کتب خانہ داری ایک تعارف - از شہاب الدین انصاری - پی۔ڈی۔ایف ڈاؤن لوڈ

تعارف کتاب ٹی۔این۔بی

کتب خانے کسی بھی متمدن سماج میں ایک مسلم حیثیت رکھتے ہیں۔ ان کی تاریخ، تنظیم اور ان کا دائرہ کار، ان سے استفادہ کے امکانات اور ان امکانات میں وسعت کی گنجائش ۔۔۔ ان سب کا مطالعہ نہ صرف علم کتب خانہ داری کے طالب علم کے لیے ضروری ہے بلکہ ایک عام تعلیم یافتہ فرد کے لیے بھی کتب خانہ کے جملہ پہلوؤں کی جانکاری نہایت ضروری ہے کیونکہ اس علم کے بغیر سماج کے اس اہم ادارہ سے وہ کماحقہ مستفید نہیں ہو سکتا۔

انتظام مملکت جب جمہوریت کے دور میں داخل ہوا اور تعلیم خواص کے لیے مخصوص نہ ہو کر عوام کی میراث بنی تو علوم کے دائرہ میں وسعت بھی ہوئی اور اس وسعت کی رفتار تیز سے تیزتر ہوتی گئی۔ کتابوں کی درجہ بندی، ان کے اندراج کے اصول و ضوابط مرتب ہوئے اور کتب کی معیار بندی کی گئی۔

کتب خانہ داری کی باقاعدہ تعلیم انیسویں صدی کے آخری برسوں میں شروع ہوئی اور ایک عرصہ تک تعلیم و تربیت کا یہ کام پیشہ ورانہ انجمنوں کی ذمہ داری رہا۔ یونیورسٹی میں پڑھائے جانے والے ایک مضمون کی حیثیت سب سے پہلے جرمنی کی گوٹنگن یونیورسٹی (University of Gottingen) میں ملی۔
ہندوستان میں کتب خانہ داری سے متعلق تعلیم و تربیت کا کام سب سے سنہ 1911ء میں ریاست بڑودہ میں شروع ہوا۔ مدراس یونیورسٹی ملک کی پہلی یونیورسٹی ہے جس نے 1931ء میں کتب خانہ داری کو اپنے نصاب میں شامل کیا۔
انگریزی اور یورپ کی دوسری زبانوں میں کتب خانہ داری کے موضوع پر ادب کا ایک بڑا ذخیرہ موجود ہے۔ ایک سے زائد انسائیکلوپیڈیا مرتب ہو چکے ہیں اور دوسرے علوم کی طرح کتب خانہ داری پر مرتب مواد کا ایک سالانہ جائزہ ایڈوانسز ان لائبریرین شپ (Advances in Librarianship) کے نام سے شائع ہوتا ہے۔
اس کے برعکس اردو زبان میں دستیاب مواد کی تعداد نہ صرف مختصر ہے بلکہ اس کا بڑا حصہ کتب خانوں کے تاریخی جائزہ تک محدود ہے۔

ترقی اردو بیورو (نئی دہلی) نے جین کے۔ گیٹس (Jean Key Gates) کی انگریزی کتاب "انٹروڈکشن ٹو لائبریرین شپ" (Introduction to librarianship) کو بنیاد بنا کر اسی موضوع پر ایک مکمل اردو کتاب کی اشاعت کا ارادہ کیا جسے شہاب الدین انصاری نے تکمیل تک پہنچایا۔
اس اردو کتاب کا بنیادی ڈھانچہ، کتب خانوں کے تاریخی پس منظر اور مختلف اقسام کے کتب خانوں کے لیے مولف نے بڑی حد تک گیٹس کی انگریزی کتاب سے استفادہ تو کیا مگر یہ کوشش بھی کہ معلومات کے دائرہ کو امریکہ تک محدود نہ کر کے برطانیہ اور ہندوستان میں موجود صورتحال کے جائزہ کو بھی پیش کیا ہے۔ اس لیے تاریخی پس منظر کے حصہ میں، مشرقی دنیا میں کتب خانوں کے عروج پر بھی تفصیلی نظر ڈالی گئی ہے۔

کتب خانوں کی تاریخ و تہذیب کی تفصیلات پر مبنی یہ دلچسپ اور یادگار کتاب تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً چار سو صفحات کی اس پی۔ڈی۔ایف فائل کا حجم صرف 18 میگابائٹس ہے۔
کتاب کا ڈاؤن لوڈ لنک نیچے درج ہے۔

***

نام کتاب: کتب خانہ داری (ایک تعارف)
تالیف: شہاب الدین انصاری
ناشر: ڈائرکٹر ترقی اردو بیورو، نئی دہلی (سن اشاعت: 1984ء)
تعداد صفحات: 395
پی۔ڈی۔ایف فائل حجم: تقریباً 18 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Kutub khana daari-aik taaruf.pdf

Direct Download link:

GoogleDrive Download link:

فہرست
نمبر شمار	عنوان	صفحہ نمبر
حصہ اول
1	کچھ اس کتاب کے بارے میں	9
2	تاریخی مطالعہ کی ضرورت	11
3	کتب خانے - تاریخی مطالعہ	17
4	عہد عتیق	18
5	مصر	20
6	یونان و روم	21
7	عہد وسطی - ابتدائی دور	34
8	جاگیریت کا دور	52
9	صلیبی جنگیں	53
10	یونیورسٹیوں کا قیام اور ان کا عروج	54
11	عہد وسطی - جدید دور	58
12	روشن خیالی سے بیسویں صدی تک	71
13	امریکہ - انیسویں صدی کے ابتدائی ایام	80
14	امریکہ - انیسویں صدی ، لائبریری آف کانگریس	87
15	مشرقی دنیا میں کتب خانے	93
16	ہندوستان - عہد قدیم تا عہد وسطیٰ	101
17	ہندوستان - انیسویں صدی تا دورِ جدید	117
18	راجہ رام موہن رائے فاؤنڈیشن	127
19	عام کتب خانے ریاستی سطح پر	131
20	دہلی پبلک لائبریری	136
21	دورِ جدید - امریکہ	139
22	برطانیہ - عام کتب خانے	147
حصہ دوم
23	کتب خانے - اقسام	155
24	اسکولی کتب خانے	156
25	اسکول کتب خانے امریکہ میں	162
26	اسکول کتب خانے برطانیہ میں	165
27	اسکول کتب خانے ہندوستان میں	166
28	تعلیمی اداروں کے کتب خانے	172
29	کالج کتب خانے	183
30	یونیورسٹی کتب خانے	193
31	یونیورسٹی کتب خانے برطانیہ میں	199
32	ہندوستان - یونیورسٹی کتب خانے	205
33	تحقیقی اداروں کے کتب خانے	223
34	خاص کتب خانے	232
35	ایسلب (ASLIB)	241
36	انڈین ایسوسی ایشن آف اسپیشل لائبریریز اینڈ انفارمیشن سنٹرس	243
37	قومی کتب خانے	247
38	امریکہ - لائبریری آف کانگریس	247
39	قومی کتب خانہ برائے طب	250
40	قومی زرعی کتب خانہ	252
41	برطانیہ - برٹش لائبریری	253
42	ہندوستان - قومی کتب خانہ	258
43	سنٹرل ریفرنس لائبریری	261
44	نیشنل سائنس لائبریری	262
45	قومی طبی کتب خانہ	264
46	انسڈاک (INSDOC)	265
47	سینڈاک (SENDOC)	268
48	نسّات (NISSAT)	270
49	سائنسی اور تکنیکی معلومات ہندوستان میں	274
حصہ سوم
50	کتب خانہ داری - پیشہ ورانہ تنظیم	280
51	ممالک متحدہ امریکہ	282
52	برطانیہ	289
53	ہندوستان	295
54	علم کتب خانہ داری کی تعلیم و تربیت	303
55	ہندوستان	310
56	علم کتب خانہ داری کے ماخذ و مواد	316
57	کتب خانہ کے کام	324
58	کتب خانہ اور عمل خودکاری	341
59	مستقبل کی سمت	364
60	کل کے لائبریرین	382
61	سماج میں کتب خانہ کا مقام	384
62	یونیسکو منشور برائے کتب خانہ	390

Kutub khana daari, aik taaruf, Maintenance of a library, an introduction, urdu pdf download.