یو این آئی
تمام نکتہ چینیوں کے درمیان سماج وادی پارٹی کے صدر ملائم سنگھ یادو لو ک سبھا انتخابات جیتنے کے بعد6فروری کو پہلی بار اپنے پارلیمانی حلقہ اعظم گڑھ جائیں گے ۔ ان کے ساتھ وزیر اعلیٰ اکھلیش یادو بھی جائیں گے ۔ ایس پی صدر مین پوری کے ساتھ ہی اعظم گڑھ پارلیمانی حلقہ سے بھی انتخاب لڑا تھا۔ وہ دونوں سیٹوں پر جیتے تھے ۔ مین پوری سیٹ سے انہوں نے استعفیٰ دے دیا تھا ۔ بعد میں وہاں ہوئے ضمنی انتخابات میں ان کے پورے تیج بہادر سنگھ یادو جیتنے میں کامیاب رہے ۔ الیکشن جیتنے کے بعد یادو کے اعظم گڑھ نہیں جانے کی وجہ سے ان پر سیاسی جماعتوں نے جم کر تنقید کی تھی۔ا ن نکتہ چینیوں کے درمیانملائم سنگھ یادو 6فروری کو اعظم گڑھ جارہے ہیں ۔ اس کے لئے جنگی پیمانہ پر تیاریاں کی جارہی ہیں ۔ وزیر محابس بلرام یادو، وزیر ٹرانسپورٹ درگا پرساد یادو اور پسماندہ طبقات کمیشن کے چیئرمین راما سرے وشوکر ایک ہفتے سے وہاں خیمہ زن ہیں ۔ ایس پی صدر وہاں ایک جلسے سے خطاب کریں گے ۔ ریلی کو کامیاب بنانے کے لئے11وزرا اعظم گڑھ کے ارد گرد کے علاقوں میں ڈیرہ ڈالے ہوئے ہیں ۔ اس موقع پر کئی پروجیکٹوں کا افتتاح اور سنگ بنیا درکھاجائے گا ۔ ان پروجیکٹوں کے سنگ بنیاد یا افتتاح کی نگرانی کے لئے محکمہ تعمیرات عامہ اور آبپاشی کے وزیر شیو پال سنگھ یادو آج اعظم گڑھ گئے ہیں ۔ ذرائع کے مطابق ان کے ساتھ محکمہ آبپاشی کے پرنسپل سکریٹری دیپک سنگھل بھی گئے ہیں۔
Mulayam Singh Yadav's first visit to his constituency Azamgarh
کوئی تبصرے نہیں:
ایک تبصرہ شائع کریں