ہندوستانی سنیما کے پچاس سال - از پریم پال اشک - تعارف کتاب

ہمارے عہد کے دانشور طبقے میں موجودہ صدی کے مقبول ترین، موثر ترین اور انقلاب آفریں موضوع "سنیما" کو ایک گری پڑی چیز سمجھ کر اس کی طرف سے ہمیشہ بے اعتنائی سے کام لیا گیا۔ لیکن ادب میں اس ممنوعہ موضوع کو پہلی مرتبہ پریم پال اشک نے سینے سے لگایا اور اس کی سماجی اہمیت اور افادیت محسوس کرتے ہوئے اس پر تنقیدی اور تحقیقی کام کرنے کا بیڑا اٹھا کر گزشتہ 20 برس میں اس موضوع پر سات کتابیں لکھ چکے ہیں۔ زیر نظر کتاب "ہندوستانی سنیما کے پچاس سال" اردو زبان میں منفرد اور نمایاں کوشش ہے۔ اس میں آزادی کے بعد کے 50 سال کے دوران ہندوستانی سنیما کی ترقی توسیع اور فروغ کا جائزہ لیا گیا ہے۔
اس کتاب میں شامل مضامین مختلف موضوعات پر مشتمل ہیں۔ جن کے مطالعے سے ہندوستانی سنیما کی پوری تاریخ سامنے آ جاتی ہے۔ ہر موضوع ایک تاریخی تجزیہ ہے۔ خصوصاً "ہندوستانی سنیما کی اردو خدمات" کی اہمیت اور افادیت اس لئے مسلم ہے کہ اب تک کسی بھی فلم نقاد نے ہندوستانی سنیما کی اردو خدمات کا صحیح معنی میں محاسبہ نہیں کیا۔ پریم پال اشک نے پہلی مرتبہ یہ کوشش کی ہے۔ ہندوستانی سنیما کی تاریخ کے عمیق مطالعے اور ملکی اور غیر ملکوں کی فلموں کے وسیع مشاہدے کی وجہ سے بندوستانی سنیما کے ناقدین میں پریم پال اشک کا مقام یقیناً منفرد اور نمایاں ہے۔
فلم اور فلمی دنیا سے دلچسپی رکھنے والے قارئین کی خدمت میں تعمیرنیوز کی جانب سے اس مختصر و مفید کتاب کا تعارف پیش ہے۔

پریم پال اشک کی یہ کتب بھی پڑھیے ۔۔۔
تحریک آزادی اور ہندوستانی سینما - از پریم پال اشک - تعارف کتاب
فلم شناسی از پریم پال اشک - تعارف کتاب

اس کتاب کا تعارف، اشاعتی کوائف، فہرستِ مضامین اور دیگر معلومات علمی، ادبی اور تحقیقی استفادے کے لیے پیش کی جا رہی ہیں۔

نام کتاب: ہندوستانی سنیما کے پچاس سال
مصنف: پریم پال اشک
تعداد صفحات: 161
Hindustani Cinema Ke Pachas Saal Prem by Pal Ashk