Kashmir issue should be resolved under UN resolutions: Pak
صدر پاکستان ممنون حسین نے آج کہا ہے کہ ان کا ملک چاہتا ہے کہ مسئلہ کشمیر کو اقوام متحدہ کی قرار دادوں اور کشمیر کے عوام کی امنگوں کے مطابق حل کیا جائے ۔ انہوں نے پاکستان قومی اسمبلی کے پہلے اجلاس سے خطاب کرتے ہوئے مذکورہ ریمارکس کئے اور کہا کہ گزشتہ ہفتہ وزیر اعظم نواز شریف کا دور ہ ہند اس بات کا اشارہ ہے کہ پاکستان ‘ اپنے اس پڑوسی ملک کے ساتھ پر امن تعلقات استوار کرنا چاہتا ہے (نواز شریف نے وزیر اعظم نریندر مودی کی تقریب حلف برداری میں شرکت کے لئے گزشتہ ہفتہ نئی دہلی کا دورہ کیا تھا) ۔ صدر پاکستان نے پاکستانی پارلیمنٹ(قومی اسمبلی) کے دونوں ایوانوں کے مشترکہ اجلاس سے خطاب کیا ۔ دوسرے پارلیمانی سال میں یہ قومی اسمبلی کے اجلاس کا آغاز تھا ۔ دستور پاکستان کے تحت ہر نیا پارلیمانی سال صدر مملکت کے خطبہ سے شروع ہونا چاہئے ۔ ممنون حسین نے دہشت گردی کا خاتمہ کرنے اور ملک کی معیشت کو بہتر بنانے کا عہد کیا ۔ حسین کا تعلق حکمراں پاکستان مسلم لیگ ۔ نواز سے ہے۔ انہوں نے اپنے خطاب میں سال گزشتہ حکومت کی جانب سے کئے گئے متعدد معاشی کارناموں پر روشنی ڈالی ۔
کوئی تبصرے نہیں:
ایک تبصرہ شائع کریں