یو این آئی
آندھر اپردیش کے وزیر اعلیٰ این چندرا بابونائیڈو امکان ہے کہ اس سال یکم جون کو ریاست کے نئے دارالحکومت کاسنگ بنیاد رکھیں گے ۔ اسی کو مد نظر رکھتے ہوئے انہوں نے سنا پور کے دورہ کی تاریخ میں تبدیلی کردی ہے ۔ چندرا بابونائیڈو سنگا پور طرز کا نیاد ارالحکومت چاہتے ہیں جس کے لئے سنگا پور کے ماہرین کی خدمات حاصل کی جارہی ہیں ۔ وہ چین کے دورہ سے قبل مارچ کے آخری ہفتہ میں سنگا پور کا دورہ کریں گے ۔ ذرائع کے مطابق چندرا بابونائیدو 30اور31مارچ کو سنگا پور کا دورہ کریں گے تاکہ ریاست کے نئے صدر مقام کے ماسٹر پلان کو حتمی شکل دی جاسکے ۔ بعد ازاں نئے دارالحکومت کے بلو پرنٹ کے سلسلہ میں سنگا پور کے ساتھ ایک معاہدہ کیاجائے گا ۔ ذرائع کے مطابق چندرا بابونا ئیڈو تلگو سال نو اگادی کے موقع پر21مارچ کو ریاست کے نئے دارالحکومت کے سنگ بنیاد کی تاریخ کا اعلان کریں گے ۔ سنگا پور سے طے پائے معاہدہ کے مطابق جون کے مہینہ میں سنگا پور ، آندھرا پردیش کے نئے دارالحکومت کا ماسٹر پلان حکومت کے حوالے کرے گا۔ جس میں سکریٹریٹ ، اسمبلی ، وزیر اعلی کا دفتر ، رہائش گاہ ، راج بھون ، منسٹرس کوارٹرس بھی شامل ہوں گے ۔ اس ماسٹر پلان کو چندرا بوبانائیدو منظوری دیں گے جس کے بعد تعمیراتی کاموں کا آغاز ہوگا ۔ چندرا بابو نائیدو نے نئے دارالحکومت کے سنگ بنیاد کی تقریب بڑے پیمانے پر منعقد کرنا چاہتے ہیں ۔ وزیر اعظم نریندر مودی کے علاوہ کئی مرکزی وزراء اور مہاراشٹرا اوڈیشہ، تاملناڈو اور تلنگانہ کے وزرائے اعلیٰ کو اس تقریب میں شرکت کی دعوت دی جائے گی ۔ ذرائع کا ماننا ہے کہ اس تقریب کے ذریعہ چندرا بابونائیڈو ریاست میں سرمایہ کاروں کو راغب کرنے کی کوشش کریں گے ۔
Andhra Pradesh Capital Construction to Begin in June: Naidu
کوئی تبصرے نہیں:
ایک تبصرہ شائع کریں