پی ٹی آئی
محکمہ انکم ٹیکس نے اس بات کا دعویٰ کیا ہے کہ اس نے ٹیکس انحراف کے الزامات میں ملوث ہونے کی تحقیقات کے طور پر دہلی اور نوئیڈا کے دو مقامات پر چھاپوں کے دوران سہارا گروپ سے135کروڑ سے زائد قیمت پر مشتمل نقدی اور جواہرات کو ضبط کیا ہے ۔ ذرائع کے مطابق محکمہ نے اپنی سب سے بڑی ضبطی میں ایک کروڑ روپئے کی لاگت والے جواہرات کو حاصل کیا۔ ضبط کردہ نقدی کو دہلی کے عوامی شعبہ والے بینک میں جمع کردیا گیا ہے ۔ سہارا گروپ سے ربط کئے جانے پر کہا گیا کہ جان لیجئے کہ آپ کی معلومات میں لائی گئی رقم کی مقدار درست نہیں ہے بلکہ جو بھی مقدار ہوگی اس کا ایک ایک پیسہ کمپنی کی قانونی حیثیت کی حامل آمدنی ہے ۔ گزشتہ ایک سال سے ہماری جائیدادوں کے تعلق سے ہم مکمل طور پر خطرات کا سامنا کررہے ہیں اور20ماہ سے منجمد کردہ ہمارے تمام اکاؤنٹس کی مکمل رقم کو سہارا گراپ کے حوالہ کردیا گیا ہے ۔ سہارا گروپ کے ایک ترجمان نے یہ بات کہی ۔ نیز انہوں نے کہا کہ ہنگامی حالات میں کمپنی کی ضرورت کے لئے مختلف مقامات پر نقدی کو رکھا جاتا ہے ۔ محکمہ انکم ٹیکس کی جانب سے اس ضبط کردہ رقم کی تحقیقات کے سلسلہ میں حوالہ کے نقطہ نطر سے بھی دیکھاجارہا ہے ۔ اس سلسلہ میں خصوصی تحقیقاتی ٹیم کو کالے دھن کے طور پر تحقیقات کے لئے ایک رپورٹ پہلے ہی روانہ کی جاچکی ہے اور سہارا گروپ کو نقدی رقم کی تفصیلات فراہم کرنا ہوگا ۔ کالے دھن کی ترسیل کی روک تھام کی دفعہ کے تحت ممبئی میں ایک فوجداری مقدمہ درج کرلیا گیا ہے ۔
I-T seizes over Rs 135 cr cash, jewellery from Sahara group
کوئی تبصرے نہیں:
ایک تبصرہ شائع کریں