قومی زبان کراچی - ابن صفی نمبر - جولائی 2022 - پی۔ڈی۔ایف ڈاؤن لوڈ

تعارف رسالہ ٹی۔این۔بی

انجمن ترقی اردو پاکستان (کراچی) کے رسالہ ماہنامہ "قومی زبان" نے جولائی 2022ء کی اشاعت خاص کو "ابن صفی نمبر" کے عنوان سے شائع کیا ہے جس کے صفحات کی تعداد تقریباً ساڑھے تین سو اور قیمت 750 روپے (پاکستانی کرنسی) ہے۔
انجمن ترقی اردو پاکستان کی انتظامیہ نے بین الاقوامی قارئین و قلمکاروں کے لیے متذکرہ شمارہ کی پی۔ڈی۔ایف فائل بھی پیش کی ہے۔ چونکہ اس پی۔ڈی۔ایف فائل کا حجم کافی سے زیادہ ہے (تقریباً 130 میگابائٹس)، لہذا تعمیرنیوز کی جانب سے اسی فائل کم حجم کا ورژن (فائل سائز: 32 میگابائٹس) افادۂ عام کی خاطر پیش خدمت ہے۔ اس شمارہ (اور اس فائل) کے جملہ حقوق انجمن ترقی اردو پاکستان کے نام محفوظ ہیں۔ یہ فائل صرف قارئین کے مطالعے کے لیے پیش کی جا رہی ہے، تجارتی مقاصد کے لیے اس کا استعمال ممنوع ہے۔

اس اشاعت خاص کے اداریہ میں مدیر ڈاکٹر یاسمین سلطانہ فاروقی لکھتی ہیں۔۔۔

ابن صفی نے اپنے ناولوں کے ذریعے معاشرے کو سدھارنے کے لیے جاسوسی اور تفتیشی نوعیت کے ناول لکھے اور ان میں جرم کو ایک خرابی کی صورت میں پیش کیا۔ ایسا نہیں کیا کہ ناول پڑھ کر قاری مجرم کا دل دادہ ہو جائے اور جرائم کی طرف مائل ہو جائے۔ انھوں نے غیر محسوس طریقے سے معاشرے کی تربیت بھی کی۔ اور ایک ایسے زمانے میں جب تفریحی ذرائع نہ ہونے کے برابر تھے۔ لوگوں کی آمدنی زیادہ نہیں تھی ، اس وقت اپنی خوب صورت اور دل کش تحریروں کے ذریعے قاری کا کتاب سے رشتہ استوار کیا اور ایک عہد کو متاثر کیا۔

ابن صفی پاکستان میں جاسوسی ادب کے ایسے محسنوں میں شمار ہوتے ہیں جن کی وجہ سے نوجوان اپنا وقت فضول سرگرمیوں میں ضائع کرنے کے بجائے کتاب کی طرف متوجہ ہوئے اور اس کے ہوکر رہ گئے۔ انھوں نے بھی اپنے قاری کو کبھی مایوس نہیں کیا بلکہ اپنے اعلی معیار کو ہمیشہ قائم رکھا۔ یقیناً یہی وجہ ہے کہ ان کے انتقال کے 42 برس بعد بھی قارئین ان کا نام سن کر مسکراتے ہوئے اپنی یادیں تازہ کرتے ہیں، اپنے پسندیدہ کرداروں علی عمران اور کرنل فریدی اور کیپٹن حمید کے مکالمے دہراتے ہیں اور ابن صفی سے اپنی محبت کا اظہار کرتے ہیں۔ یہی ایک تخلیق کار کی کامیابی ہے۔ اور ابن صفی ایسے ہی کامیاب ترین بلکہ خوش قسمت ترین ناول نگار ہیں جن کا ایک زمانہ پرستار ہے۔

ابن صفی نمبر شائع کرنے کا مقصد اور اصل مطمح نظر بھی یہی ہے کہ ابن صفی سے محبت کرنے والوں کے علاوہ اردو کے وہ قارئین اور نوجوان جو ابھی تک ابن صفی سے مکمل طور پر واقف نہیں ہیں، ان کے لیے بھی ایک بھر پور معلوماتی اشاعت ہو جو ان کی تحریروں کا اچھی طرح احاطہ کرے۔
ہمیں خوشی ہے کہ الحمد للہ بڑی تعداد میں دنیا بھر سے مضامین موصول ہوئے اس سے معلوم ہوتا ہے کہ ابن صفی کے چاہنے والے دنیا بھر میں موجود ہیں اور ان کی تحریروں کی شگفتگی ان کے قارئین کے ذہنوں میں آج بھی تازہ ہے۔
اس مرتبہ ہم نے مختلف ممالک سے اردو دنیا کی نمایاں شخصیات کی ابن صفی اور جاسوسی ادب کے حوالے سے آرا بھی شامل اشاعت کی ہیں۔ ہم اپنے تمام قابل احترام قلمی معاونین کے یہ دل سے شکرگزار ہیں کہ آپ سب نے اپنی مصروفیات میں سے ہمارے لیے وقت نکالا اور اپنی قیمتی تحریروں سے نوازا۔

***
نام رسالہ: قومی زبان (کراچی) - (ابن صفی نمبر) جولائی 2022
مدیر: ڈاکٹر یاسمین سلطانہ فاروقی (شعبۂ تحقیق و تالیف و تصنیف، انجمن ترقی اردو پاکستان، کراچی)
تعداد صفحات: 328
پی۔ڈی۔ایف فائل حجم: تقریباً 32 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Qaumi Zaban Karachi_July-2022.pdf

Direct Download link:

GoogleDrive Download link:

قومی زبان کراچی - ابن صفی نمبر جولائی 2022 :: فہرست
نمبر شمار	تخلیق	تخلیق کار	صفحہ نمبر
الف	اداریہ	ڈاکٹر یاسمین سلطانہ فاروقی	3
1	ابن صفی ایک نظر میں	طارق احمد	6
2	ابن صفی	ڈاکٹر حسن منظر	9
3	ابن صفی - انفرادیت اور امتیاز	پروفیسر ڈاکٹر معین الدین عقیل	12
4	عوامی ادب کی شعریات - ابن صفی کے حوالے سے	پروفیسر علی احمد فاطمی	15
5	ابن صفی - عظیم جاسوسی ناول نگار	پروفیسر ڈاکٹر طاہر مسعود	24
6	عبد سازفن کار	مشتاق احمد قریشی	27
7	کچھ ابن صفی کے بارے میں	قیصر عالم	30
8	این صفی مرحوم : نابغہ روزگار	عقیل دانش	35
9	سری ادب کے باکمال ادیب- ابن صفی	پروفیسر ڈاکٹر شبیر احمد قادری	38
10	ایک تھا جادوگر	اخلاق احمد	42
11	ابن صفی کی شخصیت کے چند پہلو	احمد صفی	46
12	ابن صفی - ایک زیرک تخلیق کار	ڈاکٹر عبدالعزیز ملک	52
13	ابن صفی - ایک غیر معمولی ادیب	پروفیسر ڈاکٹر شاہد اشرف	56
14	تجسس کی دنیا اور ابن صفی	سرور جاوید	58
15	جاسوسی ناول نگاری کے شہنشاہ ابن صفی	ڈاکٹر محمد اطہر مسعود خاں	62
16	ابن صفی تخیل کی طاقت اور سائنس فکشن	ڈاکٹر عقیل عباس جعفری	53
17	ابن صفی کی فکر، کردار اور مسائل و اثرات	ڈاکٹر فاروق عادل	88
18	ابن صفی : اردو سری ادب کا شہنشاہ	عشرت معین سیما	92
19	ابن صفی گوشئہ احباب کے آئینے میں	ادریس شاہ جہان پوری	97
20	اولڈ کلفٹن کی کوٹھی ، برنس روڈ کا فلیٹ اور گارڈن ویسٹ والا بنگلہ	فاروق احمد	114
21	ابن صفی - اقبال سائنسز کی روشنی میں	خرم علی شفیق	126
22	ابن صفی - زمانہ بڑے شوق سے سن رہا تھا	انجینئر راشد اشرف	129
23	ابن صفی دنیائے اردو ادب کا منفرد مصنف	فخر الدین کیفی	150
24	ابن صفی	شاہد الیاس شامی	153
25	ابن صفی - نام ہی کافی ہے	میرحسین علی امام	155
26	ابن صفی - پیش رس کے آئینے میں	شبنم امان	161
27	ابن صفی - جاسوسی ادب کا مہ کامل	ڈاکٹر قمر عباس	178
28	ابن صفی اور عصری حسیت	پروفیسر عقیل ہاشمی	184
29	ابن صفی - اردو شاعری کا ایکسٹو	سید معراج جامی	191
30	ابن صفی کی تحریروں میں صنف نازک کے رنگ	تبسم حجازی	199
31	ابن صفی مشن اور ادبی نصب العین	محمد عارف اقبال	206
32	آئزن سائیڈز لون ہینڈز - اور - دلیر مجرم - کا تقابلی مطالعہ	ڈاکٹر رضوان زیب	222
33	ایک عہد ساز فسوں گر	شفیع موسی منصوری	235
34	ابن صفی کے ناولوں میں سائنس فکشن - سوشل میڈیا کا ایک دلچسپ مکالمہ	مکرم نیاز	250
35	ابن صفی کا نظریہ فن - جاسوسی دنیا کے پیش رس کے تناظر میں	ڈاکٹر سہیل محمود	257
36	سائنس فکشن کی مختصر تاریخ اور ابن صفی کے سائنس فکشن ناول	محمد فیصل	267
37	ابن صفی	یاسر پیرزاده	284
38	برصغیر کا جینئس - ابن صفی	کامران نفیس	287
39	ابن صفی کے نسائی کرداروں کا جنسی انتشار	حمیرا عالیہ	295
40	ابن صفی نارتھ پول سے ساؤتھ پول تک!	عمران عاکف	301
41	ابن صفی - لفظ میرے ، مرے ہونے کی گواہی دیں گے	اعجاز بابو خان	306
42	گرد و پیش	.	311

Qaumi Zaban Karachi, issue: July 2022, Ibne-Safi Number, pdf download.