عام آدمی پارٹی بہتر انداز میں کام کر رہی ہے - اروند کجریوال - Taemeer News | A Social Cultural & Literary Urdu Portal | Taemeernews.com

2015-03-31

عام آدمی پارٹی بہتر انداز میں کام کر رہی ہے - اروند کجریوال

عام آدمی پارٹی میں ایک ہفتہ تک جاری اندورنی خلفشار قیادت کو چیلنج اور تادیبی کاروائیوں کے بعد آج عاپ کے کنوینر اروند کجریوال نے کہا کہ پارٹی بہتر انداز میں کام کررہی ہے ۔ عاپ کی نیشنل کونسل کی میٹنگ جس میں باغی پارٹی ارکان یوگیندر یادو اور پرشانت بھوشن کو قومی عاملہ سے ہٹا دیا گیا تھا ، کے بعد میڈیا سے اپنے پہلی ملاقات میں کجریوال نے کہا کہ پارٹی ٹھیک ٹھاک ہے۔ عاپ نے بھوشن کو قومی تادیبی کمیٹی کے سربراہ کی عہدہ سے بھی برطرف کرتے ہوئے کمیٹی کو3رکنی پیانل میں تبدیل کردیا گیا ۔ اس پیانل کے ارکان باور کیاجاتا ہے کہ اروند کجریوال کے حمایتی ہیں ۔ عاپ میں پرشانت بھوشن کو تادیبی کمیٹی کے صدر نشین کے عہدہ سے ہٹائے جانے کے بعد توقع ہے کہ یوگیندر یادو کو پارٹی کے ترجمان ٹیم کے سربراہ کی حیثیت سے بھی ہٹا دیاجائے گا ۔ عاپ کے ذرائع نے بتایا کہ پارٹی عنقریب نئے ترجمان کی فہرست جاری کرے گی، اس فہرست میں یقیناًیوگیندر یادو کا نام شامل نہیں ہوگا ۔ پارٹی کے سینئر قائد نے اپنا نام ظاہرنہ کرنے کی شرط پر بتایا کہ یادو کو اس عہدہ سے ہٹائے جانے کے سے فیصلہ توقع ہے کہ پرشانت بھوشن کے پارٹی کے سیاسی امور کمیٹی اور قومی عاملہ سے ہٹائے جانے کے بعد ہی کیا گیا ہے ۔ یاد و ہی وہ واحد لیڈر تھے جب عاپ نے اپنے ترجمان کو مقرر کرنے سے پہلے پارٹی ترجمان تھے ۔
عام آدمی پارٹی کی قومی تادیبی کمیٹی کے صدر کے عہدہ سے پرشانت بھوشن کی برطرفی کے بعد اب امکان ہے کہ آئندہ وار ، یوگیندر یادو پر پڑنے والا ہے اور امکان ہے کہ انہیں پارٹی کے چیف ترجمان کے عہدہ سے برخواست کردیاجائے گا۔ اے اے پی ذرائع نے بتایا کہ یہ پارٹی بہت جلد اپنے ترجمانوں کی نئی فہرست جاری کرے گی جس میں یوگیندر یادو کا نام نہیں ہوگا ۔ پارٹی کے ایک سینئرلیڈر نے اپنا نام مخفی رکھنے کی شرط پر بتایا کہ’’ہم بہت جلد ، پارٹی ترجمانوں کی تازہ فہرست جاری کریں گے اور اس میں یقینی طور پر یادو کا نام نہیں ہوگا ۔ پارٹی کی سیاسی امور کمیٹی اور قومی عاملہ سے پرشانت بھوشن کے ساتھ یوگیندر یادو کی علیحدگی کے بعد، قومی تادیبی کمیٹی کے صدر کے عہدہ سے بھی ان کی برخواستگی کا فیصلہ بھی متوقع ہے ۔ پارٹی کے اہم پیانلوں سے پرشانت بھوشن اور یوگیند ر یادو کی علیحدگی کو ، پارٹی ہی سے ان کی علیحدگی کا پیش خیمہ سمجھا جارہا ہے ۔ یہاں یہ تذکرہ دلچسپی سے خالی نہ ہوگا کہ یوگیندر یادو وہ واحد لیڈر تھے جنہیں اے اے پی کے ترجمانوں کے پیانل کی تشکیل کے بعد چیف ترجمان نامزد کیا گیا تھا۔ کل پرشانت بھوشن کو تادیبی کمیٹی سے علیحدہ کردیا گیا تھا اور ان کی جگہ تین ارکان کے ایک پیانل کا تقرر کیا گیا جو اے اے پی چیف اروند کجریوال سے قریبی ربط کے لئے جانے جاتے ہیں۔

Amid spate of resignations, protests, Arvind Kejriwal says AAP is fine

کوئی تبصرے نہیں:

ایک تبصرہ شائع کریں