Mulayam faces protest by Muslim youths in Lucknow
کئی مسلم نوجوانوں نے آج سماج وادی پارٹی صدر ملائم سنگھ یادوکی تقریر کے دوران خلل ڈالا اور دہشت گردی کے کیسوں میں مسلم نوجوانوں کو غلط طورپر ماخوذ کرنے کا الزام لگایا۔ اترپردیش جمعیۃ العلماء کے زیر اہتمام رفاع عام کلب میں منعقدہ تقریب کے دوران ملائم سنگھ یادو کو مسلم نوجوانوں کے غیض و غضب کا سامنا کرنا پڑا اور ان کے خطاب کے دوران خلل پیدا کیا گیا۔ ان نوجوانوں نے دہشت گردی کے کیسوں میں پھنسائے گئے مسلم نوجوانوں کو رہا کرنے کامطالبہ کیا۔ جس وقت ملائم سنگھ یادو تقریر کر رہے تھے سامعین میں بیٹھے ہوئے ایک گروپ نے دو مرتبہ خلل ڈالا۔ جب انہوں نے کہاکہ سماج وادی پارٹی جو کہتی ہے کر کے دکھاتی ہے ۔ ہجوم نے کہتے ہوئے گڑبڑکی کہ جھوٹ ہے ۔ جیسے ہی یہ لوگ خاموش بیٹھے ملائم سنگھ نے اپنی تقریر جاری رکھی۔ جب وہ اپنا خطاب ختم کر رہے تھے انہوں نے کہاکہ ہم نے مسلمانوں کی خاطر اپنی حکومت قربان کی۔ اس موقع پر ہجوم نے پھر سے خلل اندازی کی اور کانڈہ میں ڈی ایس پی ضیاء الحق کے قتل میں راجہ بھپیا کے خلاف کار روائی کے بارے میں سوالات اٹھائے ۔ اس مرتبہ احتجاج کافی شدید تھا اور ہجوم کا غصہ تھمنے کا نام نہیں لے رہا تھا۔ ملائم سنگھ نے کہاکہ آپ جو کچھ کہنا چاہتے ہیں یا پوچھنا چاہتے ہیں اس طرح نہیں بلکہ تحریر میں دیجئے ، پارٹی کے ترجمان کو آپ ایک خط حوالے کیجئے میں یقینا اس کا جائزہ لوں گا۔ پی ٹی آئی کے بموجب ملائم سنگھ نے کہاکہ دہشت گردی کے جھوٹے الزامات پر جیلوں میں بند3بے قصور مسلم نوجوانوں کو حکومت نے رہا کیا ہے اور مزید24 نوجوانوں کی رہائی کیلئے قانونی رائے طلب کی گئی ہے ۔
کوئی تبصرے نہیں:
ایک تبصرہ شائع کریں