تعمیرنیوز کے ذریعے پی۔ڈی۔ایف فائل کی شکل میں پیش خدمت ہے۔ تقریباً تین سو صفحات کی اس پی۔ڈی۔ایف فائل کا حجم صرف 13 میگابائٹس ہے۔
کتاب کا ڈاؤن لوڈ لنک نیچے درج ہے۔
مخدوم محی الدین حیات اور کارنامے - شاذ تمکنت مرحوم کے اس پی۔ایچ۔ڈی کا مقالے کے دیباچہ میں پروفیسر مغنی تبسم لکھتے ہیں:شاذ تمکنت نے سوانحی حصے کے لیے بڑی تلاش و جستجو سے مواد فراہم کیا ہے۔ مخدوم کے فرزند نصرت محی الدین کے علاوہ ان کے تمام عزیز و اقارب اور دوستوں سے معلومات فراہم کیں۔ خاندانی دستاویزات اور تاریخی خطوط تک رسائی حاصل کی۔
۔۔۔ شاذ تمکنت نے مخدوم کی حیات اور شخصیت کا جائزہ لیتے ہوئے ہر جگہ بڑی حقیقت پسندی اور معروضیت سے کام کیا ہے۔ مخدوم کی ذات سے انہیں جو محبت اور عقیدت تھی اس کا تقاضا تھا کہ وہ انہیں ہیرو بنا کر پیش کرتے لیکن ان کے اندر چھپے ہوئے ذمہ دار محقق اور نقاد نے ہر جگہ ان کے اشہبِ قلم کی باگ تھامے رکھی۔ اس حزم و احتیاط کے باوجود حیات اور شخصیت کا حصہ محض واقعات کی کتھلاؤنی بن کر نہیں رہ گیا ہے۔ اس میں شاذ تمکنت کے اسلوبِ نگارش نے ایسی روح پھونک دی ہے کہ ان اوراق کا مطالعہ کرتے ہوئے ہم مخدوم کے سفرِ حیات میں ان کے ہم قدم رہ کر ان کے شب و روز کے شاہدِ عینی بن جاتے ہیں۔
۔۔۔ مخدوم پر مقالہ لکھتے ہوئے انہیں اپنی صلاحیتوں کو بروئے کار لانے کا موقع ملا۔ جہاں تک بعض شعری محرکات کا تعلق ہے انہوں نے مخدوم کے سیاسی تصورات اور اس دور کے سیاسی حالات، سماجی ماحول اور ادبی رجحانات کو پیش نظر رکھا ہے۔
مجموعی طور پر مخدوم کی شاعری کی تحسین اور محاکمے میں انہوں نے ادبی معیارات کو اولیت دی ہے۔ پیش رو اور ہم عصر شعرا کے کلام سے مخدوم کی شاعری کا موازنہ کر کے مخدوم کے اسلوب کی انفرادی خصوصیات کو اجاگر کیا ہے۔ خوبیوں کو سراہنے کے ساتھ خامیوں کی نشاندہی بھی کی ہے۔ اسی ضمن میں انہوں نے فنی ارتقا کا بطریقِ احسن جائزہ لیا ہے۔ غرض باضابطہ نقاد نہ ہوتے ہوئے بھی شاذ تمکنت نے اپنے ذوقِ صحیح کی رہنمائی میں انتقاد کا حق ادا کرنے کی کوشش کی ہے اور بڑی حد تک کامیاب رہے۔
مقالے کے آخری حصے میں انہوں نے مخدوم کی نثرنگاری کا بھرپور تعارف کروایا ہے۔ یہ کتاب مخدوم کی حیات اور کارناموں کی مستند دستاویز ہونے کے علاوہ خود شاذ تمکنت کا ایسا ادبی کارنامہ ہے جو انہیں ایک ذی مرتبت شاعر ہونے کے ساتھ ساتھ ایک اچھے نثرنگار اور نقاد کی حیثیت سے ادبی دنیا میں ان کا نام روشن رکھے گا۔
***
نام کتاب: مخدوم محی الدین - حیات اور کارنامے
مصنف: شاذ تمکنت
تعداد صفحات: 304
پی۔ڈی۔ایف فائل حجم: تقریباً 13 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Makhdoom Mohiuddin Biography.pdf
| مخدوم محی الدین - حیات اور کارنامے :: فہرست | ||
|---|---|---|
| نمبر شمار | عنوان | صفحہ نمبر |
| 2 | دیباچہ از: پروفیسر مغنی تبسم | 5 |
| 3 | سلسلۂ دشتِ تمنا - (مصنف) شاذ تمکنت مرحوم کی حیات کا خاکہ | 8 |
| 4 | پیش لفظ از: ڈاکٹر شاذ تمکنت | 13 |
| 5 | پہلا باب : حیات اور شخصیت | 16 |
| 6 | دوسرا باب : رومانی شاعری | 81 |
| 7 | تیسرا باب : انقلابی شاعری | 127 |
| 8 | چوتھا باب : شخصیاتی اور تاثراتی نظمیں | 167 |
| 9 | پانچواں باب : غزل | 191 |
| 10 | چھٹا باب : کلام منسوخ | 237 |
| 11 | ساتواں باب : نثرنگاری | 274 |
Makhdoom Mohiuddin Biography, by Shaz Tamkanat, pdf download.
کوئی تبصرے نہیں:
ایک تبصرہ شائع کریں