تعارف خودنوشت - ہوا کے دوش پر - ڈاکٹر فیروز عالم

20/مارچ تعارف کتاب راشد اشرف

کل شام‌ ڈھلے یہ خودنوشت طباعت کے بعد راقم کی قیام گاہ پر پہنچی۔ سید معراج جامی‌ صاحب شہر کراچی کے مسائل سے نبرد آزما ہوتے ہوتے، ہڑتال اور امن و امان کی خراب صورت حال کے باوجود اپنا وعدہ نبھاتے ہوئے "ہوا کے دوش" ہی پر ہمارے پاس پہنچے۔

سب سے پہلے سب سے اچھی اور طمانیت بخش بات۔ اور وہ یہ کہ 472 صفحات پر مشتمل اس خودنوشت کی قیمیت صرف اورف 300 روپے ہے۔ ویلکم بک پورٹ اور فضلی سنز پر کتاب آج صبح پہنچا دی گئی ہے جہاں سے اسے مناسب رعایت کے بعد حآصل کیا جاسکتا ہے۔

ڈاکٹر فیروز عالم ہمارے کرم فرما ہیں، بنیادی تعلق جودھ پور سے، تقسیم کے بعد میر پور خاص میں پڑاؤ، طب کی تعلیم کراچی میں، اور گزشتہ کئی عشروں‌ سے امریکا میں قیام پذیر ہیں۔ جہاں آپ ایک نامور ماہر امراض گردہ کی حیثیت سے جانے جاتے ہیں۔

ذیل میں کتاب میں شامل راقم الحروف کا تعارفی مضمون پیش خدمت ہے۔
راقم کی کوشش ہے کہ اس خودنوشت کے چند نسخے ہندوستان میں کھام گاؤں مہاراشٹر میں قیام پذیر برادرم محمد انیس الدین کے پاس پہنچا دیے جائیں اور ساتھ ہی ادارہ شب خون الہ آباد بھی بھیج دیے جائیں۔

- راشد اشرف ، کراچی سے۔

ہوا کے دوش پر

یہ ڈاکٹر فیروز عالم کی خودنوشت ہے۔ایک ایسے شخص کی داستان حیات جس نے اپنی زندگی میں کڑی محنت سے ایک اعلی ٰ مقام پایا۔ایک ایسی آپ بیتی جس کا حرف حرف ایک ایمان دار اور قابل قد ر انسان کی حیات کی غمازی کرتا ہے۔ اس خودنوشت میں آنسو بھی ہیں، قہقہے بھی، آگے بڑھنے کا حوصلہ بھی ہے اور اپنی غلطیوں سے سیکھنے کا سبق بھی۔ ڈاکٹر فیروز عالم کی زندگی میں آنے والی کامیابیاں ان کی والدہ مرحومہ کی دعاﺅں کا ثمر ہیں اور وہ اس پر نازاں ہیں۔ ان کا قاری بھی ان کی والدہ کے کردار سے متاثر ہوئے بغیر نہیں رہ سکتا۔ قیام پاکستان کے بعد جودھ پور سے آنے والے لٹے پٹے خاندانوں میں سے ایک خاندان سید ابن عباس صاحب کا بھی تھا ۔ یہ مصنف کے والد تھے۔ پڑاو ¿ میر پور خاص میں ڈالا ۔ جہاں آراءبیگم سے شادی ہوئی اور یوں ان دو سیدھے سادے اور اللہ پر بھروسہ رکھنے والے انسانوں نے زندگی کا آغاز کیا۔ زندگی جو اس دور میں کڑی محنت کی متقاضی تھی۔ آج کے دور کی آسائشوں کا ایک عام آدمی تصور بھی نہ کرسکتا تھا۔ لقمہ حلا ل خود بھی کھایا اور اپنے بچوں کو بھی کھلایا۔ اللہ تعالی نے اس کے صلے میں اولاد بھی ویسی ہی عطا کی، فرمانبردار ، تابعداراور ماں باپ کے سامنے اف تک نہ کرنے والی، ان کا ہاتھ بٹانے والی۔بڑے بیٹے نے تو دیگر اہل خانہ کے مستقبل کی خاطر اپنا مستقبل داو پر لگا دیا۔

ڈاکٹر فیروز عالم کی اس خود نوشت میں ہمیں جا بجا ایسے لوگوں کے تذکرے ملتے ہیں جنہوں نے انتہائی نامساعد حالات میں ان کا ہاتھ تھاما۔ شہر کراچی میںزندگی کے کارزار میں سخت جدوجہد کے دوران مدد کرنے والے فرشتہ صفت لوگوں اور عزیز اقارب کو وہ نہیں بھولے اور ان سبھوں کا ذکر انہوں نے اپنی خودنوشت میں نہ صرف محبت سے کیا ہے بلکہ ان کے درجات کی بلندی کے لیے دعاگو بھی رہے ہیں۔ ان میں فخرالدین خاں،فرخی خالہ، منظر بھائی جان، لانڈری کے مالک کے ضعیف والد اور ڈاکٹر محسن احمد جیسے پرخلوص لوگ شامل ہیں۔ یہ وہ لوگ ہیں جن کے بے مثال تعاون نے مصنف کو اس بے رحم معاشرے میں جینے کا حوصلہ میسر آیا۔ سچ تو یہ ہے کہ ایسے لوگوں کا دم غنیمت ہوتا ہے اور انہی کی وجہ سے ہمیں ڈھارس ملتی ہے اور بڑے
بوڑھوں کی وہ کہاوت سچ ہوتی نظر آتی ہے کہ یہ دنیا چند نیک انسانوں کی وجہ ہی سے قائم ہے۔

زیر نظر خودنوشت حالات و واقعات کا ایک بہتا دریا ہے۔ میر پور خاص سے امریکا تک کے سفر کی دلچسپ روداد ہے۔ راجستھان اور میر پور خاص کے قصے ہیں ، وہاں کی تہذیب کی ایک روشن جھلک ہے۔ طب کے شعبے سے وابستگی کے دوران پیش آنے والے یادگارواقعات ہیں ۔اس خودنوشت میں آگے بڑھنے اور نامساعد حالات کا مقابلہ کرنے کا عزم ہے۔ عزیز و اقارب کا دلچسپ احوال ہے اور کہیں کہیں یہ احوال پڑھنے والے کو اداس بھی کردیتا ہے۔ خاص کر مصنف کے فضل ماموں کے ساتھ پیش آنے والے الم ناک واقعے اور ان کی زندگی کے آخری لمحات کی منظر کشی کو پڑھ کر دل دکھ سے بھر جاتا ہے۔ یہ ایک ایسی داستان حیات ہے جس کو پڑھ کر یہ سبق ملتا ہے کہ انسان کی نیت صاف ہو تو اللہ تعالی بھی قدم قدم پر مدد کرتے ہیں، اپنے بندے کو تنہا نہیں چھوڑتے۔اسکول کے زمانے کے قصے، پہلی نوکری، پہلا عشق، امریکا میں دوران ملازمت پیش آنے والے واقعات ، غرضیکہ اس کتاب کے تمام ہی ابواب دلچسپ ہیں۔

'ہوا کے دوش پر' کو راقم نے حرف بحرف پڑھا ہے۔ شاید یہ اردو ادب کے ان جغادریوں کی وضع کردہ خودنوشت کی تعریف پر پورا نہ اترتی ہو مگر یہ کتاب ڈاکٹر سید عبداللہ کی آپ بیتی کے بارے میں اس رائے پر یقینا پورا اترتی ہے جس میں وہ کہتے ہیں کہ ' آپ بیتی کا سب سے بڑا وصف یہ ہے کہ وہ کسی بڑے دعوے کے بغیر بے تکلف اور سادہ احوال زندگی پر مشتمل ہو'۔

راقم الحروف کو ڈاکٹر فیروز عالم سے ملاقات کاشرف حاصل ہے۔ان سے مستقل رابطہ رہتا ہے۔ میں نے انہیں ایک انتہائی نفیس انسان پایا ہے۔ ان کی منکسرالمزاجی ان کا وصفِ خاص ہے۔ یہ وصف خدا کی دین بھی ہے او ر ان کے والدین کی تربیت کا نتیجہ بھی۔ اپنی عملی زندگی میں ڈاکٹر فیروز عالم کو جس کڑی جدوجہد کا سامنا رہا،اس آزمائش سے کندن بن کر نکلے ۔ وہ اپنے محسنوں کو کبھی نہیں بھولے جنہوں نے کڑے حالات میں ان کا ہاتھ تھاما تھا بلکہ یوں کہیے کہ انہوں نے اپنے ان محسنوں کی روایت کو آگے بڑھایا ہے اور اپنی زندگی میں اس قابل ہوئے کہ لوگوں کی دل کھول کر اس طور مدد کرسکیں کہ مبادا کوئی دوسرا 'فیروز عالم' ڈاکٹر بننے سے نہ رہ جائے۔

آئیے 'ہوا کے دوش پر' کا مطالعہ کرتے ہیں۔ایک ایسی خودنوشت کا جو ہمیں مصائب کے سامنے ثابت قدمی اور پامردی سے کھڑے رہنے کا سبق دیتی ہے۔

فلیپ : ڈاکٹر رینو بہل ، چندی گڑھ (انڈیا)

سائنس دماغ کی دنیا ہے اور ادب دل کی۔ دل اور دماغ کا سنگم جب ہوتا ہے تو کمال ہوتا ہے اور اگر دل و دماغ دو مختلف سمتوں میں چلتے چلتے مختلف فیلڈ [] میں اپنی شناخت قائم کریں تو وہ قابل تحسین ، قابل پذیرائی اور قابل ستائش کے مقام کو حاصل کر لیتا ہے۔ ڈاکٹر فیروز عالم نے یہ مقام حاصل کر لیا ہے۔
"ہوا کے دوش پر" ایک عام آدمی کی خاص داستان حیات ہے۔ انہوں نے میرپور خاص (پاکستان) سے کیلی فورنیا (امریکا) تک کے سفر کو بہت خوبصورتی ، سچائی ، ایمانداری اور دلچسپی سے اس انداز سے بیان کیا ہے کہ قاری کو اپنی گرفت میں جکڑے رکھتا ہے۔ ان کا یہ سفر آسان نہیں تھا مگر انہوں نے ہمت نہیں ہاری۔
کچھ اور بڑھ گئے ہیں اندھیرے تو کیا ہوا
مایوس تو نہیں ہیں طلوع سحر سے ہم
خودنوشت میں ڈاکٹر فیروز عالم کی شخصیت کھل کر سامنے آ جاتی ہے۔ زندگی میں اعلیٰ مقام حاصل کرنے کے بعد بھی وہ اپنی جڑوں سے جڑے ہوئے ہیں۔ وہ نہ تو زندگی میں پیش آئی دشواریوں ، لاچاریوں ، مجبوریوں کا بیان کرتے جھجھکتے ہیں اور نہ ہی وہ اپنے محسنوں کو فراموش کر پائے ہیں جن کی مدد کے باعث ان کی دشواریاں آسان ہو گئیں۔
خوشبوؤں اور تتلیوں سے محبت کرنے والا نوجوان جو انتہائی جمال پرست ، نفاست پسند تھا جسے شوق تو میر کا کلام پڑھنے کا تھا ، اس نے اپنے شوق کو بھاری من سے پیچھے سمیٹ کر اناٹومی کا مطالعہ شروع کر دیا۔ اپنی منزل حاصل کرنے کے بعد پھر سے اپنے ادھورے خوابوں کی اور رجوع کیا اور سائنس داں کے ساتھ ساتھ ادب ساز بھی بن گئے۔ خودنوشت دلچسپ تو ہے ہی ساتھ ہی نوجوان نسل کے لیے مشعل راہ بھی ہے۔ ڈاکٹر صاحب نے اپنی زندگی کے واقعات اس صداقت اور معصومیت سے بیان کیے ہیں کہ دل کو چھو جاتے ہیں۔
"میں نے میڈیکل کالج کی زیادہ تر پڑھائی مانگے کی کتابوں سے پڑھی"۔
جس مقام پر وہ ہیں اس بلندی سے اس حقیقت کا خودنوشت میں بیان کرنا جرات کی بات ہے اور ماں کی دعاؤں کا اعتراف کرنا ان کی شخصیت کی نئی پرتیں کھولتی ہے۔ وہ ایک قابل ڈاکٹر ہیں۔ ایک حساس ، درد مند انسان ہیں جس کا اندازہ ان کے افسانوں اور خودنوشت کو پڑھ کر بخوبی ہو جاتا ہے۔ سائنس داں اور ادب ساز یعنی دو مختلف خوبیوں کے مالک ڈاکٹر فیروز عالم کو میرا سلام۔
"ہوا کے دوش پر" کسی ناول سے کم دلچسپ نہیں۔ اسے پڑھیے اور بھرپور لطف اٹھائیے۔

ڈاکٹر رینو بہل
ایم۔اے ، پی ایچ ڈی (اردو)
چندی گڑھ (انڈیا)

فہرست مضامین

صفحہ نمبر	عنوان	صفحہ نمبر	عنوان
16	پیش لفظ	268	نیا ماحول نئے دوست
19	ایک صابر و شاکر انسان کی خود نوشت - سید معراج جامی	269	میری مشکلات اور ایک جذباتی قدم
22	ہوا کے دوش پر - راشد اشرف	271	ایک بےنام اندرونی ویرانی
25	ایک خاص آدمی کی داستان حیات - نوید سروش	272	پڑھائی میں ناکامی
32	کتاب زندگی	274	ایک خوشگوار شام
38	ابتدا	275	دوسرا سال
42	میری نانی 'بوا'	275	گرمیوں کی چھٹیاں
44	بڑی خالہ بی	276	میری بہن ، میری کزن اور میری دوست غزالہ
45	میرپور خاص سے ہمارا تعلق	278	واپسی
47	شادی	278	نجمہ شیخ کی میرے گھر آمد
51	کارڈ	280	دوسرا سال
52	سسرال سے علیحدگی	283	مینڈکوں پر ظلم
55	ریلوے میں تقرر	284	فارماکولوجی
56	سلطانہ آپا میری بڑی بہن	285	پریکٹکل
58	سید ذوالفقار حسین	286	سال کے آخیر کی پارٹی
63	فضل ماموں -- ایک دردناک المیہ	286	تیسرا سال
69	زیور کی چوری	287	پروفیسر صالح میمن
70	بچوں کی پیدائش	288	طب قانونی
71	بچوں کی تعلیم	289	پہلا پوسٹ مارٹم
71	ابا کی علالت	290	باقی مضامین
73	میری پیدائش	290	تیراکی کے مقابلے
74	جودھپور	291	پکنک
80	ماؤنٹ آبو	292	رشید ڈوبتے ڈوبتے بچا
84	نازک بانہیں مضبوط پتوار	293	پبلک ہیلتھ اور پاگل خانے کا ٹور
88	ٹی نائین اے	294	ریڈیو پاکستان
91	(پاکستان میں پہلا گھر)	295	کالج میگزین
95	ریلوے کالونی	296	الوداعی پارٹی
95	سالگرہ اور اسٹیج ڈرامہ	297	ریحانہ آپا
96	سالگرہ	299	میڈیکل کالج کا چوتھا سال
98	ایک یادگار ڈرامہ	300	کالج میں ہنگامے و ہڑتال
99	پہلی مشکل	301	ہفتۂ طلبہ
102	ایک جاں گداز آزمائش	302	چو این لائی اور بھٹو
105	دار النسواں اور ریلوے اسکول	302	چوتھے سال کے مضامین
106	لڑکیوں کے اسکول میں میرا داخلہ	303	امراض خواتین اور زچگی
108	ریلوے پرائمری اسکول	305	زچاؤں کی صحت
109	پڑھائی میں ناکامی	306	وارڈ کی نرسیں اور حسنہ
111	ہیڈ ماسٹر سے غضبناک پٹائی	307	کالج کا میگزین
113	گھر کا ماحول	307	میرپور خاص -- اف میرا پیارا میرپور خاص
116	مشاعرے	308	میرپور خاص کے لڑکوں کا گروپ فوٹو
120	سلطان بھائی جان کا میٹرک اور کالج کے داخلے میں ناکامی	309	فائنل ایئر
121	سلطان بھائی جان کا ایثار	310	پرکیف محفلیں
122	شاہ عبداللطیف کالج اور پرتاب بھون	311	ایک بھیگی رات
124	ڈرامہ	312	فائنل امتحان
125	گلوکار مسعود رانا	313	ایک غلطی جس کا آج بھی قلق ہے
126	شادیاں	314	بقایا مضامین کا امتحان
129	چوتھی جماعت میں فیل ہو گیا	315	سنگین حادثہ
132	گورنمنٹ ہائی اسکول میرپور خاص	317	کیا رشید مر گیا؟
140	یوم جمہوریہ پاکستان	319	الوداع الوداع
147	نئی ابتدا	321	میرا مستقبل ، ایک سوال ؟
148	میرا پیدائشی خوف	326	فائنل امتحان کا نتیجہ
149	مرزا اشفاق بیگ	328	نتیجہ کا دن
152	ماسٹر چودھری بشیر	332	حسن پھوپھی کا بنگلہ
153	ایک تھپڑ	333	بزرگوں سے ملاقات
155	نئی بلڈنگ	334	میرپور خاص واپسی
156	میرا جرات مندانہ قدم یا حماقت	334	شاہ عبداللطیف کالج میں حاضری
159	پھولوں کی چوری	336	پاکستان میڈیکل کاؤنسل
160	ایک سیاح	337	کراچی کی کلینکس میں نوکری کی تلاش
162	میرے لکھنے کی ابتدا	340	ایک ناخوشگوار تجربہ اور اذیت
164	موسیقی	341	مستقبل کا تصور اور بےچینی
165	تقریریں اور مباحثے	342	سیونتھ ڈے ہسپتال
166	تصویر کشی کا شوق اور اسکالرشپ	342	ہولی فیملی ہسپتال
167	کیڈٹ کالج میر پور خاص / پٹارو	343	سیونتھ ڈے ہسپتال اور ڈاکٹر چیپ مین
169	شرارتیں	349	کراچی میں رہائش کا مسئلہ
172	اسکول کے دیگر اساتذہ	352	خالہ جان کی عبرت انگیز کہانی
173	چودھری بشیر سے علیحدگی	358	میری پیشہ وارانہ زندگی کا پہلا دن
174	فش پونڈ میں پکنک	367	مضحکہ خیز غلطیاں
175	متفرقات	373	ناظم آباد بڑا میدان
177	سلطانہ آپا کی شادی	375	سیونتھ ڈے کا اسٹاف
178	خمیازہ خمیازہ -- مشکل ترین دور	379	ایک نئے مہمان کی آمد
180	تین مشکل ترین ماہ	382	خالہ جان کے گھر کو الوداع
181	فرشتہ اور غیبی امداد	384	ذوالفقار بھائی جان کے یہاں رہائش
183	لائبریریاں	386	پچیسی
184	میری منہ بولی بھابی	387	ایک مضحکہ خیز اور شرمندگی کا لمحہ
188	دنیا کی سیاحت کا شوق	388	نیند کی کمی
192	ایک اور تھپڑ (مگر پیار کا)	389	رشید غوری کی آمد
194	جن بھوت یا نمونیا	392	مختلف پروسیجرز کا تجربہ
196	ڈاکٹر ڈراگو اور دیگر ڈاکٹر صاحبان	393	رشید کا کنبہ اور ان کی محبت
199	محرم	394	ہوٹلنگ
200	ہائی اسکول کے آخری سال	394	ہمارے ڈاکٹر دوست اور ان کے حال احوال
200	میری بےراہ روی	396	رنگین دامن مہکتے آنچل
203	میٹرک کا نتیجہ	398	مسز ڈیوڈ کی بیٹی للین
206	میرپور خاص واپسی اور مستقبل	399	ڈاکٹر ناظم خواجہ
207	شاہ عبداللطیف گورنمنٹ کالج	403	ایک حیرت انگیز مریض
209	ایک نئے کنبے سے ملاقات	405	ایک ایسا ہی واقعہ امریکہ میں
211	کالج کا محل و قوع	405	ڈاکٹر ناظر کی کار
212	نجمہ شیخ	407	ای سی جی پڑھنے کی خواہش
215	کالج کے دیگر اساتذہ	408	میری کامیابی میں ڈاکٹر ناظر کا کردار
217	میگزین کی ایڈیٹری	409	قاسم رضوی اور آصف اقبال
219	گلاب خان تاج	410	ڈاکٹر خالدہ فاروق اور ڈاکٹر محسن احمد
220	کیمسٹری لیب اور نقاب پوش	415	ایک المیہ جو میں فراموش نہیں کر سکوں گا
221	مستقبل کے خواب	418	انجوبالا
222	نجمہ شیخ -- ایک بار پھر	424	ٹال والا گھر
224	خوشگوار تبدیلی	424	تھوڑی سی مالی فارغ البالی
225	دل میں اک اجنبی احساس کی خوشبو جاگی	425	ڈرامائی تبدیلی
229	دوسرا سال	430	ایک اور فرشتہ
229	دیواری مجلہ 'فانوس'	431	ایک نیا چھوٹا سا آشیانہ
230	موسیقی کا مقابلہ	432	نیا دور
231	اہالیان کوفہ کی مثال	433	میری علالت و عیادت
232	ایک اور دلچسپ واقعہ اور پھر ایک سبق	434	منظر بھائی جان کی مدد
234	انٹر سائنس کا سالانہ امتحان	436	ایک انتہائی پیارا دور
235	1963 زندگی کا اہم ترین اور یادگار سال	438	ڈھلتی بڑھتی دھوپ
236	امتحان کے بعد --	441	امریکی اور انگلینڈ کا نظام تعلیم
238	امتحان کا نتیجہ	444	سنگین حادثہ
239	میڈیکل کالج میں داخلہ	449	بچے نے بندا نگل لیا
243	لیاقت میڈیکل کالج	451	قتل کا پہلا کیس
246	انٹرویو	454	ہوا کے دوش پر
249	کیا دنیا میں فرشتے بھی ہوتے ہیں	461	امریکا میں ٹریننگ کی تلاش
254	میرے بھائی جان کی شادی	462	امریکا کی تیاری
257	میڈیکل کالج کے لیے روانگی	463	امریکا کا ویزا
261	چندرنوتانی	464	کامیابی کی خوشی میں میری دعوت
263	میڈیکل کالج میں پہلا دن	465	ایک غیرمتوقع مشکل
265	مردہ خانہ	467	ڈاکٹر محسن احمد -- ایک حقیقی محسن
265	ہمارا ڈسکشن ہال	469	روانگی ، الوداع پاکستان
267	کتابیں	471	قارئین کرام

***
Rashid Ashraf
ای-میل : zest70pk[@]gmail.com
ویب سائٹ : وادئ اردو

راشد اشرف

A Review on Autobiography "Hawa ke dosh par" by Dr. Fairoz Alam. Reviewer: Rashid Ashraf