Modi invokes Kargil martyr's slogan, lands in row
وزارت عظمی کے لئے بی جے پی امید وار نریندرمودی آج این ڈی اے کے لئے300نشستوں کی درخواست کرتے ہوئے کارگل کے ایک شہید کے نعرہ کا استعمال کرنے کے بعد ایک تنازعہ میں پھنس گئے ۔ فوجی کے خاندان نے مودی کے اس بیان کو پسند نہیں کیا اور سیاسی مخالفین نے بھی تنقید کی۔ ہماچل پردیش میں ایک ریلی سے خطاب کرتے ہوئے انہوں نے آنجہانی کیپٹن وکرم بترا سے وابستہ ایک فقرہ دل مانگے مور کا استعمال کیا اور ان کی پارٹی کے لئے ووٹ دینے کی درخواست کی ۔ مودی نے کہا کہ ہماچل کی سرزمین کے سپوت کیپٹن وکرم بترا نے اپنی زندگی قربان کی تھی۔ وہ کہتے تھے ، یہ دل مانگے مور ۔ میں بھی کہتا ہوں، یہ دل مانگے مور ۔ ہم چاہتے ہیں کہ ہماچل پردیش سے تمام چار لوک سبھا نشستیں اور ہندوستان سے300کنول ملیں۔ آنجہانی کیپٹن نے اس فقرہ کا استعمال اس وقت کیا تھا جب انہوں نے کارگل کی ایک چوٹی پر دوبارہ قبضہ کرنے میں اپنے سپاہیوں کی قیادت کی تھی اور اعلان کیا تھا کہ وہ اور کچھ کرنا چاہتا ہے ۔ تاہم بی جے پی لیڈر کی جانب سے اس فقرہ کے استعمال کو بترا کے خاندان نے پسند نہیں کیا ۔ بترا کے والد جی ایل بترا نے کہا کہ شہید کے نام پر سیاست نہیں کی جانی چاہئے ۔انہوں نے سوال کیا کہ اگر بی جے پی بترا کا احترام کرتی ہے تو ان کی بیوی کمل کانتا کے خلاف اپنے امیدوار کو دستبردار کیوں نہیں کرارہی ہے جو ہمیر پور میں عام آدمی پارٹی کے ٹکٹ سے لڑ رہی ہیں ۔ کانگریس نے بھی تنقید کرتے ہوئے کہا کہ حقیر سیاسی مقاصد کے لئے شہید کے نام کا استعمال نہیں کیاجانا چاہئے۔
کوئی تبصرے نہیں:
ایک تبصرہ شائع کریں