا تبادلہ کرنے کی گذارش کی گئی تھی۔ چیف جسٹس پی سداشیوم کی زیر صدارت بنچ جس نے 9 جولائی کو اس کیس میں فیصلہ صادر کرتے ہوئے عبوری حکم التواء جاری کیا تھا اور جھارکھنڈ حکومت اور سی بی آئی کو نوٹس جاری کی تھی، آج اپنے احکام محفوظ کردئیے۔ سینئر وکیل شانتی بھوشن نے جو جنتادل یو قائد راجیو رنجن کی جانب سے پیش ہوئے، آر جے ڈی سربراہ کی درخواست کی سخت مخالفت کی اور کہاکہ اگر مقدمہ کے اختتام پر جج کا تبادلہ کیا جاتا ہے تو یہ انصاف کے ساتھ مذاق ہوگا۔ بھوشن نے کہاکہ اگر جج کا تبادلہ کیا جاتا ہے تو سارے ملک کو ایک غلط تاثر ملے گا۔ انہوں نے آرجے ڈی سربراہ کی درخواست پر سوال اٹھائے جس کے ذریعہ 2011ء سے اس مقدمہ کی سماعت کررہے جج کے تبادلہ کی گذارش کی گئی ہے۔
کوئی تبصرے نہیں:
ایک تبصرہ شائع کریں