یو این آئی
تلنگانہ کے چیف منسٹر کے چندر شیکھر راؤ نے آج ضلع عادل آباد کے جئے پور منڈل کے پیگڑا پلی موضع میں600میگا واٹ کی گنجائش کے حامل سنگارینی تھرمل پاور پلانٹ کے تیسرے یونٹ کا سنگ بنیاد رکھا ۔ یہ برقی پیداواری یونٹ3,700کروڑ روپے کی لاگت سے تعمیر کیاجائے گا جو تین سال میں مکمل ہوکر بجلی کی پیداواری شروع کردے گا ۔ کے چندر شیکھر راؤ نے اس موقع پر ایک تصویری نمائش کا بھی مشاہدہ کیا جو سنگارینی کمپنی کی تاریخ پر مشتمل ہے۔ اس موقع پر سنگ بنیاد تقریب میں تلنگانہ وزراء جگدیشور ریڈی ارو اندرا کرن ریدی کے علاوہ دیگر موجود تھے ۔ چیف منسٹر نے کل رات اپنے دورہ ضلع کریم نگر کے موقع پر ایک جلسہ عام سے خطاب کرتے ہوئے کہا تھا کہ تلنگانہ میں2018تک23ہزار میگاواٹ برقی پیدا کی جاسکے گی ۔ اس طرح اپنی ریاست ایک ایسی ریاست بن جائے گی جو فاضل برقی کی حامل ہوگی اور ہم پڑوسی ریاستوں کو بجلی فروخت کرسکیں گے ۔ انہوں نے بتایا کہ ضلع عادل آباد کے جئے پور میں1200میگا واٹ کا سنگارینی تھرمل پاور اسٹیشن جاریہ سال نومبر سے برقی پیداوار کا آغاز کردے گا ۔ چیف منسٹر کے چندر شیکھر راؤ نے سنگارینی تھرمل پاور اسٹیشن کے فی کس600میگاوات کے گنجائش کے حامل زیر تعمیر 2برقی پیداواری یونٹوں کے قریب ہی آج تیسرے یونٹ کا سنگ بنیاد رکھا ۔ تیسرا یونٹ بھی600میگاواٹ کی گنجائش کا حامل ہوگا ۔ کے چندر شیکھر راؤ ، ضلع کے دو وزراء اے اندرا کرن ریڈی اور جوگورمنا کے ہمراہ ذریعہ ہیلی کاپٹرا یک گھنٹہ تاخیر سے وہاں پہنچے ۔ سنگ بنیاد تقریب کے بعد وہ سنگارینی کمپنی کے گیسٹ ہاؤس روانہ ہوگئے جہاں انہوں نے اعلیٰ سرکاری عہدیداروں کے ہمراہ ایک اجلاس منعقد کیا۔
Telangana will Become Power Surplus by 2018, Assures KCR
کوئی تبصرے نہیں:
ایک تبصرہ شائع کریں