اسلام آباد سے پی ٹی آئی کی ایک علیحدہ اطلاع کے بموجب حکومت پاکستان نے نریندر مودی کی زیر قیادت ہندوستانی حکومت کے ساتھ روابط اور رسم و راہ کی پالسی وضع کرنے کے لئے داخلی تبادلہ خیال شروع کردیا ہے۔ عہدیداروں نے بتایا کہ اس مسئلہ پر بات چیت کے لئے وزارت خارجہ میں کل ایک اجلاس منعقد ہوگا۔ فوج ،فضائیہ اور بحریہ کے نمائندے بھی اس میں شریک ہوں گے ۔ ایک عہدیدار نے مزید تفصیلات پیش کرتے ہوئے وضاحت کی وزیر اعظم نواز شریف کے مشیر امور خاجہ و سیکوریٹی سرتاج عزیز اجلاس کی صدارت کریں گے ۔ نئی دہلی میں مقرر ہائی کمشنر عبدالباسط کو بھی طلب کرلیا گیا ہے تاکہ وہ راست طور پر ہندوستان کی موجودہ صورتحال کی تفصیلات سے اجلاس کو آگاہ کرسکیں اور نازک حالات کی باریکیوں سے اجلاس کو واقف کرائیں تاکہ صحیح پالیسی مرتب کرنے میں آسانی ہو۔عہدیداروں کے مطابق عبدالباسط کل تک اسلام آباد پہنچ جائیں گے ۔ ایکسپریس ٹریبیون نے یہ اطلاع دیتے ہوئے بتایا کہ عبدالباسط نہایت خاموشی کے ساتھ اس دوران بی جے پی کے ساتھ مسلسل ربط میں ہیں جس کا مقصد لوک سبھاانتخابات میں اکثریت کے ساتھ فتحیات جماعت کو اس بات کا تیقن دے سکیں کہ اسلام آباد نئی دہلی میں قائم ہونے والی نئی حکومت کے ساتھ بامعنی و بار آور روابط کی خواہشمند ہے۔ صورتحال پر گہری نگاہ رکھنے والے ذرائع نے بتایا کہ بھارتیہ جنتا پارٹی کو مطلع کیا گیا کہ اسلام آباد کی موجودہ حکومت معاشی ترقی اور پرامن ہمسائیگی کی پالیسی پر عمل پیرا ہے اور اس پالیسی کے پیش نظر اسلام آباد انتظامیہ ’بی جے پی حکومت کے ساتھ بامعنی اور نتیجہ خیز بات چیت کے آغاز اور تسلسل کے ساتھ اس کی برقراری کی توقع رکھتا ہے ۔ جمعہ کو لوک سبھا انتخابات کے نتائج کے ساتھ ہی وزیر اعظم نواز شریف نے مودی کے ساتھ ربط قائم کر کے انہیں فون پر مبارکباد دی تھی۔ حکومت، سینئر سفارتکاروں اور ملک کے اہم قاصدین سے بھی ان کے خیالات ، نظریات اور تجربات کی تفصیلات حاصل کرے گی تاکہ ہندوستان کی نئی حکومت کے ساتھ تجارتی ، سیاسی اور دفاعی تعلقات سے متعلق ایک واضح پالیسی وضع کی جاسکے ۔ اس سلسلہ میں سابق معتمد خارجہ اور واشنگٹن میں سفیر جلیل عباس جیلانی جو ہندوستان میں سفیر کی حیثیت سے خدمت انجام دے چکے ہیں ۔ روس میں مقر ر، سفیر ، ظہیر جنجوا ، نیویارک میں مستقل نمائندہ مسعود خان ، جنیوا میں نمائندہ ضمیر اکرم، چین میں مقرر سفیر مسعود خالد تہران میں مقرر سفیر پاکستان نورمحمد جد مانی اور بروسلز میں قائم یوروپی یونین ہیڈ کوارٹر ز میں مقرسفیر نغمہ ہاشمی سے بھی ان کے نظریات معلوم کریں گے ۔
Pakistan ready to welcome Modi: Pak envoy Abdul Basit Khan
کوئی تبصرے نہیں:
ایک تبصرہ شائع کریں