کچھ دیکھے کچھ سنے - شخصی خاکے از نند کشور وکرم - پی۔ڈی۔ایف ڈاؤن لوڈ

28/اگست تعارف کتاب ٹی۔این۔بی

اردو کے ممتاز اور سینئر ادیب و صحافی نند کشور وِکرم کا کچھ دن قبل انتقال ہوا ہے۔ ان کی تصانیف میں شاعر، ادیب و مشاہیر کے خاکوں پر مبنی ایک کتاب "کچھ دیکھے کچھ سنے" بھی شامل ہے جو 2013 میں شائع ہوئی تھی۔ احمد ندیم قاسمی، حبیب جالب، محمد طفیل، منیر نیازی، شورش کاشمیری، اسرار الحق مجاز کے علاوہ ۔۔۔ قرۃ العین حیدر، سردار جعفری، جگن ناتھ آزاد، گوپی چند نارنگ، صابر دت، دلیپ سنگھ، دیویندر اسر، دیویندر ستیارتھی، شباب للت کے ساتھ ساتھ نند کشور وکرم نے اس کتاب میں خود اپنی شخصیت پر تحریر کردہ اپنا خاکہ بھی پیش کیا ہے۔
تعمیرنیوز کے ذریعے پی۔ڈی۔ایف فائل کی شکل میں یہ دلچسپ اور یادگار کتاب پیش خدمت ہے۔ تقریباً ڈھائی سو صفحات کی اس پی۔ڈی۔ایف فائل کا حجم صرف 8.5 میگابائٹس ہے۔
کتاب کا ڈاؤن لوڈ لنک نیچے درج ہے۔

اپنے خود کے خاکے "بقلم خود" میں نند کشور وکرم لکھتے ہیں ۔۔۔

ہم لوگ موہیال بر ہمن ہیں جو سات ذاتوں دت، بالی، چھبر، موہن، وید، بھمبوال اور لو پر مشتمل ہیں اور تقسیم ملک سے پیشتر ہم لوگ زیادہ تر اپنی برہمن برادری میں ہی شادی کیا کرتے تھے لیکن اب آزادی کے بعد جو سماجی تبدیلیاں آئیں اس کے پیش نظر اب یہ رواج بندریج ختم ہوتا جا رہا ہے اور ذات برادری سے باہر شادیاں عام ہوتی جا رہی ہیں۔
ہمارا خاندان موہالوں کی اول الذکر ذات "دت" سے تعلق رکھتا ہے جنہیں عام طور پر "حسینی برہمن" کہا جاتا ہے اور جن کے بارے میں روایت ہے کہ انہوں نے جنگ کربلا میں حضرت حسین کا ساتھ دیا تھا اور ان کا سر یزید کی فوج سے واپس لائے تھے۔ معلوم نہیں اس میں کتنی صداقت ہے لیکن ہم لوگوں کو اس بات پر ہمیشہ بڑا فخر بھی رہا ہے۔
ہمارے "دت" خاندان کو بھی دیگر ذات برادریوں کی طرح اپنی خاندانی روایات پر بڑا ناز رہا ہے اور وہ ڈینگیں مارنے میں اپنا جواب نہیں رکھتے۔ ان کا کہنا ہے کہ دت ہندی لفظ "داتا" سے بنا ہے جو سنسکرت کے لفظ آدتیہ کی بگڑی ہوئی شکل ہے۔ جس کے معنی میں آدتی نامی دیوتا کا بیٹا اور کرۂ شمسی۔ ان کے عقیدہ کے مطابق وہ مہابھارت کے نامور سپہ سالار درون آچاریہ کی اولاد سے ہیں اور ان کی اولاد میں سے کئی حضرات نے عرب ، افغانستان اور کشمیر پر حکمرانی کی تھی۔
اس طرح کے واقعات کا تذکرہ ممتاز و نامور مورخ حافظ محمود شیرانی نے اپنی معروف تحقیقی کتاب "پنجاب میں اردو" میں شاعر 'نامدار خان دت' کے سوانحی کوائف میں بھی ادیب و صحافی گوری شنکر ساگر کی تصنیف "گلشن موہیالی" بطور حوالہ کیا ہے کہ:
"۔۔۔ دت سلطان، آدھے ہندو، آدھے مسلمان"
حافظ محمود شیرانی سے پیشتر 1911 میں ایک انگریز تارخ داں پی۔ٹی۔رسل سٹریسی [P.T. Russel] نے بھی اپنی تصنیف "دی ہسٹری آف دی موہیالز" [History of the Mohyals] میں بھی اس طرح کے واقعات کا ذکر کیا ہے۔

یہ بھی پڑھیے:
اردو کے ممتاز ادیب و صحافی نند کشور وکرم کا انتقال

***
نام کتاب: کچھ دیکھے کچھ سنے
مصنف: نند کشور وکرم
تعداد صفحات: 257
پی۔ڈی۔ایف فائل حجم: تقریباً 8.5 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Kuch Dekhe Kuch Sune Nand Kishore Vikram.pdf

Archive.org Download link:

GoogleDrive Download link:

فہرست مضامین
نمبر شمار	شخصیت	خاکہ عنوان	صفحہ نمبر
1	احمد ندیم قاسمی	ایک ہشت پہلو شخصیت	11
2	جگن ناتھ آزاد	شاعر اور ماہر اقبالیات	21
3	جمناداس اختر	ہمہ جہت شخصیت	29
4	حبیب جالب	عوام کا محبوب شاعر	43
5	استاد دامن	پنجاب کا البیلا شاعر	53
6	دلیپ سنگھ	اپنی تحریروں کے آئینے میں	59
7	دیویندر اسر	ایک دانشور کی موت	67
8	دیویندر ستیارتھی	ایک قلندر ۔۔۔ ایک ملنگ	87
9	ساحر ہوشیارپوری	ساحر ہوشیارپوری	99
10	سردار جعفری	ایک مطالعہ	107
11	شباب للت	ایک شاعر ایک محقق	119
12	شرر فتح پوری	ہریانہ کا ترقی پسند شاعر	129
13	شورش کاشمیری	بےباک اور باضمیر شاعر	139
14	صابر دت	چند تاثرات	149
15	عینی آپا (قرۃ العین حیدر)	چند ذاتی تاثرات	157
16	کیلاش ماہر	ایک بھولا بسرا شاعر	169
17	گوپی چند نارنگ	اردو کی بین الاقوامی شخصیت	179
18	اسرار الحق مجاز	مجاز کی موت یا خودکشی	187
19	محمد طفیل	ایک مطالعہ	199
20	منیر نیازی	منیر نیازی اور ان کی شاعری کا ایک سرسری جائزہ	209
21	نارنگ ساقی ، کرشن لال	ادب دوست اور ادب نواز	217
22	ہنس راج رہبر	رہبر بےنقاب	223
23	نند کشور وکرم	بقلم خود	237

Kuch Dekhe Kuch Sune, Khaake by: Nand Kishore Vikram, pdf download.