برطانیہ میں 4 سالہ لڑکے کی ذہانت آئنسٹائن کے مساوی - Taemeer News | A Social Cultural & Literary Urdu Portal | Taemeernews.com

2013-12-16

برطانیہ میں 4 سالہ لڑکے کی ذہانت آئنسٹائن کے مساوی

Sherwyn-Sarabi-IQ-160
برطانیہ میں 4 سالہ برطانوی لڑکے شروین سربی [Sherwyn Sarabi] کی ذہانت (آئی کیو) مشہور سائنسداں البرٹ آئنسٹائن کے مماثل باور کی جا رہی ہے۔ شروین نے حال ہی میں ویکسلر پیمانہ [Whechsler Scale] پر 160 نشانات حاصل کر کے ماہرین نفسیات کو حیران کر دیا تھا۔ شروین سربی کا تعلق ساؤتھ یارک شائر میں بارنسلے سے ہے۔ ویکسلر پیمانہ پر آئی کیو ٹسٹ میں 160 نمبرات بلند ترین نشان ہے۔
ڈیلی اکسپریس نے یہ اطلاع دیتے ہوئے بتایا کہ شروین سربی کا آئی کیو آئنسٹائن ، بل گیٹس اور اسٹیفن ہاکنگ کے مساوی ہے۔ آئنسٹائن کبھی آئی کیو ٹسٹ کے مرحلہ سے نہیں گزرے کیونکہ ان کے عہد میں جانچ کا کوئی پیمانہ نہیں تھا۔ تاہم باور کیا جاتا ہے کہ آئنسٹائن کا آئی کیو 160 نشانات کے قریب تھا۔ شروین مینسا [Mensa] کا ایک باقاعدہ رکن ہے اور اس نے آج سے دو سال قبل ہی اسکول جانا شروع کر دیا تھا۔ 3 سال کی عمر میں اس نے جینئس کلب کی رکنیت بھی حاصل کر لی تھی۔ ماہر تعلیمی نفسیات ڈاکٹر پیٹر کانگڈون [Dr Peter Congdon ] نے بتایا کہ شروین کی ذہانت انتہائی اعلیٰ سطح کی ہے اور اس کے پاس ناقابل تسخیر ذخیرہ الفاظ ہے۔

Boy, 4, has same IQ as Einstein, Bill Gates and Stephen Hawking

کوئی تبصرے نہیں:

ایک تبصرہ شائع کریں