Centre is considering to form Telangana Development Board or Council under the Chairmanship of Mr. D. Srinivas
سابق صدر پردیش کانگریس کمیٹی ڈی سرینواس ان دنوں دہلی میں ہیں جنہوں نے آج صدر کانگریس سونیا گاندھی سے ملاقات کی۔ ذرائع کے بموجب ڈی سرینواس کو مجوزہ تلنگانہ ڈیولپمنٹ بورڈ کا صدرنشین بنایا جاسکتا ہے۔ دہلی کے پارٹی حلقوں میں یہ بات گشت کررہی ہے کہ کانگریس ہائی کمان نے موجودہ حالات میں متنازعہ تلنگانہ مسئلہ کے حل کیلے گورکھا لینڈ کی طرز پر ریجنل بورڈ قائم کرنے کا فیصلہ کرلیا ہے۔ گذشتہ چند دنوں کے دوران نائب صدر کانگریس راہول گاندھی کے بشمول پارٹی کے کئی اعلیٰ قائدین نے اس مسئلہ پر ریاست کے قائدین سے بات چیت کی ہے۔ اطلاعات کے مطابق بات چیت کا نتیجہ یہ نکلا کہ علیحدہ تلنگانہ ریاست کی تشکیل ممکن نہیں ہے کیونکہ اس مسئلہ پر اتفاق رائے پیدا نہیں ہوگا۔ بتایا جاتا ہے کہ جلد ہی ریجنل بورڈ کا اعلان کیا جائے گا۔ سونیا گاندھی اور دیگر اعلیٰ قائدین کی جانب سے ڈی سرینواس کو اعتماد میں لینے کے یہ قیاس آرائیاں کی جاریہ ہیں کہ ڈی سرینواس کو ہی ریجنل بورڈ کا صدرنشین بنایا جاسکتا ہے۔ کانگریس ہائی کمان کا یہ احساس ہے کہ ریجنل بورڈ کو وسیع تر اختیارات اور فنڈز کی فراہمی کے ذریعہ علاقہ کے عوام کے جذبات کو ٹھنڈا کیا جاسکتا ہے۔
کوئی تبصرے نہیں:
ایک تبصرہ شائع کریں