ماہنامہ شگوفہ حیدرآباد - مجتبیٰ حسین نمبر - پی۔ڈی۔ایف ڈاؤن لوڈ

تعارف رسالہ ٹی۔این۔بی

مجتبیٰ حسین (پ: 15/جولائی 1936 ، م: 27/مئی 2020)
موجودہ عہد ظرافت کی ایک انجمن اور ایک ادارہ تھے جنہوں نے اردو طنز و مزاح کو اپنی شگفتہ و شائستہ نگاری سے مالا مال کیا۔ 1968 میں جاری ہونے والے ماہنامہ "شگوفہ" (حیدرآباد) نے اردو کے اس مقبول ترین ادیب کے تخلیقی سفر کی ربع صدی کی تکمیل کی خوشی میں اپنا ایک ضخیم خصوصی شمارہ (نومبر 1987) شائع کیا تھا۔ ماہنامہ شگوفہ کا یہ خصوصی شمارہ تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔
رسالہ کا ڈاؤن لوڈ لنک نیچے درج ہے۔

شگوفہ کے اس خصوصی شمارے کے اداریے بعنوان "بالآخر" میں ڈاکٹر مصطفی کمال لکھتے ہیں۔۔۔

نامور مزاح نگار مجتبی حسین نے اپنے تخلیقی سفر کے پچیس سال مکمل کر لیے۔ اس سفر کا زندہ دلانِ حیدرآباد، اس کی تحریک اور ماہنامہ 'شگوفہ' سے خاص تعلق ہے۔ اتفاق سے زندہ دلانِ حیدرآباد اور مجتبیٰ حسین کی مزاح نگاری کی عمر ایک ہے۔ ایک طرف ایک فرد ہے اور دوسری جانب ایک ادارہ۔
لیکن یہ مقولہ یہاں صحیح طور پر منطبق ہوتا ہے کہ مجتبیٰ اپنی ذات میں ایک انجمن ہیں۔ تخلیقی سفر کے 25 سال کی تکمیل پر شگوفہ نے اس فعال، پرکشش، مقبول اور نامور شخصیت اور اس کے فن کا تفصیلی جائزہ لینے کی اپنی بساط کے مطابق کوشش کی ہے۔
25 سال کے سفر کی یہ داستان خاصی دلچسپ ہے۔ زیرنظر شمارہ کے ذریعہ اس داستان کے تقریباً تمام گوشوں کا احاطہ کیا گیا ہے اور بحیثیت مزاح نگار مجتبیٰ حسین کو خراج تحسین پیش کیا گیا ہے۔ آزادی کے بعد اردو طنز و مزاح کے ارتقا کی بھی ہلکی سی تصویر سامنے آئی ہے۔ یقین ہے کہ اس خصوصی نمبر کی اشاعت کے نتیجہ میں طنز و مزاح کی رفتار کو سمجھنے میں مدد ملے گی۔

عام طور پر خصوصی نمبروں کی اشاعت معلنہ وقت پر ممکن نہیں ہوتی۔ اسی لیے اشاعت کی تاریخ میں توسیع کرتے ہوئے، اسے ہر اعتبار سے مکمل بنانے کی کوشش کی جاتی ہے۔ لیکن اس شمارہ کا آج یعنی 19/نومبر 1987 کو شائع ہونا ضروری تھا جبکہ مجتبیٰ حسین کے اعترافِ خدمات کے لیے بڑے پیمانہ پر جلسہ کا اہتمام کیا گیا ہے۔ اکثر مضامین آخری لمحوں میں وصول ہوئے اور ساری کتابت صرف 15 دن میں ہوئی۔ طباعت کا کام بھی دو ہی دن میں مکمل ہوا۔
اس خصوصی نمبر کی صورت گری میں میرے دوستوں اور مجتبیٰ کے چاہنے والوں نے شب و روز ایک کر دئیے، ان سب کے ناموں کا ذکر ممکن نہیں۔ پھر بھی خاص طور پر مضطر مجاز، صلاح الدین نیر، ڈاکٹر رحمت یوسف زئی، رؤف رحیم، سخی حسن صدیقی (دہلی)، محمد اسلم (دہلی)، مالکان حسامی بک ڈپو نصیر احمد و قاسم بھائی، میر مشتاق علی مالک نیشنل پریس، محمد عبدالرشید (دائرہ پریس)، سلام خوشنویس اور مسعود انور کا خاص طور سے ممنون ہوں کہ ان کی شبانہ روز توجہ کے بغیر اس خصوصی اشاعت کا وقت پر شائع ہونا ممکن نہ تھا۔
مجتبیٰ حسین کے اعترافِ خدمات کے لیے جناب کنور مہندر سنگھ بیدی سحر کی صدارت میں ایک کل ہند کمیٹی تشکیل دی گئی ہے۔ اس کمیٹی کے تمام عہدیداروں اور اراکین بالخصوص جناب عابد علی خاں، پروفیسر اشتیاق عابدی، جناب کمال الدین احمد، جناب کے ایک ساقی نارنگ، جناب کے۔ایم۔خاں کا شکریہ ادا کرنا ضروری ہے جن کے تعاون کے بغیر اس ضخیم نمبر کی اشاعت کا خواب شرمندۂ تعبیر نہیں ہو سکتا تھا۔

- مصطفیٰ کمال
19/ نومبر 1987 ، ساڑھے گیارہ بجے دن۔

***
نام رسالہ: شگوفہ - مجتبیٰ حسین نمبر - نومبر 1987
مدیر: ڈاکٹر مصطفیٰ کمال
تعداد صفحات: 463
پی۔ڈی۔ایف فائل حجم: تقریباً 27 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Shugoofa_Nov-1987.pdf

Direct Download link:

ماہنامہ 'شگوفہ' - نومبر 1987 :: فہرست
نمبر شمار	تخلیق	تخلیق کار	صفحہ نمبر
قصہ مختصر (زندگی کے حالات)
1	مجتبی حسین - سوانحی حالات	محمد اسلم	33
قطع کلام (تنقید)
2	مجتبی حسین اور طنز و مزاح نگاری	شمس الرحمن فاروقی	39
3	مجتبی کا شناس نامہ - حیدرآباد	پروفیسر وحید اختر	43
4	مجتبی حسین - فن کے چند پہلو	پروفیسر گوپی چند نارنگ	55
5	مجتبی حسین کی مزاح نگاری	پروفیسر مغنی تبسم	61
6	مجتبی حسین کے مزاحیوں میں معنوی رنگ	پروفیسر قمر رئیس	68
7	جاپان چلو جاپان چلو	عمیق حنفی	74
8	کچھ مجتبی حسین کے بارے میں	اختر حسن	162
9	آدمی نامہ - ایک جائزہ	پروفیسر شمیم حنفی	81
10	جاپان چلو جاپان چلو	ساحر ہوشیارہوری	86
11	مجتبی حسین - بحیثیت خاکہ نگار	ڈاکٹر مظفر حنفی	90
12	جاپان چلو - میری نظر میں	مولانا علی ناصر سعید عبقاتی	93
13	مجتبی حسین بحیثیت مزاح نگار	سوزوکی تاکیشی	97
14	مجتبی حسین کی خاکہ نگاری	ڈاکٹر اشرف رفیع	99
15	رنگ لائے گی ہماری پیش لفظی	دلیپ سنگھ	107
16	بحیثیت کالم نگار	ڈاکٹر بیگ احساس	390
17	ایک بڑی آواز کی آہٹ	من موہن تلخ	110
18	آرام کرسی کے قصہ گو	ڈاکٹر شیر جنگ گرگ	114
19	مجتبی حسین آئینۂ فن میں	یونس فہمی	116
20	سفرنامۂ جاپان	رشید الدین	122
21	مجتبی حسین بحیثیت مزاح نگار	انیسہ سلطانہ	126
22	مجتبی حسین - میرا حصہ دور کا جلوہ	انوار انصاری	130
تکلف برطرف (خاکے)
23	مجتبی حسین	کنور مہندر سنگھ بیدی سحر	134
24	مجتبی بھائی : فکر بھائی مزاح والے	فکر تونسوی	136
25	تکلف برطرف زباں پر	بھارت چند کھنہ	142
26	پختہ اعتقاد کا مرکزی ادیب	یوسف ناظم	147
27	تین بھائی - تینوں ادیب	ظفر الحسن	150
28	آفتاب مزاح - مجتبی حسین	رشید قریشی	153
29	ہم طرفدار ہیں غالب کے	وجہات علی سندیلوی	158
30	مجتبی حسین - سایہ دار آدمی	زبیر رضوی	166
31	انڈر اکلیس حسین	نریندر لوتھر	170
32	مجتبی حسین میرا دلدار	بلراج ورما	177
33	اردو ادب کا سپرمین	ڈاکٹر شہریار	188
34	فیملی مزاح نگار	پرویز یداللہ مہدی	191
35	محبتوں کا اسٹاک اکسچینج	ظفر پیامی	199
36	من موہن مجتبی	مسیح انجم	205
37	مثلث کا تیسرا ضلع	رفعت سروش	211
38	قہقہوں کا سوداگر	سید رحمت علی	215
39	موحبتی حسین	نعیم زبیری	218
40	ایک تاثر	شمیم ثریا	221
41	بہ حیثیت عہدہ دار	جےپال نانگیا	223
42	قہقہوں کا سوداگر	شمیم نصرتی	227
43	خاکہ نگار کا خاکہ	ایم اے وحید	231
44	ہمہ خاندان آفتاب است	احمد سلطان	235
45	برسات میں دھوپ	علی باقر	240
46	میرا دوست	نقی تنویر	248
47	دوسرا مجتبی	ڈاکٹر یوسف علی خاں	253
48	میرا دوست	وقار لطیف	256
49	مجتبی حسین	وہاب عندلیب	259
50	گردشوں کا آدمی	قدیر زماں	262
51	سچے لمحوں کا سچا انسان	سخی حسن جاوید صدیقی	265
سو ہے یہ بھی آدمی (مباحثہ)
52	مجتبی حسین سے گفتگو (زبیر رضوی، مخمور سعیدی، کمار پاشی)	مرتب: حامد اکمل	277
الغرض (انتخاب)
53	ابتدائی مزاحیہ تحریر (روزنامہ 'سیاست')	(روزنامہ سیاست)	303
54	علامہ نارسا کی وفات ۔۔۔ (تکلف برطرف)	(تکلف برطرف)	306
55	ریل منتری مسافر بن گئے (قصہ مختصر)	(قصہ مختصر)	310
56	قصہ ڈاڑھ کے درد کا	(بہرحال)	317
57	ابھینیتا - نیتا بن گئے	(الغرض)	323
58	بےمکانی ۔۔۔	(الغرض)	328
59	حیدرآباد کا جو ذکر کیا	(الغرض)	332
60	سلیمان اریب	(قصہ مختصر)	338
61	عمیق حنفی - آدمی در آدمی	(آدمی نامہ)	347
62	کنور مہندر سنگھ بیدی سحر	(سو ہے وہ بھی آدمی)	353
63	پروفیسر آل احمد سرور	(سو ہے وہ بھی آدمی)	360
64	کنہیا لال کپور - لمبا آدمی	(آدمی نامہ)	364
65	یونیسکو کی چھتری	(جاپان چلو)	369
66	خموشی گفتگو ہے	(جاپان چلو)	375
67	لندن میں دفن کرنے کی ۔۔۔	(سفرنامۂ یورپ)	380
68	دنیا کے غفورو ۔۔۔	(سفرنامہ سوویٹ یونین)	384
69	مجتبیٰ حسین کے نام خطوط	سخی حسن جاوید صدیقی	395
بہرحال (بیگم و صاحبزادی کے تاثرات)
70	بیگم مجتبی - ناصرہ رئیس سے ملاقات	شبیع احمد	271
71	میرے ابا	راشدہ صمدانی	273
سو ہے یہ بھی مجتبی (منظومات)
72	مجتبیٰ حسین	رضا نقوی واہی	186
73	مجتبیٰ حسین	سمیع جلیل	198
74	مجتبیٰ حسین	رؤف رحیم	187
75	مجتبیٰ حسین	سرور مرزائی	276
76	مجتبیٰ حسین	محبوب مانبھومی	302
77	مجتبیٰ حسین	رحمن جامی	461
78	مجتبیٰ حسین	بوگس حیدرآبادی	461
79	مجتبیٰ حسین	سراج نرملی	461
بالآخر (اداریہ)
80	بالآخر (اداریہ)	ڈاکٹر مصطفی کمال	462

Shugoofa magazine Hyderabad, Mujtaba Hussain special issue: November 1987, pdf download.