Muslim umbrella outfit All India Tanzeem-e-Insaaf flays SP govt over Muzaffarnagar riots
مسلم تنظیموں کے حال ہی میں قائم کردہ ایک اتحاد نے مظفرنگر فسادات پر حکمراں سماج وادی پارٹی کو سخت تنقیدکانشانہ بنایااور کہاکہ حالیہ فرقہ وارانہ تشدد کے لئے چندہندوتنظیموں کو موردالزام ٹہراتے ہوئے ریاستی حکومت اپنی ذمہ داریوں سے عہدہ برآں نہیں ہوسکتی۔کل ہندتنظیم انصاف کی دوروزہ قومی کانفرنس کے اختتام پرایک خصوصی قرارداد منظور کی گئی جس میں کہاگیاکہ مظفرنگر میں فرقہ وارانہ صورتحال جوں کی توں برقرارہے کیونکہ حقیقی مجرموں کوتاحال گرفتار نہیں کیاگیا۔قراردادمیں مزیدکہاگیا"یہ حقیقت ہے کہ ہندوتواتنظیموں نے بڑی ہوشیاری کے ساتھ ان فسادات کی منصوبہ بندی کی اورگذشتہ کئی ماہ کے دوران یہ سازش رچی،ایس پی حکومت اس میکانزم سے واقف تھی ایسا لگتاہے کہ خود اپنے حقیرایجنڈہ کی تکمیل کے خاطر ملنے والے خطرناک اشاروں کو دانستہ طور پر نظرانداز کردیا"۔مسلم تنظیموں کے اتحاد نے کہاکہ یہ قرارداد اقلیتوں کے لئے فلاحی اسکیمات کی سنجیدہ عمل آوری پر کام کرنے کی غرض سے تیارکی گئی ہے۔ساتھ ہی فرقہ وارانہ ہم آہنگی کے اصولوں کوبھی برقراررکھاجائے گااور ملک کی جمہوری سیاست کے تحفظ کو ملحوظ رکھاجائے گا۔تنظیم انصاف مختلف مسلم سماجی وتعلیمی تنظیموں کے ایک اتحادکے طور پر کام کرے گی۔کانفرنس کے کنوینر اے اے خان نے کہا"یہ تنظیم ملک میں مسلم طبقہ کے قانونی حقوق کے تحفظ کے لئے اور فلاحی اسکیمات کی عمل آوری کے لئے ایک نگرانکار کی حیثیت سے کام کرے گی۔
کوئی تبصرے نہیں:
ایک تبصرہ شائع کریں