انہوں نے کہا کہ لہذا فوج یا فوجیوں کو غیر محدود اختیارات حاصل نہیں ہیں جس طرح لوگ اسے پیش کرنے کی کوشش کرتے ہیں ۔ سابق وزیر داخلہ پی چدمبرم کے خصوصی اختیارات قانون سے متعلق بیان کے بارے میں استفسار پر جنرل سنگھ نے کہا کہ وہ کانگریس قائد کے بیان کو زیادہ اہمیت نہیں دیتے ۔ انہوں نے کہا کہ چدمبرم نے جو بات کہی ہے میں اسے زیادہ اہمیت نہیں دیتا ۔ وہ کبھی کچھ کہتے ہیں اور کبھی کچھ ۔ ہمیں اس بارے میں بات نہیں کرنی چاہئے ۔ انہیں یہ بھی معلوم نہیں کہ وہ کس بارے میں بات کررہے ہوتے ہیں ۔ یہاں یہ تذکرہ مناسب ہوگا کہ چدمبرم نے ماچھل کیس میں فیصلہ کا خیر مقدم کرتے ہوئے کہا تھا کہ مسلح افواج کا خصوصی اختیارات قانون ایک ازکار رفتہ قانون ہے جس کی جدید اور مہذب ملک میں کوئی گنجائش نہیں ۔ جنرل سنگھ نے کہا کہ ہمیں ایسی باتیں نہیں کرنی چاہئیں ، جن سے یہ معلوم ہو کہ ہم کسی مخصوص سمت میں آگے بڑھ رہے ہیں ۔ آئی اے این ایس کے بموجب وی کے سنگھ نے کہا کہ بی جے پی دفعہ370پر نظر ثانی کرے گی ، جس کے تحت جموں و کشمیر کو خصوصی موقف حاصل ہے لیکن اس نے کبھی اس کی تنسیخ یا اس میں ترمیم کا مطالبہ نہیں کیا ۔ وی کے سنگھ نے یہاں اپنی آمد کے موقع پر نامہ نگاروں سے بات چیت کرتے ہوئے کہا کہ بی جے پی کا انتخابی موضوع دفعہ370نہیں بلکہ ترقی تھا ۔ انہوں نے کہا کہ دفعہ370کو اس لئے شامل کیا گیا تھا کیونکہ لوگ اس کے بارے میں سوال کرتے رہتے تھے ۔ میرے خیال میں پارٹی نے اس وقت صرف اتنا کہا تھا کہ ہمیں ملک کے حالات کا مجموعی طور پر جائزہ لینا ہوگا جس کی وجہ سے غیر ضروری مسائل پیدا ہورہے ہیں ۔
AFSPA didn't come in way of punishing guilty in Machil case: VK Singh
کوئی تبصرے نہیں:
ایک تبصرہ شائع کریں