بیرون ملک جہاد کے لیے نہ جانے بحرینی شہریوں کو ہدایت

منامہ
(آئی اے این ایس)
بحرین کی وزارت داخلہ نے بحرین کے شہریوں کا خبردار کیا کہ وہ ملک کے اندر اور ملک کے باہر جہادی سرگرمیوں سے دور رہیں ۔ وزارت داخلہ نے بحرینی شہریوں سے کہا ہ وہ علاقائی اور بین الاقوامی جہادی سرگرمیوں میں حصہ نہ لیں ۔ خلاف ورزی پر سخت سزادی جائے گی ۔ وزارت داخلہ نے مزید انتباہ دیا کہ دہشت گرد گروپوں میں شریک نہ ہوں اور نہ ایسے گروپوں کی مالی مدد کریں ۔ اس طرح کی سرگرمیوں کو بحرین کی سلامتی کو خطرہ میں ڈالنے کا ذمہ دار قرار دیا جائے گا ۔ وزارت داخلہ نے کہا کہ وہ شام کے حالات پر نظر رکھے ہوئے ، جہاں چند بحرینی شہری لڑائی میں شامل ہوگئے ہیں ۔ شام کی سرکاری افواج کے ساتھ لڑائی میں چار بحرینی شہری ہلاک ہوگئے ہیں ۔ حکومت نے تحقیقاتی ایجنسیوں سے کہاکہ باہر جانے والے افراد پر نظر رکھیں ۔ بیرون ملک جاکر لڑنے والے افراد کو گرفتار کرنے کی ہدایت دی گئی ۔ ایسے افراد جن کے بارے میں شبہ ہے کہ وہ بیرون ملک لڑائی میں شریک ہونے جارہے ہیں ان کے سفر پر امتناع عائد کردیا جائے گا ۔
Bahrain warns citizens against joining jihad missions