Private sector should contribute more to research: Pranab Mukherjee
صدر جمہوریہ پرنب مکرجی نے آج اس بات پر افسوس کا اظہار کرتے ہوئے کہ دیگر ممالک کے مقابل ہندوستان میں تحقیقی و ترقی پر بہت کم رقم خرچ کی جاتی ہے، آج خانگی شعبہ سے کہاکہ وہ اختراعات کو فروغ دینے میں عظیم تر رول ادا کرے۔ انہوں نے کہاکہ ہماری گھریلو مجموعی پیداوار کے فیصد کی اصطلاح میں ریسرچ اینڈ ڈیولپمنٹ پر خرچ کی جانے والی رقم بہت کم ہے۔ ہم اپنی مجموعی گھریلو پیداوار کا صرف 0.9 فیصد حصہ خرچ کرتے ہیں جو کہ چین، برطانیہ حتی کہ اسرائیل سے بھی بہت کم ہے۔ ہمیں تحقیقی شعبہ میں اپنے مصارف میں اضافہ کرنا چاہئے تاکہ بڑے پیمانے پر اختراعات کی جاسکیں۔ صدر جمہوریہ نے کہاکہ خانگی شعبہ، ریسرچ پر خرچ کی جانے والی مجموعی رقم کا صرف ایک چوتھائی حصہ ادا کرتا ہے۔ انہوں نے صنعتوں سے کہاکہ وہ اس شعبہ میں اپنے مصارف کو اس سطح تک پہنچائیں جو جاپان، امریکہ اور جنوبی کوریا میں پائی جاتی ہے۔
کوئی تبصرے نہیں:
ایک تبصرہ شائع کریں