یو این آئی
چیف منسٹر اندھر اپردیش این چندرا بابو نائیڈو نے کل وزیر دفاع منوہر پاریکر پر زور دیا کہ وہ ریاست میں دفاعی فیکٹریوں کے قیام کو یقینی بنائیں ۔ انہوں نے وزیر دفاع سے کہا کہ وہ ریاست میں دفاعی یونٹس کے قیام کے سلسلہ میں ہر ممکن تعاون کریں ۔ چندرا بابو نائیڈو نے پاریکر کومطلع کیا کہ ریاست آندھر اپردیش کو مرکزی حکومت کی جانب سے دیاجانے والا خصوصی ترقیاتی پیکیج ناکافی ہے ۔ انہوں نے وزیر موصوف پر زور دیا کہ وہ مرکزی حکومت سے دیے جانے والے پیکیج میں مزید اضافہ کی کوشش کریں ۔ کیونکہ یہ پیکیج بہ کم ہے ۔اور ریاست اس وقت مالی مشکلات سے دوچار ہے ۔ اس موقع پر مرکزی وزیر ایس چودھری اور ریاستی حکومت کے خصوصی نمائندے برائے دہ لی کے رام موہن بھی موجود تھے ۔ پانیکر اس وقت ایک سمینار میں شرکت کے لئے شہر آئے ہوئے ہیں ۔ واضح رہے کہ چندرا بابو نائیڈو ، وزیر اعظم نریندر مودی کی جانب سے طلب کئے گئے ایک اجلاس میں شرکت کے لئے آج شام نئی دہلی روانہ ہورہے ہیں ۔ اجلاس کے بعد چیف منسٹر ، مرکزی وزیر خزانہ ارون جیٹلی سے ملاقات کریں گے اور ان پر خصوصی پیکیج میں اضافہ پر زور دیں گے تاکہ ریاست میں ترقیاتی کاموں کو انجام دیاجاسکے ۔
AP CM Chandrababu Naidu sought an increase in central assistance
کوئی تبصرے نہیں:
ایک تبصرہ شائع کریں