Isolation ward in Mecca to check Ebola virus
سعودی حکومت نے جج کے دوران مکہ کے عرفات ہاسپٹل میں50بیڈ پر مشتمل ایک خصوصی وارڈ قائم کرنے کے لئے منصوبہ کا اعلان کرتے ہوئے وضاحت کی کہ ایبولا وائرس کے علاوہ دیگر متعدد امراض کے خلاف یہ احتیاطی قدم ضروری ہے۔ نائب وزیر صحت برائے منصوبہ بندی و ترقی محمد الخشیم نے بتایا کہ مصروف ترین موسم حج کے دوران مکہ اور دیگر مقدس مقامات پر22ہزار ڈاکٹرتعینات کئے جائیں گے جو ایبولا سے مقابلہ کے لئے بین الاقوامی معیارات کے مطابق تربیت یافتہ ہوں گے ۔ عرب نیوز نے محمد الخشیم کے حوالہ سے مزید بتایا کہ وزارت صحت‘‘مملکت میں16باب الداخلہ کے علاوہ جدہ میں شاہ عبدالعزیزانٹر نیشنل ایر پورٹ اور مدینہ میں محمد بن عبدالعزیز ایر پورٹ پر بھی عازمین کی سختی سے جانچ کررہی ہے ۔ دریں اثناء543عازمین پر مشتمل ایک قافلہ نائیجیریا سے کل سعودی عرب پہنچا ۔ جنہیں سخت جانچ کے عمل سے گزرنا پڑا ۔ الخشیم نے بتایا کہ وزارت صحت عالمی ادارہ صحت (ڈبلیو ایچ او) کے رہنمایانہ خطوط پر سختی سے عمل کررہی ہے تاکہ ایبولا سے متاثر کسی عازم کو ہجوم میں شامل ہونے سے روکا جاسکے ۔ نائیجیریا اور دیگر افریقی ممالک سے آنے والے عازمین کا ایبولا وائرس سے متاثر ہونے کا اندیشہ ہے ۔
کوئی تبصرے نہیں:
ایک تبصرہ شائع کریں