224 صفحات کی اس پی۔ڈی۔ایف فائل کا حجم تقریباً 13 میگابائٹس ہے۔
رسالہ کا ڈاؤن لوڈ لنک نیچے درج ہے۔
شاہد احمد دہلوی 22/ مئی، 1906ء کو دہلی (غیرمنقسم ہندوستان) میں پیدا ہوئے تھے۔ ان کا تعلق اردو کے ایک اہم ادبی و علمی خانوادے سے تھا۔ وہ ڈپٹی نذیر احمد کے پوتے اور مولوی بشیر الدین احمد کے فرزند تھے۔ جنوری 1930ء میں انہوں نے دہلی سے اردو کا ایک باوقار جریدہ "ساقی" جاری کیا۔ 1936ء میں وہ ادب کی ترقی پسند تحریک میں شامل ہوئے اور اس کی دہلی شاخ کے سیکریٹری بن گئے۔
تقسیم ہند کے بعد شاہد احمد دہلوی کراچی منتقل ہوئے اور وہیں سے انہوں نے 'ساقی' کا دوبارہ اجرا کیا جس کا سلسلہ ان کی وفات (27/ مئی 1967) تک جاری رہا۔
"ساقی" کے اس افسانہ نمبر کے اداریہ بعنوان 'نگاہِ اولیں' کے تحت مدیر شاہد احمد دہلوی کے بجائے انصار ناصری لکھتے ہیں:یہ خبر رنج و افسوس کے ساتھ سنی جائے گی کہ ایڈیٹر ساقی کی مجموعۂ اوصاف رفیقۂ حیات 13/برس کی طویل علالت کے بعد 24/جون 1938 کو صبح دم اللہ کو پیاری ہوئیں۔
17 برس کے گہرے رابطۂ خلوص و محبت کے بعد دکھ درد کے ایسے مونس دلسوز اور عیش و مسرت کے ایسے پیارے ساتھی سے یوں اچانک چھٹ جانے پر بھائی شاہد احمد صاحب کے دل و دماغ کی کیا حالت ہوگی، آہ۔
پیش نظر افسانہ نمبر جن پریشانیوں اور بےاوسانیوں کے درمیان مرتب ہوا اس کا ذکر فضول ہے۔ اس میں کلام نہیں کہ ایسے حالات میں جبکہ فراغت و فرصت تو کجا پل بھر کے لیے جمعیت خاطر بھی نصیب نہ ہو، اس شان کے بیش بہا مجموعہ کی ترتیب و تزئین کچھ بھائی شاہد احمد صاحب ہی کا کام تھا اور یہی امر ثبوت ہے ان کی اعلیٰ درجہ کی علم پروری اور وسعتِ ذوق کا۔
چشم بددور 'ساقی' نے جس روشِ خاص سے پاکیزہ ادب کی اشاعت کا اہتمام کیا اور لائقِ رشک روایات قائم کیں وہ اسی کا حصہ ہیں۔ عرصہ سے ادبی دنیا میں ساقی کے خاص نمبروں کی دھوم ہے۔ پیش نظر افسانہ نمبر بھی ان تمام مختص روایات کا حامل ہے اور باوصف بےسر و سامانی کسی گذشتہ خاص نمبر سے کم نہیں بلکہ ایک حد تک فائق ہے کہ اس مرتبہ قریب قریب تمام مضامین اعلیٰ درجے کے ہیں سوائے میرے مضمون کے!
ان تمام اہل قلم حضرات کی خدمت میں اظہار تشکر ضروری ہے جن کے بیش بہا رشحاتِ قلم اس افسانہ نمبر کی زیب و زینت کا باعث بنے۔ ساقی کو ان کی سرگرم معاونت پر ہمیشہ بھروسہ رہے گا۔
***
نام رسالہ: ساقی ، دہلی ، افسانہ نمبر 1938
تعداد صفحات: 224
پی۔ڈی۔ایف فائل حجم: تقریباً 13 میگابائٹس
ڈاؤن لوڈ تفصیلات کا صفحہ: (بشکریہ: archive.org)
Saqi July 1938 Afsana Number.pdf
ماہنامہ "ساقی" - افسانہ نمبر 1938 :: فہرست مضامین | |||
---|---|---|---|
نمبر شمار | مضمون | مصنف | صفحہ نمبر |
1 | نگاہِ اولیں | انصار ناصری | 4 |
2 | تائمن | مولانا عنایت اللہ دہلوی | 5 |
3 | چڑے چڑیا کی کہانی | خواجہ حسن نظامی | 59 |
4 | خودی خدائے خودی کے حضور میں | امین حزیں | 62 |
5 | درسِ نیاز | گنگادھر ناتھ فرحت کانپوری | 64 |
6 | میں اور میرا ضمیر | لطیف الدین احمد اکبرآبادی | 65 |
7 | شوقِ ناتمام | ایم۔ اسلم | 72 |
8 | ظالم محبت | حجاب امتیاز علی | 84 |
9 | زن | مرزا عظیم بیگ چغتائی | 89 |
10 | گرلز کالج کی لاری | جاں نثار حسین اختر | 102 |
11 | فریب | تابش دہلوی | 104 |
12 | طبیب | انصار ناصری | 105 |
13 | صداقت | قیسی رامپوری | 117 |
14 | ارباب نشاط | اسرار الحق مجاز | 119 |
15 | کھلونے | صادق الخیری | 121 |
16 | اندھی دنیا | اختر انصاری | 125 |
17 | شرارتوں کی ناقدری | پروفیسر محمد مسلم | 129 |
18 | میاں کی مرضی | ممتاز مفتی | 135 |
19 | عورت کا انتقام | الطاف مشہدی | 143 |
20 | ناگن | خواجہ احمد عباس | 145 |
21 | تو اور میں | علی احمد جلیلی | 152 |
22 | نواب گلدم | اشرف صبوحی | 153 |
23 | زھری | محمد محسن عظیم آبادی | 159 |
24 | ایک طالب علم کی سرگزشت | محسن اعظم گڑھی | 165 |
25 | پیامبر | بلونت سنگھ | 166 |
26 | بھوت | غلام عباس | 172 |
27 | سلمیٰ کا گیت | اجمل نجیب آبادی | 177 |
28 | حدیث عشق | تسنیم جہانگیر نگری | 178 |
29 | حیات دوام کی قیمت | سید علی منظور حیدرآبادی | 183 |
30 | خواب و خیال | کوکب شاہجہاں پوری | 184 |
31 | دیار شفق | پروفیسر احمد علی | 185 |
32 | کرسمس کی ایک شام | طاہر قریشی | 189 |
33 | ملاحظہ ہو | آوارہ | 193 |
34 | جنگل کا پھول | بہزاد لکھنوی | 200 |
35 | اس وقت مجھے کیا ہوتا ہے | دلفگار | 203 |
36 | الٹا منتر | صالحہ عابد حسین | 204 |
37 | چھوٹے نواب اور میں | سید علی شاکر | 209 |
38 | نرگس | عرش تیموری | 222 |
Saqi, Afsana Number 1938, pdf download.
بہترین کاوش ۔۔ معیاری افسانے
جواب دیںحذف کریں