Kolkata dum dum mosque
دمدم مسجد کی منتقلی کے تعلق سے یہ خبر شائع ہوئی ہے کہ ملت فروشوں کا ایک خفیہ گروپ دمدم مسجد کی منتقلی پر آمادہ ہوگیا ہے اور ایرپورٹ اتھاریٹی نے اسے شیشہ میں اتارلیا ہے۔ اس خبر پر تشویش کااظہار کرتے ہوئے معروف صحافی سیدعلی نے کہاکہ اس خبر میں کتنی صداقت ہے اس کی تحقیقی ہونی چاہئے لیکن اس خبر سے دیندار حلقوں میں اضطراب کی لہر دوڑ گئی ہے اور وہ جاننا چاہتے ہیں کہ ملت میں چھپاوہ کون منافق فروہ ہے جو مسجد کی منتقلی پر تیار ہوگیاہے۔ یہ کون لوگ ہیں۔ سماج میںان کا کیا رتبہ ہے اور مذہبی اعتبار سے ان کا کیا مقام ہے یہ ابھی پردہ غیب میں ہے۔ یہ بڑا حساس معاملہ ہے۔ کسی مسجد کے تعلق سے چوری چھپے کوئی غیر اسلامی فیصلہ ناقابل قبول ہوگا۔ ایرپورٹ اتھاریٹی اس آگلی میں انگلی جلانے کی کوشش نہ کرے۔ مسجد 122 سالہ قدیم ہے جس کی منتقلی کیلئے تھوڑے تھوڑے وقفے سے آواز اٹھتی رہی ہے جس کی مسلمانوں کی طرف سے سختی سے مخالفت کی جاتی رہی ہے۔
کوئی تبصرے نہیں:
ایک تبصرہ شائع کریں