امریکہ کے ساتھ راست مذاکرات سے انکار - ایران

7/فبروری دبئی رائٹر

ایران کے رہبر اعلیٰ آیت اﷲ علی خامنہ ای نے آج ماریکہ کے نائب صدر جوبیڈن کی جانب سے راست بات چیت کی پیشکش کو مسترد کر دیا اور کہاکہ اس سے مسائل حل نہیں ہوں گے ۔ ایران کی ایر اسپس فورس کے ارکان اور عہدیداروں سے بات چیت کے دوران رہبر اعلیٰ نے کہاکہ بعض نا تجربہ کار افراد امریکہ کے ساتھ بات چیت کا نظریہ پیش کرتے ہیں تاہم امریکہ سے بات چیت کے ذریعہ مسائل حل نہیں ہوں گے ۔ انہوں نے کہاکہ جب تک واشنگٹن حکومت ایران پر پابندیاں عائد کرنے کا سلسلہ جاری رکھے گی تب تک اس سے تہران کے متنازعہ جوہری پروگرام پر براہ راست مذا کرات کا سلسلہ شروع نہیں کیا جائے گا۔ انہوں ایران کی حکومتی ویب سائٹ پر جاری کئے گئے ایران کے سپریم لیڈ آیت اﷲ علی خامنہ ای کے ایک بیان کے حوالے سے بتایا ہے آپ (امریکہ) ایسے وقت میں ہم سے مذا کرات کرناچاہتے ہیں جب آپ نے ایران پر بندوق تان رکھی ہے ۔ ایرانی قومی اس طرح کی مخصوص صورتحال میں خوفزدہ نہیں ہو گی۔ آیت اﷲ خامنہ ای ایران میں فیصلہ سازی کے حوالے سے انتہائی طاقتور شخصیت ہیں وہ ملک کے جوہری پروگرام سے لے کر خارجہ پالیسی جیسے حساس معاملات کو ترتیب دینے میں فیصلہ کن کردار ادا کرتے ہیں ۔

Iran's supreme leader, Ayatollah Ali Khamenei, rejected the offer of United States to enter into bilateral talks