New FIR against SP leader Azam Khan
سماج وادی پارٹی کے متنازع لیڈر اعظم خاں کے خلاف ایک اور ایف آر آئی درج کر لی گئی ہے کیونکہ انہوں نے نہتور علاقہ میں ایک انتخابی جلسہ سے خطاب کرتے ہوئے اشتعال انگیز تقریر کی تھی۔ پولیس نے بتایا کہ نہتور پولیس اسٹیشن میں اسسٹنٹ ریٹرننگ آفیسر سنجے کمار نے کل یہ ایف آئی آر درج کرائی ہے۔ اعظم خان پر الزام ہےکہ انہوں نے 11 اپریل کو اپنی تقریر کے ذریعے فرقہ وارانہ جذبات بھڑکانے اور عوام کو مذہبی خطوط پر تقسیم کرنے کی کوشش کی ۔ ویڈیو فوٹیج دیکھنے کے بعد سنجے سنگھ نے خان اور سماج وادی پارٹی امید وار یشویر سنگھ کے نمائندہ راج وردھن سنگھ کے خلاف تعزیرات ہند کی دفعہ 505 اور 125 کے تحت ایف آئی آر درج کرائی ۔ اعظم خان نے بی جے پی کے وزرات اعظمیٰ امید وار نریندر مودی کو نشانہ تنقید بناتے ہوئے کہا تھاکہ ا ن کے ہاتھ بے قصور لوگوں کےخون سے رنگے ہوئے ہیں ۔ ایسے شخص کو ملک پر حکومت کرنے کی اجازت نہیں دی جانی چاہیئے۔ بدایون نے موصولہ علیحدہ اطلاع کے مطابق چیف منسٹر اتر پردیش اکھلیش یادو آج اعظم خان کی تائید میں آگے آئے اور الیکشن کمیشن پر عائد کیاکہ وہ اعظم خان کی وضاحت پر غور کئے بغیر ان کے خلاف کاروائی کر رہا ہے ۔
کوئی تبصرے نہیں:
ایک تبصرہ شائع کریں