حکومت تلنگانہ محکمہ اقلیتی بہبود اور اردو اکیڈیمی کا مخدوم اور کارنامہ حیات ایوارڈ

hyderabad old city news - حیدرآباد پرانے شہر کی خبریں
2015-dec-15

14/دسمبر

منصف نیوز بیورو
ڈپٹی چیف منسٹر محمود علی نے کہا کہ آئندہ تعلیمی سال سے تمام خانگی مدارس جن میں لٹل فلاور اور دیگر تعلیمی ادارے شامل ہیں، اردو زبان کی تعلیم کا انتظام کیاجائے گا۔ جو طلبہ خانگی مدارس میں زیرتعلیم ہیں انہیں بھی اردو زبان کی تعلیم دی جائے گی۔ وزیراعلیٰ کے چندر شیکھر راؤ نے اس سلسلہ میں تمام خانگی مدارس میں اردو مادری زبان کے حامل طلبہ کو اردو میں تعلیم فراہم کرنے کے لئے خانگی مدارس کے انتظامیہ کو اقدامات پر مبنی احکام جاری کریں گے ۔
محمد محمود علی آج رویندرا بھارتی میں حکومت تلنگانہ محکمہ اقلیتی بہبود اور تلنگانہ اسٹیٹ اردو اکیڈیمی کی جانب سے منعقد کردہ تقسیم مخدوم ایوارڈ اور کارنامہ حیات ایوارڈز کی تقریب کو مخاطب کر رہے تھے ۔ یہ مخدوم ایوارڈس برائے سال2010ء تا2014ء اور کارنامہ حیات ایوارڈ برائے سال2012ء اور2013ء کے لئے عطا کئے گئے ۔

وزیر داخلہ این نرسمہا ریڈی جنہوں نے السلام علیکم کہہ کر اپنی تقریر کا آغاز کیا۔ انہوں نے کہا کہ علاقہ تلنگانہ میں تلگو کے بعد اردو مقبول زبان ہے۔ اردو زبان ایک جاندار زبان ہے، اردو داں حسن خوبی سے اس زبان میں محبت اور غصے کا اظہار کرتے ہیں ۔ انہوں نے کہا کہ وزیراعلیٰ کے چندر شیکھر راؤ ایک سیکولر قائد ہیں، وہ اردو زبان بڑی روانی سے بولتے ہیں اور وہ اس زبان کے فروغ کے لئے سنجیدہ بھی ہیں ۔ متحدہ آندھرا کے حکمرانوں نے علیحدہ تلنگانہ ریاست قائم ہونے پر تلنگانہ اور شہر حیدرآباد میں فرقہ وارانہ فسادات ہونے کا جھوٹا پروپیگنڈہ کرکے عوام کو ہمیشہ خوف زدہ کر رکھا تھا ۔ تلنگانہ حکومت قائم ہوکر گزشتہ پندرہ ماہ کے دوران بقرعید، رمضان کی عید، گنیش وسرجن، بتکماں و دیگر تہوار پر امن گزر گئے ۔ ہندوؤں اور مسلمانوں نے آپس میں بھائی چارہ قائم کرکے یہاں کی گنگا جمنا تہذیب کو برقرار رکھا ۔

بعد ازاں ڈپٹی چیف منسٹر محمد محمود علی اور وزیر داخلہ این نرسمہا ریڈی نے مخدوم ایوارڈ اور کارنامہ حیات ایوارڈس تقسیم کئے۔ سال 2010ء کے لئے مخدوم ایوارڈ شاعری میں راشد آذر کو عطا کیا گیا ۔
سال2011ء کے لئے مخدوم ایوارڈ اردو فکشن میں پدم شری ڈاکٹر جیلانی بانو کو عطا کیا گیا۔
سال2012ء کے لئے مخدوم ایوارڈ تحقیق و تنقید میں ڈاکٹر سید داؤد اشرف کو عطا کیاگیا۔
سال2013ء کے لئے مخدوم ایوارڈ اردو صحافت میں سینئر صحافی اعجاز قریشی کو عطا کیا گیا۔
سال2014ء کے لئے مخدوم ایوارڈ طنز ومزاح کے لئے ڈاکٹر سید مصطفی کمال کو عطا کیا گیا۔

اس کے علاوہ کارنامہ حیات ایوارڈ برائے سال 2012-13 کے لئے بھی عطا کئے گئے۔
محمد جلال الدین عارف کو سال2012ء کے لئے شاعری میں( امجد حیدرآبادی) ایوارڈ عطا کیاگیا ۔ سید رؤف خلش کو سال2012ء کے لئے شاعری میں ( سعید شہیدی ایوارڈ) عطا کیا گیا۔
ڈاکٹر اختر سلطانہ کو فنکشن میں (آغا حیدر حسن ایوراڈ) عطا کیا گیا ، ڈاکٹر راحت سلطانہ کو تنقید و تحقیق میں(ڈاکٹر محی الدین قادر زور ایوارڈ) عطا کیا گیا۔
ڈاکٹر فریدہ خاتون کو تعلیم وک تدریس میں ، (پروفیسر حبیب الرحمن ایوارڈ) عطا کیا گیا، عثمان ریشد کو صحافت میں ( محبوب حسین جگر ایوارڈ) عطا کیا گیا، سید رکن الدین کو فروغ اردو کے لئے (سری نیوا س لاہوٹی ایوارڈ) عطا کیا گیا۔

مسعود حسن جعفری کو سال2013ء کے لئے شاعری میں (امجد حیدر آبادی)، جمیل نظام آبادی کو شاعری میں(سعید شہید ایوارڈ) عطا کیا گیا۔
محمود حامد کو فکشن میں (آغا حیدر حسین ایوارڈ) عطا کیا گیا ۔ ڈاکٹر حبیب نثار کو تنقید و تحقیق میں( ڈاکٹر محی الدین قادری زور ایوارڈ) عطا کیا گیا۔
سید اصغر حسین کو تعلیم و تدریس میں (پروفیسر حبیب الرحمن ایوارڈ) عطا کیا گیا ۔ کلیم الرحمن کو صحافت میں محبوب حسین جگر ایوارڈ عطا کیا گیا ۔ ایم اے رحیم کو فروغ اردو کے لئے سری نیواس لاہوٹی ایوارڈ عطا کیا گیا۔

اس موقع پر رکن قانون ساز کونسل محمد سلیم نے خطاب کیا ۔ ڈائرکٹر سکریٹری تلنگانہ اسٹیٹ اردو اکیڈیمی پروفیسر شکور نے خطبہ استقبالیہ پڑھا۔ ڈائرکٹر اقلیتی بہبود حکومت تلنگانہ محمد جلال الدین اکبر، سکریٹری اقلیتی بہبود حکومت تلنگانہ سید عمر جلیل و دیگر نے مخاطب کیا۔ ایوارڈ تقسیم کے اختتام پر شام غزل پروگرام کا انعقاد کیا گیا ۔ گلوکارہ اندرا نائک گلوکار محمد وکیل نے پروگرام پیش کیا۔

ایوارڈ فہرست

سال	نام (ایوارڈ یافتگان)	صنف	ایوارڈ	ایوارڈ بہ موسوم	شہر (ایوارڈ یافتگان)	ریاست (ایوارڈ یافتگان)
2010	راشد آزر	شاعری	مخدوم ایوارڈ	مخدوم محی الدین	حیدرآباد	تلنگانہ
2011	جیلانی بانو	فکشن	مخدوم ایوارڈ	مخدوم محی الدین	حیدرآباد	تلنگانہ
2012	سید داؤد اشرف	تحقیق و تنقید	مخدوم ایوارڈ	مخدوم محی الدین	حیدرآباد	تلنگانہ
2013	اعجاز قریشی	صحافت	مخدوم ایوارڈ	مخدوم محی الدین	حیدرآباد	تلنگانہ
2014	ڈاکٹر سید مصطفیٰ کمال	طنز و مزاح	مخدوم ایوارڈ	مخدوم محی الدین	حیدرآباد	تلنگانہ
-	-	-	-	-	-	-
2012	رؤف خلش	شاعری	کارنامۂ حیات	سعید شہیدی	حیدرآباد	تلنگانہ
2012	جلال الدین عارف	شاعری	کارنامۂ حیات	امجد حیدرآبادی	حیدرآباد	تلنگانہ
2012	اختر سلطانہ	فکشن	کارنامۂ حیات	آغا حیدر حسین	*	تلنگانہ
2012	ڈاکٹر حبیب نثار	تعلیم و تدریس	کارنامۂ حیات	حبیب الرحمٰن	حیدرآباد	تلنگانہ
2012	عثمان رشید	صحافت	کارنامۂ حیات	محبوب حسین جگر	حیدرآباد	تلنگانہ
2012	محمد رکن الدین	فروغ اردو	کارنامۂ حیات	سرینواس لاہوٹی	حیدرآباد	تلنگانہ
2012	فریدہ خاتون	تنقید و تحقیق	کارنامۂ حیات	ڈاکٹر محی الدین قادری زور	*	تلنگانہ
-	-	-	-	-	-	-
2013	جمیل نظام آبادی	شاعری	کارنامۂ حیات	سعید شہیدی	نظام آباد	تلنگانہ
2013	مسعود جعفری	شاعری	کارنامۂ حیات	امجد حیدرآبادی	*	تلنگانہ
2013	محمود حامد	فکشن	کارنامۂ حیات	آغا حیدر حسین	*	تلنگانہ
2013	سید اصغر حسین	تعلیم و تدریس	کارنامۂ حیات	حبیب الرحمٰن	*	تلنگانہ
2013	کلیم الرحمٰن	صحافت	کارنامۂ حیات	محبوب حسین جگر	*	تلنگانہ
2013	ایم اے رحیم	فروغ اردو	کارنامۂ حیات	سرینواس لاہوٹی	حیدرآباد	تلنگانہ
2013	ڈاکٹر راحت سلطانہ	تنقید و تحقیق	کارنامۂ حیات	ڈاکٹر محی الدین قادری زور	حیدرآباد	تلنگانہ

Hyderabad news, old city news, hyderabad deccan old city news, news of old city