ادھر شیلا ڈکشت کے بیان سے اختلاف کرتے ہوئے ان کے فرزند سندیپ ڈکشت نے بی جے پی پر الزام لگایا کہ وہ دہلی میں حکومت سازی کے لئے سودے بازی کررہی ہے ۔ سندیپ ڈکشت نے کہا کہ ارکان اسمبلی کے بازار میں میرے خیال میں سب سے پہلی معاملت بی جے پی نے کی ہے ۔ یاد رہے کہ شیلا ڈکشت کی جانب سے دیا جانے والا بیان خود ان کی پارٹی کانگریس کے موقف کے بالکل برعکس ہے ۔ کانگریس دہلی میں تازہ انتخابات کا مطالبہ کرتی آئی ہے اور اس نے بی جے پی پر سودے بازی کا الزام لگایا ہے ۔ شیلا ڈکشت کے بیان پر رد عمل کااظہار کرتے ہوئے کانگریس نے کہا کہ یہ ان کے ذاتی خیالات ہوسکتے ہیں ۔ ان ریمارکس پر رد عمل ظاہر کرتے ہوئے دہلی کانگریس لیڈر مکیش شرما نے کہا کہ مجھے مس ڈکشت کے بیان پر بہت حیرت ہوئی ۔ یہ ان کے ذاتی خیالات ہوسکتے ہیں ۔ پارٹی کا اس سے کوئی لینا دینا نہیں ہے ۔ دہلی میں دوبارہ انتخابات منعقد کئے جانے کے پارٹی کے موقف کو دہراتے ہوئے شرما نے کہا کہ اس معاملے میں ہماری پارٹی کا موقف بالکل واضح ہے اور ہم دہلی میں تازہ انتخابات کا مطالبہ کرتے ہیں۔
Delhi: Sheila Dikshit backs BJP bid to form govt
کوئی تبصرے نہیں:
ایک تبصرہ شائع کریں