پی ٹی آئی
وزیر اعظم نواز شریف نے پاکستان میں ٹیکس ادا ئی کے کلچر کو فروغ کی جانب پیش قدمی کرتے ہوئے ملک کے100ممتاز ٹیکس دہندگان کو پریویلیج کارڈس سے نوازا جس کے ذریعہ وہ خصوصی خدمات سے استفادہ کرسکتے ہیں ۔ کارڈس، ایک سال تک کارکرد رہیں گے اور اس کے حامل افراد کو خصوصی سہولتوں سے مستفید ہونے کا موقع فراہم کریں گے ۔ ایرپورٹس پر وی آئی پی لاؤنج تک رسائی ایمگریشن کاؤنٹرس پر فاسٹ ٹریک کلیئرنس ، پاسپورٹس کی بلا قیمت اجرائی اور500تا5000ڈالر کا بیاگیج الاؤنس ان خصوصی مراعات و سہولیات شامل ہیں۔ نواز شریف نے اس موقع پر کہا کہ میں ان افراد سے مخاطب ہوں جنہوں نے زیادہ سے زیادہ ٹیکس ادا کرکے پاکستان کی لڑ کھڑاتی معیشت کو گزشتہ ایک سال کے دوران مستحکم بنانے میں تعاون کیا۔ اس تقریب کا اہتمام ، قوم کے لئے آپ کو گراں قدر خدمات کے اعتراف میں ہے ۔ انہوں نے بتایا کہ ٹیکس دہندوں کی تعداد میں 3فیصد اضافہ ہوا جب کہ مالی خسارہ 4فیصد کی حد تک کم ہوا ہے۔ وزیر فینانس اسحاق ڈار نے خطاب کے دوران کہا کہ اگر ہم صاحب نصاب ٹیکس ادا کرے تو پاکستانی معیشت کو استحکام نصیب ہوگا۔
Pakistan PM Nawaz Sharif Rewards 100 Top Taxpayers
کوئی تبصرے نہیں:
ایک تبصرہ شائع کریں