BS Yeddyurappa announces merger of his party with BJP
سابق چیف منسٹر کرناٹک یدیورپا نے آج قانون ساز اسمبلی کے اسپیکر کو گودوتھمپا کو ایک مکتوب حوالہ کیا جس میں انہوں نے کرناٹک جنتادل پکشا(کے جی پی) کے بھارتیہ جنتا پارٹی( بی جے پی) کے ساتھ انضمام کے فیصلہ سے واقف کروایا ہے۔ اسپیکر سے ملاقات کے بعد اخباری نمائندوں کے ساتھ بات چیت کرتے ہوئے یدیورپا نے کہاکہ انہوں نے اسپیکر کو ایک مکتوب حوالہ کیا ہے جس میں پارٹی کے چار لیجسلیٹرس کی رضامندی سے بھی واقف کروایا ہے۔ انہوں نے اپیل کی ہے کہ کے جی پی لیجسلیٹرس کو بی جے پی کی حیثیت سے مسلمہ قرار دیاجائے اور ایوان میں بی جے پی کے ارکان کے ساتھ انہیں نشستیں فراہم کی جائیں۔انہوں نے کہاکہ باقی دو کے جے پی لیجسلیٹرس کے مکتوب بشمول بی آر پاٹل اور گرو پاٹل 6جنوری کو اسپیکر کو پیش کردئیے جائیں گے۔ انہوں نے کہاکہ بی جے پی کے ساتھ انضمام کے تعلق سے کوئی مخالفت پارٹی میں نہیں ہے۔ ایک سوال کا جواب دیتے ہوئے یدیورپا نے کہاکہ ماضی کے واقعات کو فراموش کرکے وہ بی جے پی کے ساتھ ہوگئے ہیں تاکہ نریندر مودی کے وزیراعظم کے عہدہ پر فائز ہونے کی راہ ہموار ہوسکے۔ تاہم اسپیکر نے کہاکہ وہ قانون کے مطابق کارروائی کریں گے۔
کوئی تبصرے نہیں:
ایک تبصرہ شائع کریں