Azam frisking: Akhilesh cancels NY Consulate reception
اترپردیش کے چیف منسٹر اکھلیش یادو نے اپنے سینئر کابینی رفیق محمد اعظم خان کو امریکی امیگریشن حکام کی جانب سے ہوٹسن ایرپورٹ پر روک لئے جانے پر ناراضگی کا اظہار کرتے ہوئے نیویارک میں واقع ہندوستانی قونصل خانہ کی طرف سے اپنے اعزاز میں دئیے گئے استقبالیہ کو منسوخ کردیا۔ نیویارک کے ہندوستانی قونضل خانہ نے اس ضمن میں کوئی وجہ بتائے بغیر صرف یہ کہا کہ "بعض ناگزیر وجوہات کی بناء پر اترپردیش کے معزز چیف منسٹر اکھلیش یادو کے اعزاز میں ترتیب دیا جانے والا استقبالیہ منسوخ کردیا گیا ہے۔ قونصل جنرل ڈی ایم مولے نے استقبالیہ کی منسوخی کوئی وجہ بتانے سے انکار کردیا۔ مسٹر مولے چہارشنبہ کو اس عہدہ کا جائزہ لیا تھا جس کے بعد منعقد شدنی یہ پہلی اہم سرکاری تقریب تھی۔ مسٹر یادو نے مسٹر اعظم خان کو ایرپورٹ پر روکے جانے کے واقعہ پر احتجاج کرتے ہوئے ہاورڈ یونیورسٹی میں اپنا لیکچر بھی منسوخ کردیا تھا۔ واضح رہے کہ چیف منسٹر اترپردیش کے دفتر سے دعوت قبول کرنے کی توثیق کے بعد ہندوستانی امریکی برادری کی اہم شخصیات، منتخب عہدیداروں، نیویارک میں ہندوستان کے دوستوں اور بہی خواہوں کے علاوہ میڈیا کے نمائندوں کو دعوت نامے روانہ کئے جاچکے ہیں۔ مسٹر مولے نے کل رات ایشیاء سوسائٹی کے زیر اہتمام اپنے اعزاز میں منعقدہ ایک تقریب سے خطاب کرتے ہوئے کہا تھا کہ بوسٹن کے لوگان انٹرنیشنل ایرپورٹ پر پہونچنے والے ایک ریاستی وزیر کے ساتھ بد احترامی اور غلط برتاؤ بدبختانہ امر ہے۔ انہوں نے کہا تھا کہ ہندوستانی سفارت خانہ اس مسئلہ کو امریکی وزارت خارجہ اور ہوم لینڈ سکیورٹی سے رجوع کرے گا۔
کوئی تبصرے نہیں:
ایک تبصرہ شائع کریں